استشارة للمعلمات الفاضلات - الخبرة والجدد ( :

[أم روض]

السلام عليكم ورحمة الله وبركاته

عندي استشارة لكم يا زميلاتي المعلماات :eh_s(17):



أنا معلمة في المرحلة الاعدادية ، لأول مرة ادرس هذه المرحلة العمرية
الممزوجة بحب الكلام والحركة والعنااد .. نصهم طفولة ونصهم نضج !!


و مشكلتي هي اني أحس ان البنات مستخفين فيني .. يتكلمون اثناء الشرح
يتحركون ..
ورغم اني هاديـة الطباع .. ويمكن هالشي هو اللي جرأهم ..
بس صرت غصباً عني استخدم التهديد بالدرجات وألجأ لتغيير الاماكن .. واحياناً الصراخ ..

لكن هذي أكيد مو حلول مجدية .. لأنها تعالج الظاهر فقط
ماتعالج المشكلة من جذوورها
لاني احسهم مايحبون الحصة ..
يلعبون .. يشخبطون على الطاولة وغيرها من الحركات التي تدل على الملل ..


ساعدوني أيتها المعلمات الفاضلات ..
هل من الممكن أن أستعيد احترامي ومحبتهم لي ؟؟!
ولا خلاص انفلت الزمام ؟
وكيف ممكن أسترجع ضبط الفصل



أرشدوني ولكم دعوآتي وامتناني :eh_s(22): ​

 

[أم روض]

اب


:rerrerek:

 

[(كويتيه عسل)]

أنا طريقتي من أول حصه اقولهم مااحب اللي تسولف
واقولهم اللي تسولف راح يطوفها الشرح
واذا طافها الشرح ماراح تعرف حل التمارين
بعدين ماراح تنجح ولا تييب امتياز ورفيجاتها يروحون مرحله ثانيه واهيا تسقط وتقعد في نفس الصف
واييون لها الطالبات اللي اصغر منها وتقعد بروحها ماعندها رفيجات
واللي تسولف راح يطوفها الحجي المهم اللي اقوله
لاني ساعات اقولهم الاسئله المهمه اللي تيي في الامتحان


<<<هذي ا أول مره


<<<< ثاني مره اللي اشوفها تسولف اذكرها بالحجي اللي قلتله أول حصه
واعطيها انذار وانا حازمه

<<<<<ثالث مره افشلها جدام الطالبات
واسألها ذكريني شنو انا قلت من شوي او اقولها قومي حلي على السبوره
واذا ماعرفت اقول للطالبات شفتوا شلون اللي ماتنتبهه للشرح شلون تتفلش وماتعرف
واقوم طالبه ثانيه شاطره واخلي البنات يصفقون لها واكتب على السبوره فلانه زدتها درجه
اتعمد اخليها تشوف شلون انا اشجع اللي ينتبهون معاي والشطار


<<<<ربع مره اللي تسولف اعاقبها واوقفها وانقصها درجات
واكلم الاخصائيه اسويليها استدعاء ولي الامر واقول لاهلها
عن بنتهم المزعجه وان هذي مو اول مره وااقولهم اني نصقتها درجات
واذا شفتها تسنعت مسحت الدرجه اللي نقصتها



<<<<خامس مره ازفها واهددها بالطرد واقولها ااذا تبين تسولفين روحي قعدي عند الوكيله
واقولها شوفي اذا طرتج ماراح تحضرين الحصه ابد لي الامتحانات النهائيه ووقت الحصه تروحين تقعدين عن الوكيله او الناظره


مرت علي حاله طردت طالبه في ثامن عنيده ومزعجه وقلت للادارة حصتي ماتحضرها وخليتها تقعد عند الاخصائيه لحد ماابوها ياني واعتذر وزفها وقال لبنته تبوس راسي والطالبه صارت آدميه والطالبات خذوا عبره اللي من الصار قاموا يخافون وتسنعوا

 

[أبله أريج]

اشغليهم طول الحصة سويهم مجموعات

 

[أم روض]

كويتية عسل :

مشكووورة وايد حبيبتي على تجربتج
فعلاً استفدت منج وان شاءالله أطبقها
الله يحققلج كل اللي تتمنينه ويباركلج فيه في الدنيا والآخره ويدومه عليج وانتي بخير وبصحه وعافيه
اللهم آمين


أبلة أريج :
تسلميين حبيبتي على الفكرة الحلوة
الله ييسرلج امورج ويوفقج [/color]

 

[بنت^كآليفورنيآ]

