استشاره عن التواصل مع الخطيب

[القمر الخجول]

السلام عليكم ورحمة الله وبركاته
محتاجة مشورتكم في مشكلتي مع خطيبي ( مملكين ) لنا 6 شهور
خطيبي يدرس برا
وكل وقته مع أصحابه أو بالجامعة أو نائم أو مشغول
تواصلنا كتابه فقط ومتعود يلقاني أنا الي كاتبه له
كل شىء سويته

نااااادرا يتصل حسب مزاجه

حتى الوكيند حسب مزاجه مره يكلم وعشرة لا
وإذا كلم أكون يااني زعلانه منه واعتب عليه ليش مهملين ليش ماتتصل مو كافي البعد
ودائم مناقر وهواش على موضوع قل التواصل بيننا

عاد
امس قررت أثقل وحذفت الواتسب. وطنشته
عاد سبحان الله الحين فقدني يوم طنشته بس يوم

ايش رأيكم استمر بالطناش ولا الين
وإذا رديت عليه ايش أقول له
وهل راح يحس ويهتم فيني بعد هالحركة
بليز ساعدوني

الله يوفق كل وحده ترد عليا ويسعدها ويتمم عليها على خير
وجزاكم الله خير

 

[القمر الخجول]

بنات ليش محد رد علي


رجعت كلمته بس نفس الشىء ماتغير إلا يومين وبس

والله كله مشغول عني هو يدرس بالخارج وفارق التوقيت ذبحني
وبس يتحجج بالدراسة
وأصدقائه من الأولويات بحياته كل وقته معاهم أبد مالي وقت بحياته
وايد أفقده ويحز بخاطري يم أشوف صديقاتي مملكات وسواليف طلعاتهم ومكالماتهم مع أزواجهم

نفسيتي تعبت وايد وضاق صدري
مايهتم فيني مايتصل

بنات أنا بعد ادرس وبالخارج وأديرة غير ديرته سبحان الله كيف إلقاء وقت فراغ وهو لا
أحس بوحده ماغير اقلب بالمنتدى أو ادرس وبعد بالغصب أحس كارهه كل شىء بسبته وسبت إهماله

آرائكم صبايا بليز
جزاكم الله ألف خير

 

[M!Ss.Dudi]

خلاص انتظريه يتصل ويسأل لا تعوديه ان كل التواصل و الاهتمام من طرفك انت اتواصلي معاه بس خليه هو يبادر بالموضوع ولا تحذفي الوتس اب خليه يشوفك اون لاين و يعرف انك موجوده وماكلمتيه لازم تعطيه فرصه يهتم فيك و يسأل عنك
الله يسعدك و يسخره لك

 

[حبيبي مالكني]

لا تحقرين وطنشين
خلج ثقيله ان اتصل سولفي معاه وخليه يستانس لما يكلمج
ولا تنكدين على الريال
بس عاد انتي لا تصيرين لزقه خليه اهو الي يتصل ويسال ويفقدج
انتي متى ما تصل ردي عليه ودلعيه وخليه يستانس معاج
والله يسخركم حق بعض

 

[القمر الخجول]

:eh_s(2):تسلمو على الردود

 

[قره عين زوجها]

بما انك كمان تدرسين مثله... اثقلي ولا عاد تتصلين ع طول
و دزين مساجات ...الخ خليه هو لي يتصل حتى لو تأخر عليك
كزا يوم ثقلي و اصبري بس اذا كلمك لا يكون حديثك كله عتاب
و هواش ترى الريال راح يكره الساعه لي اتصل فيك..
بالعكس استانسي ف الحديث وياه و انبسطي انت كمان
ترى الدنيا مو دايمه عشان نبقى بس نتهاوش
والله يوفقكم...

 

[.. روحي تحبه ..]

..

حاسة فيج الإهمال صعب

برايي إنتي اشغلي نفسج بشي ثاني وإذا ماتقدرين اتوقفين تفكير بيني له إنج منشغله عنه ولاهية حتى لو مو صج ..

وإذا كلمتيه حااولي اتكونين فرفوشية سوالف حلوة ولا اتبين الزعل لأنه مافاد استخدمي أسلوب ثاني إنج لااهية وسعيدة ..

وحطي في بالج كل رجال غير عن الثاني ..

