استراليا 6/2009

[MoDaRRiSaH]

السلام عليكم أعضاء أحلى منتدى
حبيت أقدم لكم أول موضوع أشارك فيه معاكم
وإنشالله يعجبكم
والموضوع هو:
_03BA: رحلتي إلى استراليا مع زوجي وبنتي الحوراء الي عمرها سنتين ونص
بس أبي اتطولون بالكم علي
وتطوفون البدليات

التخطيط للرحلة:
دشيت الانترنت
وبحثت عن اجمل الرحلات والأماكن السياحية باستراليا
وشفت اسعار الطيران
واسعار الفنادق من موقع booking.com

تم الاختيار على الخطوط الجوية السنغافورية
وقصينا التذاكر من سفريات المستقبل الي كانوا يهبلون وعطونا أحلى سعر ومعاملتهم اتينن
أما الفنادق فتم اختيارهم من موقع بوكينج وبعدين راح أقولكم أسماء الفنادق
سووينا الفيز من سفريات المستقبل بعد

وقرب موعد السفرة

أهم ما خذته معاي
الزيرتك علشان حوري تنام بالطيارة :dddds:
ودوى الكحة
والفلودركس
وتحاميل حق الحرارة لا سمح الله
وكريم الشد العظلي :dddds:

شاحن الموبايل والكاميرا

الاقلاع من دولة الكويت يوم الأحد الموافق 14/6/2009 الساعة 8:45 مساءا بتوقيت دولة الكويت. طبينا أبوظبي وانتظرنا 50 دقيقة وأقلعنا، وصلنا سنغافورة 12:30 ظهرا بتوقيت سنغافورة...

كانت الطيارة حدها عجييييييييييييييييييبة من داخل وحديثة
والكرسي سرير مو كرسي
وخدمتهم تهبل
نمنا خووووووووووش نومه
جننه بالفيرست كلاس واحنا الدرجة السياحية





استغرقت الرحلة من أبو ظبي إلى سنغافورة 7 ساعات و40 دقيقة...

وأول ما وصلنا مطار سنغافورة
كان المطر يهبل كراسي مساج وانترنت وبلاي ستيشن وشاشات بلازما كبيرة حق المباريات وتلوين كللللللللللللللله فبلاش
ترانزيتنا 8 ساعات و40 دقيقة

فأجرنا ليلة بفندق المطار
علشان انتمدد وانريح لأن قطعنا نص المسافة وورانا نص ثاني

Ambassador Transit Hotels






طريقته بالساعة ال6 ساعات ب 13 دينار تقريبا
كان حلو وكافي ارتحنا فيه

أقلعنا من سنغافورة تاريخ 15/6/2009 دخل علينا اليوم الثاني

الساعة 9:10 مساءا بتوقيت سنغافورة إلى برسبين-استراليا واستغرقت الرحلة 7 ساعات ونص...

_03BA: يتبع...




​

 

[MoDaRRiSaH]

وصلنا إلى برسبين الساعة 6:40 صباحا
واستأجرنا من تاكسي المطار باص يودينا الفندق
وخذا مننا 80 دولار

كان الجو بارد واحنا كنا لابسين صيفي طقطقنا :dddds:

المسافة من مطار برسبين لي فندقنا بقولد كوست ساعة تقريبا

اسم فندقنا ماريوت
Courtyard by Marriott Surfers Paradise Resort

وكان موقعه حلو لأنه كلشي قريب منه ولأنه بالسيرفر بارادايس





كان حلو من داخل فيه اوتي وسخان ماي وسشوار كل شي تحتاجينه

وخدمتهم وايد حلوه بعد...

رتبنا جناطنا

وطلعنا نتمشى بالسيرفر

تغدينا من ماكدونلدز وآكلنا بررد بعز البرد

وأول رحله رحناها كانت

Aqua Duck

وهي عبارة عن باص على شكل بطة ياخذ فيج جولة بالسيرفر برادايس بعدها يصير برمائي يطب بالماي وتصير الجولة بحرية جننا راكبين طراد

كانت وايد حلوه وممتعه

حورين استانست وبنص الوناسه نامت :dddds:
بس قعدناها قصب علشان اتسوق







بعدها رحنا قتلا الفندق حطينا راسنا ونمنا من التعب علشان نستعد حق اليوم الثاني ...

يتبع...

