استراليا 13-7 م المستقبل

[فرحه عمر]

أنا بعد ان شاءالله رايحه استراليا


بس مو مع قروب

حجزت الطيران على الاماراتيه

والفنادق من موقع booking عالنت



عاد قولولنا بنات شنو برنامجكم لسفره ؟؟؟؟

looooooooooraaaa
انا بعد حجزت الطيران من النت طيران الامارات وهم بعد الشقق الفندقيه من موقع booking.com
متى سفرتج ان شاء الله وجم يوم بتقعدين بجولد كوست وسيدني؟؟

 

[فرحه عمر]

والله انا انصدمت ان الناس تسافر حق استراليا لان اسعارها مو شويه بصراحه وخاصه اذا صرنا عايله

بس بصراحه استراليا ما تتطوف واحلى من اوربا بدبلات بس عيبهم انها مو مالت تسوق وانما وناسه وحق يهال وجو

وسنغافوره يعني عاديه كافي عليها 3 ايام مافيها شي وغاليه وايد وعملتهم الدولار السينغافوري

اما استراليا عملتهم دولار استرالي

اما ماليزيا عجيبه حيل وحق تسوق ورخيصه وكل شي فيها حلو وعملتهم الرينجت

اختي انتي رايحه استراليا من قبل؟؟

 

[فرحه عمر]

:ggdw: واخيرا وبعد روحة وردة للسفريات وحيرة وبعد السهر على النت حجزنا والحمدالله لاستراليا بتاريخ 13 يوليو مع سفريات المستقبل بيكون قايدنا على ما اظن عبدالوهاب الدوسري شكله خوش ريال وشقردي
يالله يا حلوين خل نتعرف على بعض منو معانا بالرحله خل نطقها صحبه بالسفر _03BA:

معلمه كمبيوتر نصيحه مع القروبات ترى مو مجبوره تلتزمين معاهم واسعار التذاكر هم بعد انتو اسئلو فيها لانه ممكن يكون فيها زياده عليكم لانه القايد تذكرته واقامته ورحلاته على حسابكم :cxxxp:
وهالكلام مو من عندي انا لما سافرت مع سفريات السيد سنه 2000 وما انصحج فيهم الصراحه القايد اللي كان معانا معاه زوجته وبنته واهو قالنا انه اصلا رايح السفريات بيحجز حق اوربا وقاله صاحب المكتب شرايك تروح استراليا وتذكرتك واقامتك علينا بس انت تدفع حق مرتك وبنتك وانه اول مره يطب استراليا وماعنده فكره عنها نهائي وصادفنا قروب بسيدني كانو اغلبهم حريم يقولون من طبو سيدني ماشافو القايد ولا شافو خلقته ومتحلفين بالمكتب
عشان جذي قاعده اقولج ترى القايد اللي بالرحله مو بالضروره يعرف المكان او عنده خبره فيها لانه حرام تتكلون عليه واخرتها ماتستانسون وتروح عليكم فلوسك
وين راح يسكنونكم بجولد كوست؟؟ وهالله الله بشارع اورشد بسنغافوره
وان شاء تستانسون بالسفره

 

[Loora]

هااااااااااااي بنااااات:68_asmilies-com:

اول شي سووووري على التأخير:0bee2e8d89: ,,,, لاني كنت مسافره وتوني راده

وفي اكثر من بنت طلبت مني الملفات وانا بحاول انزلهم اهني

علشان الكل يستفيد_03BA:

واللي سافر انشالله بفتحون النت ويستفيدوون ,,,,,, واللى ماسافروو لحقوو وطبعوهم معاكم

بنات انا بحاول انزل الملفات واذا فتح معاهم عطوني خبر ,,,, لاني صج اول مره انزل ملفات بالمنتدى

هذا دليل جولد كوست
Gold Cost.doc

وهذا دليل سدني
Sydney.doc