ماقول إلا الله يوفقج ويسعدج وييسر أمورج ..

..

 

[القمر الخجول]

اللهم أمين جزاكم الله خير عالردود بس والله صعب:eh_s(2)::eh_s(2):

 

[معي احلى]

الرجال يحبوا الثقيله ..



تعالي على نفسك وتشوفي يجي يكلمك من نفسه ..

 

[القمر الخجول]

المشكلة ماعرف كيف أصير ثقيلة:eh_s(11):

 

[ريم خانم]

خليك وسط الثقل زود مو زين لان بعض الرجال يتعود ع البعد واللزقه بعد مو زينه واذا كلم لاتهاوشينه يمكن عشان كذا يتهرب من الاتصال عارف ان وراه هوشه سولفي ونكتي معه وشوفي اذا ماتغير وصار يتصل

 

[عذوٍق الوٍرٍد]

سبحان الله جنج تتكلمين عن مشكلتي بس الفرق ان احنا مو بغربة
قريب مني ومثل حركات خطيبج والله العظيم افكر انفصل منه احسه مايطيق يسولف معاي او يدق
مادري ليش

كله اسمع ان ايام الخطوبة احلى الايام
وانا والله اعيشها اتعس الايام كله عتاب وانقطاع ومافي تواصل ومافي تفاهم كل شوي متهاوشين على شي لان انا تفكيري غير وهو غير
وهالشي مسبب جفااااف وبعد بيننا


لاحول ولاقوة الا بالله
والله يسوي الي فيه الصالح

 

[رنيم الروح]

لا تحقرين وطنشين
خلج ثقيله ان اتصل سولفي معاه وخليه يستانس لما يكلمج
ولا تنكدين على الريال
بس عاد انتي لا تصيرين لزقه خليه اهو الي يتصل ويسال ويفقدج
انتي متى ما تصل ردي عليه ودلعيه وخليه يستانس معاج
والله يسخركم حق بعض

حبيبتي كلامي من كلامها لا تتلزقين على طول وخليه اهو الي يتصل واذا اتصل لا تسوين سالفه ومشكله بالعكس خليه يستانس
وبعدين الله يعينه على الدراسه بره

 

[لمى الهاجري]

هالفترة ثقلي عليه

 

[القمر الخجول]

تسلمو صبايا على ردودكم أن شاء الله بحاول أثقل عليه المشكلة مايهون علي أشوفه أون لاين عالواتسب ومااكلمه

 

[VET-Nour]

البعيد عن العين بعدين عن القلب , < مادري جذي وله لا

المهم

انتي قلتيها بنفسج " تكلمينه وانتي زعلانه وله قاعده تعاتبينه " !!
الرجال وخصوصا الي توه بفترة الملجه مايحب البنت اللزقه ولاا وبعد فوق هذا نكديه @@ !
مسكين الله يعينه اشلون يوم تعيشون تحت سقف واحد كل يوم بتتهاوشين معاه وتنكدين عليه ؛( كسر خاطري صراحه

الرجال يحب البنت الي تضحك مو نكديه

و اذا ماتعدلتي يمكن توصل للطلاق لا سمح الله وله ترى اهو مو مجبور يعيش باجي حياته مع وحده نكديه و اربعه وعشرين ساعه مضايقته

 

[القمر الخجول]

البعيد عن العين بعدين عن القلب , < مادري جذي وله لا

المهم

انتي قلتيها بنفسج " تكلمينه وانتي زعلانه وله قاعده تعاتبينه " !!
الرجال وخصوصا الي توه بفترة الملجه مايحب البنت اللزقه ولاا وبعد فوق هذا نكديه @@ !
مسكين الله يعينه اشلون يوم تعيشون تحت سقف واحد كل يوم بتتهاوشين معاه وتنكدين عليه ؛( كسر خاطري صراحه

الرجال يحب البنت الي تضحك مو نكديه

و اذا ماتعدلتي يمكن توصل للطلاق لا سمح الله وله ترى اهو مو مجبور يعيش باجي حياته مع وحده نكديه و اربعه وعشرين ساعه مضايقته

لا والله ماني نكدية بس بعد ودي يهتم شوي :eh_s(2):
أفقده بس :eh_s(1):
أن شاء الله أخف عليه
جزاك الله خير على ردك القاسي شوي