_03BA:

​

 

[MoDaRRiSaH]

الأربعاء 17/6/2009 اليوم الثاني
صحينا بحيوية ونشاط
ونزلنا السيرفر وهم ترايقنا من ماكدونلدز
بعدها انطلقنا حق الي رايحه علشانه

Movie World

:ggdw: :ggdw: :ggdw: :ggdw: :ggdw:

أوقات الدوام الرسمي: 8:45am-4:50pm

والباص خذا مننا روحة ورجعه 15.20 دولار للشخصين

وتذاكر دخول الموفي كانت ب 139.90 دولار للشخصين تقريبا 37 دينار كويتي أنا أشوفها غالية صراحة بس تستاهل :dddds:

طريقته شلون:
تدخلون امسويين حق كل شخصية تقريبا لعبة خطرة وبيت حق الأفلام ومحل يبيع ما يتعلق فيها

يعني أول ماتدشون
لعبة طلقة الدبوس على شكل باتمان
ويمها قلعة تحضرون حق باتمان شو لايف
ويم اللعبة بعد محل يبيع كل ما يتعلق فباتمان من أكواب تيشيرتات جناط أقلام مداليات ... إلخ
ونفس الشي حق سوبر مان
وشراك وحضرناله سينما I MAX
وغيره...............

وفي قسم لألعاب الأطفال
طبعا هذا فيه تويتي وبقز باني وسلفستر وسكوبي دو ...
وبنتي ذابت لما شافت تويتي ولمها بعد زين ما طاحت غشيانه :dddds:

يتبع لرفع الصور...




​

 

[MoDaRRiSaH]

 

[MoDaRRiSaH]

وهذي صورنا الشخصية









وما خليت محل ما خمميت منه تيشيرتات وأقلام وأكواب وبراويز صور وجناط

وأحلى شي الشو الكبير
لما يطلعون كللللللللللللللهم مع بعض مع سياييرهم وتقدرون اتصورون معاهم
صج صج وناسه

ويضيع اليوم بطوله كله هناك

 

[MoDaRRiSaH]

بعد الخواره بالموفي
رجعنا تعابه
وأكلنا بالسيرفر
في مطعم اسمه
Sea food Empire
وكان لذيييييييييييييييييذ _03BA:
وطلع 47 دولار
وردينا نمناااااااااااااااااااااااا


يتبع لليوم التالي...​

 

[MoDaRRiSaH]

اليوم الثالث
الخميس 18/6/2009
ترايقنا من صبواي
ورحنا حق مكان قريب ما يحتاج باص
لأنه يم السيرفر بس يبيله شوية مشي
اسم هالمكان:
INFINITY
يعني لعبة المتاهة
وصج كانت متاهة :dddds: :dddds: بدعنا داخل صج صج تهنا
طبعا المكان ظلللللللللللللمه وليتات ملونه عجيييييبه
ومره موسيقى اترقص واتونس
ومره لحن رعبببببببببببب وحورين تموت خوف
ومره نمشي على أشياء تتحرك جنه بنطيح
ومره ينزل علينا مادري شنو من فوق
لويه
بس وناسه





بعد ما طلعنا

ركبنا الباص وقصينا روحه ورجعه ب 18 دولار حق
Dream World

أوقات الدوام الرسمي: 10AM-4PM
وأسعار تذاكر الدخول 135 للشخصين

وهي عبارة عن مدينة ملاهي
فيها ألعاب للأطفال
وألعاب خطرة للكبار

وحورين عجبها الويقل وورد وصج كان وايد حلو خاصة حق عمرها











رددينا أكلنا بمطعم ايراني وكان مايسوى
أحلى شي كان فيه
اللبن :dddds:

ونمنااااااااااااااااااااااااااااااااا

يتبع ..._03BA:

​

 

[MoDaRRiSaH]

الجمعة 19/6/2009
ترايقنا بعد من صبواي
وقصينا روحة ورجعة بالباص 11.60 دولار
حق
Sea World
:ggdw: :ggdw: :ggdw:

تذاكر الدخول للشخصين 140









والأهم من كلللللللللللللللللللللللللللللللللللللللل الصور
صورتي أنا لما سبحت مع الدلفين
وأقطله الكره واييبها لي
وأوكله سمج صغار
وأدور ويدور مثلي
وصووروني هالصورة وصوروني دي في دي
وحددددددددددددددده وناااااااااااااااااااااااااااااااااااااااااااسه :dddds:



