استحي حيل

[كويتيه قطوه]

قوووه بنات انا مشكلتي بسيطه بس انا ماعرف اتصرف ساعدوني
اولا بنات انا توني متزوجه من شهر بنات انا استحي اكل مع ريلي واهله بحزت الغدا بقعد انا وريلي وعمتي وخالتي وخواته ثنتين وحده اكبر مني مو متزوجه ووحده صغيره بس استحي اكل معني اكون يوعاانه بس اكل شوي وبعد نص ساعه ايوووع لانه مااكون ماكله شي واصبر لي العشا ويادوب اكل شوي استحي واايد

والشي الثاني استحي اخذ من ريلي فلوس اقوله عندي واخذ من امي والله استحي حيييل والمستحى هذا مأذيني حيييل شسوي:eh_s(2):

 

[انا لحبيبي .]

حبيتبي اول الامر هالشي عادي ، لانك مو متعوده عليهم بكره بتتعودي وبتصيري تحكي وتاكلي وتسوي يلي بدك ياه

وموضوع الفلوس حبيبتي لاتعودي زوجك على هالشي / حلو المره تراعي ظروف زوجها بس كمان حلو تخلي زوجك ما يتنساه هالشغله

والله يتمملك على خير يارب

 

[لقيت حبي]

ميخالف ايام وتتعودين بس حاولي تكونين على طبيعتج احسن لا تستحين زياده

 

[مـهـرة]

اذا على الاكل ماألومج باجر تتعودين
والفلوس لاحبيبتي اذا قالج قولي ها لالا عندي يعني بيني انج جذابه علشان يلزم عليج وذيك الساعه اخذيهم <<<< اسم الله علي سنعه وانا توني ماتزوجت

 

[أم الولد]

امممم مدري شقول
بس تدرين الله يسهل امورج جميعها صغيرها وكبيرها

 

[™〓 تۈڷيـــטּ~»❀]

ضغطي على نفسج اشوي بخصوص الفلوووس عشان بعدين ماينقلب هالشي ضدج
وو

شكلج من المستحى علاقتج رسميه معع امه وخواته

سولف وياهم عشان ترتاحين ويروح الحيا
ووووبتتعودين اشوي انج تاكلين عادي وياهم

وحزتها بتقولين


ابي اسوي رجيم خربوني ههههههههههههههههه

​

 

[كويتيه قطوه]

مشكوريييييييين

 

[الدااانــــه]

ميخالف ايام وتتعودين بس حاولي تكونين على طبيعتج احسن لا تستحين زياده

:rerrerek::rerrerek::rerrerek:

 

[*ريما*]

الحياه عادي كلنا استحينا
بس الفلوس عادي اذا قالك تبين اخذي
مافيها شي

 

[G!RLooNa]

اي الاكل مشكله انا اهلي البعاد استحي اكل جدامهم ابوي ساعات استحي اكل جدامه الحمدالله والشكر

بس الفلوس مايصير تاخذين من امج انتي الحين بذمه ريال خل يتعود يصرف عليج

اذا سألج و تستحين تقولين ما عندي قولي مادري

<< انا استحي اخذ من امي و ابوي فلوس اذا سألوني عندج و انا ماعندي اقول ها مادري خخخ

بس عاد اهما يعرفون

 

[توام قلبه]

عادي كلنا كنا جذيه اول الزواج نستحي ناكل
بس بالنسبه للفلوس اذا بدى وسالج هو تبين اولا
اذا مستحيه تقولين ايه ابتسمي وهو بيفهم ولاتردينهم
بكره حبيبتي يتعود وبالحسره يطلعلج الفلس​

 

[bent_7awa]

الحاله اللي انتي فيها جدآآآ طبيعيه ...

الكل مر بنفس الظرف ومع الايام بتتعودين ويزول الخجل ..تيكيت ايزي

 

[كــوب كــرك]

يوووووه اذا على سالفه الاكل كنت اموت من الجوع وبعدين خلاص تعودت
وبالنسبه للفلوس طبيعي تستحين بس لازم تاخذين منه علشان يتعود انه مسؤل منج ومع الوقت بيصير انتي اللي تروحين للبوك وتاخذين بلا استاذن بلا بطيخ
ههههههه اعجبني رد مهره حلو 0000




استغفر الله

 

[ام دليار]

فترة وبتمر بكرا بيصيرو يخبوا الأكل عنك راح تخلصي كل شي بثلاجة هههههههه
لاوتعودي أنو مايحسبلك حساب عادي قولي بدي مصروف
بس يروح الخجل راح تندمي

 

[جنون العاصفه]

حبيبتي ذكرتيني بداية زواجي مااكل معه ولااخذ فلوس منه ....الحين الله وكيلك اول من يقلط ..بعد اسحب الصحن ..امالفلوس اخذ بدون استئذان ..طبعا يصير ازوجه تاخذ من زوجها
وهاذي بدايه وراح تعودين عليه ......مبروك ياعروس

 

[الحياة جوهره]

ياحلو عرايس الله يهنيج حبيبتى و البنات وفو

 

[توته وزيتونه]

الف مبروووك ياعروس ربالتوفيق يارب وعادي الي تمرين فيها شكثر بنات اعرفهم جذي حسوو
والفلوس الي قالو لي ان لازم تاخذين عشان يتعود نفس ماقالو البنت وماقصرو
بس انا عندي سؤال !!!!!

اذا الوحده كانت موظفه شلون تعود زوجها يعطيها مصروف مادري احس فشله اطلب لان يعني اكيد عندي؟؟؟؟؟ بس عشان يتعود شلوووون!!!*