استشارة-ورم صغير

[ام نواف123]

السلام عليكم


بنات الله يخليكم ابي استشيركم بشي وحاولو تساعدوني.
انا من يومين وانا ملاحظه ان في ورمه صغيرة تحت صدري او بالاصح بين صدريني وفي بقعه سوده هذي عاد تحت صدري اليمين وفالول بس صاير احمر ويعورني وايد(الفالول).
والله بنات وايد خايفه وخايفه اروح الطبيب مع ان زوجي قاعد يلح على علشان اروح.
الله يخليكم قولوا لي شسوي
والله وايد خايفه
وادعو لي​

 

[دنياالوله]

رد: استشارة

الله يشافيج انشالله بس لازم تروحين
الشي تلحقينه بالبدايه تقدرين تسيطرين عليه
ولا تهملين نفسج

 

[سمي الزعفران]

رد: استشارة

ام نواف لازم تروحين الطبيب او طبيبه النساء عشان اتأكدين شنو هذي ومافي الا الخير ان شاءالله يمكن حساسيه او ماشابه لا تخافين

 

[ii DareeN ii]

رد: استشارة

الطبيب سيدة عشان تطمنين بس وان شاء الله ماكو الا العافية لاتخلين يمكن اي شي يمكن ينشال او يعطيج حقة علاج او شي عادي يروح بروحة طمنينا عليج

 

[Ms.Lonely]

السلاااااااام

حبيبتي إن شاءالله مافيج إلا العافيه

بس لازم تروحين طبيب

لان عن تجربه انا كنت احس بصدري مثل الورم او الخرزه الصغيره و ظليت ساكته على نفسي سنتين و بعدها تعبت حيل و طلعت لي اعراض واايد ولما رحت افحص طلع معاي ورم حميد و صارو اثنين و قالي الدكتور لو انج ساكته على نفسج جان تطور لخبيث الله يكافيكم شره و سويت عمليه بسيطه و مافيني إلا العافيه

إن شاءالله مافيج شي والله يبعد عنج المرض يآرب
بس نصيحه روحي فحصي ولا تخافين ولاتوسوسين لان اهو اساس المشكله
روحي فحصي وانتي مرتاحه و يآرب مايطلع فيج شي

دمتي بود

 

[@ الحلوة @]

ما تشوفين شر حبيبتى وان شاء الله ما كو شى

 

[dr_enshalla]

رايي من راي كل الاخوات لازم تروحين عند جراح او جراحه ولا تسكتين عن اي شي يتعلق بالصدر
اصلا لازم كل الحريم يسوون فحص دوري لمجرد الوقاية
وانشالله ما فيج الا العافيه

 

[قرمزيه]

ممكن تكون اكياس دهن ؟بس الاحسن روحى الطبيب علشان تطمنين وان شاء الله مافيج الا العافيه

 

[autointoxication]

الاحسن تراجعين عشان تتطمنين و تطمنينا عليج

 

[أم منصور]

نفس الراي ما تشوفين شر