استشارات في الريجيم

[NO_oNA]

شلونكم بنات

قررت أسوي ريجيم وأقطع النشويات ، فأبي مشورتكم ونصايحكم

وزني 60،5 :eh_s(16)::eh_s(11)::eh_s(16)::eh_s(11): والوزن المثالي على الاقل اوصل ل 53 وحلمي 48 تقريبا

الرياضه الحمد الله مستمره عليها

نجي للأكل , قاعده أفكر بأكلات مافيها خبز أو مكرونه أو رز

الفطور : بيض مفيوح ، كورن فليكس , وشنو بعد أقدر أكله ؟؟؟
الغدا : شوربة أو سلطة تونة , أو سلطة دجاج
بالاضافة الى أكل التفاح و شرب الشاهي الاخضر , الزبادي , ثومه قبل النوم , شرب الماء
عصيرات , حليب , لبن قليل الدسم

شنو بعد ؟؟

أبي نصايحكم واقتراحاتكم

 

[حقوق الوسم]

ممكن تتريقين شابوره وشاي حليب
الغدا مشويات بأنواعها : شيش طاووق مع سلطة روب بخيار
النسكافيه انصح فيه يسد النفس حيييل
والعشا حاولي تقطعينه او يكون تفاحة
انشالله اكون قدرت افيدج
ادعيلي اضعف بصحة وعافية

 

[عسووولة]

ثووم !،!!!!!!!

 

[brat]

خليها 5 وجبات باليوم (ريوق، سناك، غدا، سناك، عشا)

مثلاً الريوق:

5-7 تمرات + حليب خالي الدسم

توست أسمر + تيركي أو جبن أبيض أو جبن سلايس أو لبنة أو حلوم (كلهم قليلين أو خاليين الدسم) أو زعتر مع قفشة زيت زيتون
وتاكلين وياهم 5 حبات زيتون

الكورن فليكس اخذي الأسمر أحسن وتأكدي إن ما فيه شكر أو syrup

شوفان وحليب دافي مع رشة دارسين وشوية مكسرات نية (لوز/ يوز...)

أو تقدرين تاخذين لج من دايت كير فلافل ساندويج أو بيديان

-

الغدا:

لازم يكون فيها سلطة وبروتينات وكاربوهيدرات

السلطات: تبولة بدون برغل أو سلطة عادية أو سلطة جرجير أو روب وخيار
والصلصة ليمون وقفشة زيت زيتون وشوية ملح


البروتينات:
دياي ويحبذ الصدر لأن ما فيه دهون أو شيش طاووق أو ستيك مشوي أو تكا أو سمج مشوي أو تونا تقدرين تسوينها حمسة أو بيض (مو مقلي)
أو إذا مو مشتهية لحوم سويلج حمسة فاصوليا أو فول أو شوربة عدس


الكاربوهيدرات: توستة سمرة/ ربع خبزة إيرانية/ كوب عيش أسمر/ بطاطا حلوه/ بطاطا عادية

إذا تحبين خضار بروكلي، جزر، زهرة، كوسا...

آنا مرات آكل كوب عيش أسمر مع مرق عدس، أو إن يكون معدس، أو عيش مع خضار

ــ

العشا إذا تبينه خفيف وهذا اللي آنا أسويه: روب خالي الدسم مع أي نوع فواكه أو سلطة أو إذا يوعانه تونا أو بيض مع سلطة



والسناك خليه فاكهه أو عصير فريش أو تمر، بس يحبذ إنج تاكلين فاكهة على إن تشربين عصير عشان الفايدة بالألياف ولأن الفاكهة تشبع، أما العصير فيه سعرات أكثر

وشربي وايد ماي

 

[brat]

بس ترى الكاربوهيدرات مفيدة خاصة إنج تلعبين رياضة، لا تحرمين روحج منها خاصة عالريوق

وإن شاء الله تنزلين وزنج بصحة وعافية

 

[NO_oNA]

ماقصرتوا بنات الله يعطيكم العافية ,

بالنسبة للثوم قرئت هنا إن ثومه قبل النوم مفيده للنحف طبعا غير فوايدها الثانية

 

[NO_oNA]

إن شاء الله بسوي مثل ماقلتوا .. وجبتين رئيسية بنوع وبقلل الكمية أخاف على صحتي وشعري غير وراي مسؤليات ودراسه , وعشا خفيف تفاحه أو زبادي

الرياضه بتكون مشي (للمنطقة السفلى وماشاء الله ملاحظه فرق مع ان وزني مانقص ) + نط الحبل (حركة لكل الجسم ) + ورياضة الخصر اثبت رجولي والف لفة كامله لجهة اليمين بعدين ارجع والف لفه ثانيه لجهة اليسار أسويها 10 مرات , بعدين اسوي كاني بشيل شي من الارض انزل على جنب للجهتين وهكذا + رياضة الزنود أول ثلاث حركات في هذا الرابط
http://www.youtube.com/watch?v=_xvcPKSk5B8