كويتيه عسسسسسسسسسسل حيييييييييل عجبني كلامج

احس هذا الحل الوحيد مع الطلبة
وان شاءالله بسوي مثلج

 

[كارلوفي فاري]

عموما الحصه الاولى للمعلمة هي اهم شي لانها هي اللي تكون انطباع للمعلمة لدى الطالبات. وحاولي تبتعدين عن اسلوب الصياح والتهديييد. اللي تشوفينها مزعجتج بس مجرد نادي اسمها يافلانه بلهجه حادة بعيده عن الصراخ اللي ممكن تخليج تصيرين بموقف سخريه من البنات. وبعد ماتنادينها بالكويتي خزيييها خزززه عدله وقوليلها وراااا
ولا تناقشينها وكملي حصتج وبدون لا تعطينها اي اهتمام. وحاولي تجيبين معاج سله فيها هدايا واستيكرات وحفزي البنات على المشاركه الفعاله والاهتمام بالحصه وهالشي راح يخلي البنات الشاطرات اللي انشغلوا مع المشاغبات يردون لعقلهم ويهدون في سبيل يحرصون على التكريم والتشجيع. وخلي معاج دفتر المتابعه ومن بداية الحصه اخذي الغياب وفتشي على الواجب وسجلي كل شي خلي البنات يقتنعون انج فعلا ماتستهينين باي تقصير. والبنت اللي تشوفينها عاقله ومريحتج بالصف سجلي اسمها على السبوره ويفضل تحطين بطاقه تكتبين عليها نجمة الفصل. علشان يكون في حماس وكل يوم غيري اسم الطالبه
ولا تستهينين باي بنيه تسبب مشاكل واذا تطاولت عليج على طول سجلي اسمها قدام البنات ووديها بعد الحصه الاخصائيه وقولي هذي قاعد تشغبط وتسوي مشاكل بالفصل علشان تكون عبره لغيرها او تقدرين تستعينين بمشرفة الجناح بس مودايم لانه انا مره كنت مشرفة جنااح اذتني معلمة كل شوي مناديتني فافهموا البنات انه الابله ماعندها شخصيه ومو قادره تضبط الفصل
اتمنى اني قدرت افيدج. واسفه على الاطاله

 

[كارلوفي فاري]

عموما الحصه الاولى للمعلمة هي اهم شي لانها هي اللي تكون انطباع للمعلمة لدى الطالبات. وحاولي تبتعدين عن اسلوب الصياح والتهديييد. اللي تشوفينها مزعجتج بس مجرد نادي اسمها يافلانه بلهجه حادة بعيده عن الصراخ اللي ممكن تخليج تصيرين بموقف سخريه من البنات. وبعد ماتنادينها بالكويتي خزيييها خزززه عدله وقوليلها وراااا
ولا تناقشينها وكملي حصتج وبدون لا تعطينها اي اهتمام. وحاولي تجيبين معاج سله فيها هدايا واستيكرات وحفزي البنات على المشاركه الفعاله والاهتمام بالحصه وهالشي راح يخلي البنات الشاطرات اللي انشغلوا مع المشاغبات يردون لعقلهم ويهدون في سبيل يحرصون على التكريم والتشجيع. وخلي معاج دفتر المتابعه ومن بداية الحصه اخذي الغياب وفتشي على الواجب وسجلي كل شي خلي البنات يقتنعون انج فعلا ماتستهينين باي تقصير. والبنت اللي تشوفينها عاقله ومريحتج بالصف سجلي اسمها على السبوره ويفضل تحطين بطاقه تكتبين عليها نجمة الفصل. علشان يكون في حماس وكل يوم غيري اسم الطالبه
ولا تستهينين باي بنيه تسبب مشاكل واذا تطاولت عليج على طول سجلي اسمها قدام البنات ووديها بعد الحصه الاخصائيه وقولي هذي قاعد تشغبط وتسوي مشاكل بالفصل علشان تكون عبره لغيرها او تقدرين تستعينين بمشرفة الجناح بس مودايم لانه انا مره كنت مشرفة جنااح اذتني معلمة كل شوي مناديتني فافهموا البنات انه الابله ماعندها شخصيه ومو قادره تضبط الفصل
اتمنى اني قدرت افيدج. واسفه على الاطاله

 

[أم روض]

كارلوفي فاري


ايييييوااا .. كلام منطقي فعلاً وجميل
الله يجزيج كل خير في الدنيا والآخرة ويسخر لج القلووب :eh_s(7):

تسلمين ع المسااعدة ماقصررتي حبيبتي