وكل هذا ب 52 دينار كويتي تقريبا :dddds: أدري بتقولون مينونه بس شسوي أحبه اموت عليه

وكان كل شوي عرض
مره عرض البطاريق
ومره الدلافين
ومره الفقمه
ومره اليرايير والخمه
وفي قطار يتجول بالمكان
وفي تلفريك بعد
وكان وااااااااااااااايد حلو ووناسه

وبعد كان في استعراض سيارات برمائية وحركات بهلوانية ممتعه



رجعنا وأكلنا بأحد المطاعم الحلال الي بالسيرفر اسمه مادري شنو Kebab

ونمناااااااااااااااااااااااااااااااااااااااااااااااااااا

يتبع ...
_03BA:



​

 

[mooomooo]

معاج يا قلبي لا توقفين

انا حدي استانست من الصور

عليكم بالعافيه حبيبتي وياحلات حوري الله يخليها لكم :eh_s(6):

لي خلصتي التقرير لي قعده معاج _03BA:<-- ناويه تروح لها السنه اليايه

 

[Dalo3a in Texas]

ماشالله ياحلات استراليا

عليكم بالعافيه

 

[MoDaRRiSaH]

السبت 20/6/2009
نزلنا ترايقنا بأحد كافيهات السيرفر بارادايس
بعدها توجهنا حق مكان قريب ما يحتاجله باص
مشي تروحونله
وهو
The Wax Museum
يعني متحف الشمع
وهو ينقسم حق قسمين
قسم المشاهير
وقسم رعب
واحنا لان معانا حورين بس دخلنا قسم المشاهير
وفي وايد شخصيات صورنا معاها مثل
ديانا
وأول فظائي أمريكي ارتاد القمر
وأول حكام البيت الأبيض....

واللي يضحك بالموضوع
اني شفت مايكل جاكسون
وقلت يخسي مليون عملية تجميل سواها
وما مات ليلحين
:dddds: :dddds: :dddds:
بعد جم يوم حطوا خبر موته بالسي ان ان واحنا هناك
:dddds: :dddds: :dddds: متتتتتتتتتتتتتتتتتت من الضحك





بعدها ركبنا باص ورحنا حق ثاني مكان أنا مسافرة علشانه
الأول الموفي وورد
وهو الثاني

Currumbin Wildlife Sanctuary

أوقات الدوام الرسمي 8 am-5pm
وسعر تذاكر الدخول 128 للشخصين

وهو تقدرون تقولون حديقة حيوانات
ومن أهم الحيوانات اللي فيها

حبييييييييييييييييييييييييييييبتي الكوالا
وحبيييييييييييييييييييييييييييبي الكنغر









والأحلى من كل الصور يوم شلت الكوالا ومسحت عليها تهبببببببببببببببببل
جان زين أقدر آخذها معاي الكويت



تعبت يتبع ..................


​

 

[MoDaRRiSaH]

يتبع يوم السبت الحافل
وأحلى 2 الكوالا والكنغر

وهذي صورنا الشخصيه مع حبيبي الكنغر
طبعا أنا مو مصدقه قاعد أكوله
:ggdw: :ggdw: :ggdw:





خلصنا

وثالث مكان رحناه بنفس اليوم
وكان يم ال Currumbin
اهوه
Superbee honey world

وهو عبارة عن شو شلون يصنعون العسل
وسبحان الله شلون النحل يشتغلون ليل نهار

وبعد اهو عبارة عن مكان يبيعون فيه العسل ومنتجاته

كان ثقافي وحلو






وهني اتذوقين العسل قبل لا تشترينه

ورديناااااااااااااااااااا
أكلنا من مطعم تركي حلال ونمناااااااااااااااااااااااااااا

يتبع ...........
_03BA:


​

 

[MoDaRRiSaH]

الأحد 21/6/2009
نزلنا السيرفر وخلاااااااااااص أدمنا ماكو جنه مطعم غير صبواي انترايق فيه :dddds:
بعدها رحنا رحلة اسمها
Springrook natural arch & tropical fruit world
يعني الشلالات و حديقة الفواكه
من النجمه قاعدين
وخذونا فباص
والطريج طويييييييييييييل
ومرروا زليون واحد
يعني طولنا على ما وصلنا أول شي حق حديقة الفواكة



