استشارة بخصوص Chanel

[MISS_LIZLIZ]

السلام عليكم و رحمة الله و بركاته

ابغى استشيركم في موضوع

لقيت قطعة الصراحة شكلها جميل داً و فاخرة
كل جزء فيها ينطق و يعبر عن الفخامة
بجد القطعة انيقة و راقية

حتى ان نوعية القماش من النوعية الممتازة و يعتبر درة اولى في الملمس و الخامة

صاحب المحل قالي هالقطعة عملنها نسخة طبق الاصل من ماركة chanel كوليكشن 2011
حتى اكسسواراتها صممنها بنفس الدقة و قالي ادخلي موقعهم و شوفي

و فعلاً لقيتها نفسها تماماً مافي اي اختلاف نهائيا بكل التفاصيل تشبهها

حسيت كأني اتفرج على القطعة اللي شفتها في المحل مو كأني اشوف موقعهم

قلت لصاحب المحل يحجزها لي و على بكرة الصباح اعطيه خبر اذا اشتريها او اقوله كنسلت الموضوع

و القطعه لونها اسود و اكسسوارتها ذهبي
و سعرها بـ 1200 ريال يعني في حدود 100 دينار

سؤالي هل قطع شانيل و خصوصاً اللي لونها اسود ممكن تكون مناسبة لعمر وحدة في الـ 20 او تناسب شابات غير عن هالعمر


يعني ايش رايكم اشتريها او اصرف نظر عنها ؟
​

 

[MISS_LIZLIZ]

لـ هالدرجة ماعندكم اي مشاورة او رأي تقدمونه .. !!

 

[baby.blue]

اذا اللون حلو عليج و عاجبج توكلي على الله .. اذا في لون ثاني و عاجبج اخذيه

اهم شي اذا الامكانيات الماديه تسمح لج و خاطرج فيها .. لا تخلين شي بخاطرج :>

هذآ رايي

 

[MISS_LIZLIZ]

شوفي الامكانيات المادية الحمد لله متوفرة و له الشكر و بالنسبة اللون حلو عليه
لكن اخواتي يقولوا لي حتى لو القطعة فخمة لكنها مو لسنك نهائياً وراح تطلعك اكبر من عمرك
خذي شي ملون و عليه شغلات غريبة او فيه قصات حلوة تناسبك .. ابعدي عن الرسمي
عشان كذا انا قلت اسئل لان ابغى اعرف راي الناس و وجهة نظرهم

و مشكورة اختي على ردك يعطيكي العافية على مشورتك

 

[PuPa^^SWeeT]

انا مادري شنو القطعة و شنو صورتها

علشان اعرف اذا اتناسب وحدة عمرها 20


شنو اهي القطعة بالاول شلون شكلها

 

[MISS_LIZLIZ]

مشكورة اختي على الرد

و بالنسبة للقطعه اول قطعه على اليمين اللهم ان الاختلاف في شي واحد طول الجاكيت اصغر من اللي موجود في الصورة
و من تحت تنوره مو بنطلون و مسوي نفس الشغل على اطراف التنورة

انا اتصلت عليه و قلت له كنسلها و خلاص راح اشوف شي ثاني

 

[بنت جنيف]

موتنسين تورينا القطعه الي بتشترينها واذا القطعه ب١٠٠ دينار زيدي جم دينار واخذي ملابس مميزه وماركات بعد

 

[MISS_LIZLIZ]

انا اتصلت في المحل و كنسلت القطعة لاني كنت واعدة صاحب المحل و ادق عليه يلغي حجزها لو ما عجبتني

و الماركات المشهورة الحمد لله ما قصرت اخذت من عدة ماركات ( جورج اماني و دولتشي اند قبانا و مانجو و بيرشيكا و بي بي ) و اخذت من عدة ماركات ناسيتها و محلات ثانية يعني شكلت و نوعت غير الاكسسوارات و كنت اتمنى لو colcci ما اغلق محله هالسنة انقهرت كثير وقت صار هالشي

بس باقي لي الشنط و الاحذية الله يكرمكم و هذي عارفه محلي اللي اخذهم منه بكرة بإذن الله اجيبهم

ولبس اول ليله للعيد و نفسي اخذه و اخلص يصير ما انزل السوق في رمضان نهائياً يا رب انها تتيسر بكرة و الاقيها بحول الله و قوته

 

[Miss May]

نصيحة ابتعدي عن اللون الأسود
أنا عمري 24 الحين ولما كان عمري 19 كنت أحب اللون الأسود لأنه راقي
وأغلب ملابسي بذاك الوقت لونها أسود هبيت فيه هبة
بعدين ندمت
لأن فتحت كبتي فجأة وانصدمت إن كبتي كله أسود تخرعت من السواد مع إن الملابس حلوة والكل يسألني عنها

نصيحة البسي الوان فرحية بهالعمر فوشي أحمر أورانج أصفر الألوان الشبابية لأنها تناسب عمرج بس اختاري درجة لون راقية

وبيجي يوم تكبرين إن شاءالله وتلبسين هالألوان الداكنة ..
وحلو التنويع
الله يوفقج ..

 

[MISS_LIZLIZ]

يعطيكي العافية يا قلبي على النصيحة الحلوة
وانا من النوع اللي اخذ وقتي على االاخر بخصوص اللبس و أتانى عى مهلي حتى الاقي القطعة اللي في بالي و تناسب سني
و على الالوان صدقني دائما قطعي الحمد لله ربك ميسرها من كل الالوان و الموديلات عندي و ما احدد لون معين و اصر عليه في اغلب ملابسي هذا الشي مو عندي
وبصراحة انا صرفت نظر عن القطعة و حسيت حالي ارتحت كثير و انبسطت اني لغيتها