استشاره

[شكليطه]

السلام عليكم

شلونكم خواتي

شخباركم


حبيت اخذ رايكم في هالدكاتره


ودي اراجع عند دكتور ينظملي برنامجي..........لان مضطره انزل 20 كيلو (على الاقل ) حق مناسبه مهمه


شرايكم
شنو مميزات او عيوب كل دكتور .....ونظامه؟



واذا عندكم دكاتره غيرهم وتنصحون فيهم ...................انا ما اقول لأ



ويسلمو مقدما حق كل وحدة بترد

 

[s3ad]

مشاركة: استشاره

والله انا مجربة عيادات السمنة اللي تكون بالمستوصفات والمراكز الطبية
عندنا بكيفان كل سبت من الساعة 11 لين 1 الظهر بس نظامها وايد حلوووو وعندها الميزان اللي يقيس الدهون والماي والشحم اللي بالجسم
وعندج نفس العيادة باليرمووووك كل اربعااا
والرقعي كل اثنين وشوفي اذا مو تبعكم هذووول سالي مستوصفكم يقولون لج ترى الحين تقريبا كل المستوصفات حاطين لهم هالعيادة

من كثر ما شافوا امراض السمنة زادت
خخخخخخخخخخ
وان شاء الله تضعفين بصحة وعافية

 

[شكليطه]

مشاركة: استشاره

ميرسووووو حبيبتي سعاد

ما قصرتي

بالنسبه حق عيادات المراكز الصحيه.......ما ادري وقتها ما يناسبني وبعدين ما ادري شلون فيهم بروووووووووود


انا جربت الاميري....................وااااااااااي وااااااي
اطلع من الدوام بس عشان اروح لها......وبالاخير ما تسوي لي شي

ما غير عندهم ورقه مطبوعه وموزعينها حق الدنيا كلللللللللللها

حتى اليهال معطينهم تقريبا نفس النظام


يعني كلش كلش ما يهتمون بكل حاله بروحها

 

[شكليطه]

مشاركة: استشاره




احم احم

 

[المرفأ~~]

مشاركة: استشاره

وعليكم السلام..

يوسف بوعباس ما انصح فيه..ترى حتى اهوا ورقه مطبوعه
ونظامه اتكنز ...

وبراءه ماجربتها بس الله اعلم ان نظامها بعد دهون او بروتين..؟؟

يعني كنسليهم..
طالب امشي على رجيمه وتنزلين..

وفيه وجدان الشمري اشوف هابين فيها..بس ماجربتها ..

 

[NaBiLa]

مشاركة: استشاره

شكليطة
الدكتور طالب عن تجربة
فظييييييييييييييييييع

 

[شكليطه]

مشاركة: استشاره

يسلموووووو المرفأ......بس شنو عيبه بوعباس؟ غير انه نفس رجيم اتكنز؟
وطالب شنو طبيعه رجيمه؟

وآسفه اذا دوختج بالاسئلة


====================


اهلييين نبيله...........صج والله؟يعني انتي مجربته؟

انا سمعت عنه وشفت وحده من رفيجاتي خقت عدل
وخصوصا ان الشحم عندها كان بالمنطقه السفليه.......هالمنطقه اختفت ماعاد لها وجود في خريطه جسمها

بس شلون صاير نظامه؟؟؟
ومواعيده؟؟
ومعاملته؟؟

 

[ذكريات]

مشاركة: استشاره

انا مجربة الدكتورة براءة

تسوي تحليل دهون عندها و تطلب منج تحالييل انا ما سويتهم

و ما استمريت عندها الا يمكن 20 يوم و نزلت 4 كيلوات

بس نظامها حلو ما ايوع و منتوع

و مفكرة اروح لها مرة ثانية

و اللي يونس فيها انها تاخذ مقاس الخصر و الارداف و و بعد زيارتين ترد تاخذهم عاد وناسة لما تقولج جم سانتي ضعفتي

 

[قطوف]

مشاركة: استشاره

والله انا ارشح د. طالب

صراحة ممتاز

انصج فيه

 

[QUMAR]

مشاركة: استشاره

أنا برشح لج من بره القائمه د\ربيع وااااايد ممتاز ومحترم
والباجي ماعندي فكره انشالله اللي يعرفون ما راح يقصرون