بس كانت غاليه
للشخصين ب 213 دولار

بعدها رحنا للشلالات



وكانت متعبه حيييييييييييييييل لبعد المسافة
بس لما انشوف الشلال ورذرذ علينا ونااااااااااااااسه وننسى التعب
وغددونا بمطعم هناك بس سعر الغدا مو من ظمن الرحلة
ورجعنا

صج رددينا تعبانين، بس وددينا حورين تلعب بألعاب بالسيرفر بارادايس اسمها
Time Zone
وهذي تفتح ليما الساعة 12 بالليل











ونمنااااااااااااااااااااااااااااااااااااااااا

يتبع ...........
_03BA:

​

 

[MoDaRRiSaH]

الاثنين 22/6/2009كان عبارة عن راحة واستجمام ماسوينا فيه شي يعني أقصد ما رحنا رحلات
تمشينا بالسيرفر
وقعدنا بكافيهات ومطاعم
اتسووقنا شويه ودينا حورين تلعب بالتايم زون بولنج
وأنا لعبت لعبة البركان الخطرة

ولا تطوفكم هالصورة عجيبة مالت حورين



معجباتها مش اي اي ولا زي زي :dddds:


​

 

[MoDaRRiSaH]

الثلاثاء 23/6/2009
آخر يوم في قولد كوست :krkrkr: :krkrkr:
ومن بعدها نروح سدني
:ggdw: :ggdw:

بهاليوم رحنا مكان اسمه
Zorb
هذي كرة
اتدشين داخلها
تتربطين عدل
ويقطونج من قمة هضبه
وتتدربحييييييييييييييييييييين لين يفتر راسج :dddds:

بس علشان اتروحينلها
لازم تركبين باص الدريم وورد
ومن هناك ياخذج تاكسي 5 دقايق وتوصلين لان مالها محطة باصات قريبه منها





بعدها رددينا اتسوقنا
وظبينا اغراظنا
نستعد حق سدنيييييييييييييييييييييييييي

:ggdw: :ggdw: :ggdw:

يتبع سدني...
​

 

[こわいい せんせい]

　　　　　يعطيج العافيه علا التقرير امتبعه ويااج :eh_s(6): والله ما توقعت استراليا فيها شي ايونس بس اطلعت فيها بلالالالالاوييي :ggdw: الحين فهمت ليش ابوي يحن علينا انروح استراليا :dddds: احلا شي الحيوااانااااااات :ggdw:

 

[MoDaRRiSaH]

معاج يا قلبي لا توقفين

انا حدي استانست من الصور

عليكم بالعافيه حبيبتي وياحلات حوري الله يخليها لكم :eh_s(6):

لي خلصتي التقرير لي قعده معاج _03ba:<-- ناويه تروح لها السنه اليايه

مشكورة حبيبتي على متابعتج للموضوع والله يعافيج
وانشالله اتروحيلها وتستانسين يارب​

 

[MoDaRRiSaH]

ماشالله ياحلات استراليا

عليكم بالعافيه

الله يعافيج حبيبتي تسلمين​

 

[MoDaRRiSaH]

　　　　　يعطيج العافيه علا التقرير امتبعه ويااج :eh_s(6): والله ما توقعت استراليا فيها شي ايونس بس اطلعت فيها بلالالالالاوييي :ggdw: الحين فهمت ليش ابوي يحن علينا انروح استراليا :dddds: احلا شي الحيوااانااااااات :ggdw:

بعد عمري مشكورة عالمتابعة
وترى بعد ما شفتي شي
وفي أماكن وايد حلوة ما رحناها أما لأن الجو ممطر أو لأن حورين عمرها سنتين ونص ولازم يكون عمر الطفل أقل شي 3 او 4
مثل
المنطاد Balloons Above
عجيييييييييييييييب بس ماخلونا نركب علشان حورين
ومنزل الضحية وهو رعب وخفت عليها لا تخاف بس يقولون وايد حلو
وركوب الباراشوت
والجت السريع Paradise JET Boating

وغيره وغيره
تهببببببببببببل
انشالله اتروحون وتستانسين وتدعيلي :dddds:​

 

[MoDaRRiSaH]

والحين انا بنام تعبت
وباجر أكمل لكم ليالي الأنس في سدني :dddds:

يتبع ..........................
_03BA:​