 

[jolie_q8]

مشاركة: استشاره

انا اقول اهم شي التزامج بالنظام

والا كلهم نفس الشي

 

[المرفأ~~]

مشاركة: استشاره

بوعباس تدفعين واخر شي النظام واحد..؟؟

انا ما اقولج سوي رجيمه او لاتسوين.بس ترى رجيمه بورقه مطبوعه

وطالب رجيماته تعتمد على الكميه ..
يعني خمس وجبات متنوعه وحلو الاكل انتي تختارينه .
واللي مو حلو بعيادة طالب الزحمه والانتظار .
اما اهوا محترم ورجيمه حلو .شوفيهم بارشيف المنتدى

 

[شكليطه]

مشاركة: استشاره

ذكريااااات يسلمو لانج حطيتي تجربتج

عاد انا وايد سمعت عنها .....واعرف ناس صج صج ضعفوا عندها

بس متردده ........


شكلج شجعتيني

======================

قطوف........يسلمو عالترشيح

بس ما قلتي شنو اللي يميز طالب؟

======================

قمر........مشكورة على مشاركتج .......وربيع صج ممتاز هذي كلمه حق تنقال........لكن اعذريني قليل أدب


صار موقف مع وحدة تصير لي حيل...........يعني صج حقير.............هذا الحجي قبل تقريبا 10 ما ادري تغير اسلوبه والا لأ

 

[شكليطه]

مشاركة: استشاره

جولي........ مو انا اذا رحت عند عيادة اصير خوش بنيه وانتظم

بس اذا صرت بروحي ما اصير خوش بنيه


=====================

يسلمووووووووو المرفأ على المساعدة


عاد تصدقين اكره شي عندي الزحمممممممه

لان انا وقتي يادوووووووب.......وبعدين ما احب انطر........يطلع فيني فقع


الله يرحم ايام د.ميري...........اروح متى ما طق بمزاجي..........الصبح او حتى بالليل والعيادة فاااااااااااضه والا كلش كلش جدامي 3 بس

بس ميريو الله يخسها اتملل

يعني تبيج تراجعين اسبوعيا وما تغير شي بالنظام

تبط الجبد


الا اذا طولتي معاااااااهاااااا.........وعقب يمكن شهرين او اكثر.......ذيك الساع اتغير.......وتقول لج شنو الاكل اللي تحبينه عشان احطه لج


اسسسسسستريحي

 

[H.Heavn]

مشاركة: استشاره

اهلا اهلا بالشكليطة ولهت عليج والله ههههههههههههه

انا راح امدح لج دكتور طالب اشحلااااااااااااااااااته نزلت عليه عشرة كيلو خلال ثلاث اشهر!!! رجيمه حلو ولو انه راح يحرمج من البروتين اول شي!! بس لا باس به. بس ها اذا عطاج زينيكال لا تاخذييييييييييينه ترى مو زين ويسوي بلاوي وانا اختج!؟!؟!؟!؟

 

[om_nasser]

مشاركة: استشاره

يمدحون دكتور ربيع وااااااااااااايد من اهلنا امجربين عنده
بنت خالتي تضعف بلاسبوع 3 او 4 كيلو اذا انتضمت على رجيمه + الرياضه نصف ساعه في اليوم

 

[شكليطه]

مشاركة: استشاره

هفووووووووووونه توله عليج العافيه

يعني رايج جذي .........بس صج زحمه عيادته؟
ومتى مواعيده

===============================

ام ناصر........مشكورة على المساعدة
والله حلو 4 كيلو باسبوع...........

بس هالريال مو بالعته......وايد سمعت انه قليل ادب

خل ادور رجيماته وامشي عليهم بدال لا اروح له...

لان جد اللي تصير لي ماتمدحه كلش...........

 

[H.Heavn]

مشاركة: استشاره

حبيبتي شكليطة روحي له من الصببببببببببببببح عالساعة ثمان خليج هناك احسن لج!!!

 

[xxx]

مشاركة: استشاره

بوعباااااااااااس وبسسسسسس

 

[شكليطه]

مشاركة: استشاره

يسلموووو بنوته عالنصيحه