استضافة الدكتور بدر حسين كرم ..تخصص طب وجراحة الاسنان

[د/ بدر حسين كرم]

يعطيك العافيه دكتور

امس يبت ولدي عندكم العيادة بس الي استقبلنا الدكتور يوسف .. ( خوش عيادة وخوش استقبال يعطيكم العافيه)

سواله ضرس عصب وحطله حشوه مؤقته .. بغيت استفسر متى لازم امر العيادة ويتلبس الضرس؟؟

وعنده ضرس ثاني يعوره متى الوقت المناسب لعمل الضرس ؟؟

واخر سؤال عنده ضرس كان واصل العصب ووديته الاميري وشالوا العصب وحطوله تلبيس بس يحس مرات بعوار بنفس الضرس مع العلم ان صارله 3 ايام ..؟؟ شي عادي ولا لا؟؟

ومشكور وسامحنا عالاطالة

الاخت:
jegrom
اولا: برجاء تقبل اعتذارى لعدم تواجدى امس بسبب ظرف طارئ
ثانيا:بالنسبه للحشوه المؤقته نحن نفضل ان تكون الزيارة الثانيه عموما فى خلال اسبوع من الزيارة الاولى عشان البرمجه اللى سويناها لولدك لا تضيع ولا ينسى اللعب والغشمرة واللعبه (مع العلم ان الحشوة الموضوعه قادرة على الاستمرار لمده اطول)
اما بالنسبه للضرس الثانى فالقاعده الاولى عندنا فى العلاج هى ان الالم اولويه قصوى لازم نشيل الالم اول بعدين نسوى اى شى ثانى فان شاء الله الزيارة الثانيه نبدا باللى يعورة
الضرس الثالث اللى فيه عوار يحتاج الى اشعه لتقيم حشوة العصب زينه ولا موزينه ويمكن يكون العوار من ضرس ثانى بس الياهل مو عارف يحدد بالضبط وهذا شىء شائع فى عوار الاسنان

 

[د/ بدر حسين كرم]

يعطيك الف الف عافيه دكتوور

ودي اجيكم العياده لازم موعد

ولا اجي ع طول

واسفه ع كثرة الاسئله

وشكرا

حياك الله اختى فى اي وقت
رجاء مراجعه السكرتاريه لتحديد الموعد المناسب لك مع كامل تحياتنا
22269431-2-3 يوميا من 2-9

 

[د/ بدر حسين كرم]

جزاك الله خير دكتور،،

عندي استفسار عن حالة أختي،،

الدكتور شالها العصب من شهر ونص وهي تألم للحين من الضرس، يعني الالم من داخل الضرس،، ويوم تشرب شي حار او بارد يعورها بزود،، كلش مب حاسة براحة مع الالم، حتى تقول يوم يدش هواء بارد يعور الضرس،، وهي سألت الدكتور عن الالم قالها بيتم معاج الالم ومااقدر احدد لج ايش كثر ولي متى..
مع انها حتى الحشوات العادية من التسوس نفس الحالة..

توقع يادكتور من شنو هالالم؟

الأخت :
الدرة الغالية
عوار العصب بعد العلاج ممكن يكون من عده اسباب اولها ممكن يكون العلاج غير مكتمر يعنى يكون الطبيب شال العصب بس للحين موحاطت الحشوة الدايمه فشىء عادى ان العوار يرد مرة ثانيه
وممكن تكون الحشوة الدايمه شويه زيادة عن طول جزر الضرس هذا يسبب بعض العوار
وممكن يكون العوار من ضرس ثانى اساسا و هى تحس فيه فى هذا الضرس انا انصحك بعمل الشعه و مراجعه طبيب للتاكد من السبب الاصلى للعوار

 

[د/ بدر حسين كرم]

السلام عليكم
دكتور ودي استفسر عن شئ بس ياريت تطول بالك معي انا اسناني ضعيفة وعندي جذور الاسنان طويله ورفيعة حسب راي الدكاترة
اللي عالجت اسناني عندهم لاني كنت اسال كثير ايش يسوا وليش يطولوا ...المهم انا خلعت الاضراس السفليه من الجهه اليسرى واحد وانا صغيرة والثاني من كم شهر بسبب شدة الالم حتى بعد قطع العصب يعني في هاذي الجهه ماافي طواحن غير ضرس العقل المعالج بحشوة معدنيه ...دكتور اتمنى انك تكون فاهم وضع هاذي المنطقه كويس ...الضرس اللي خلعته من شهر هو الامامي مش الخلفي نقل التسوس للسن اللي فبله وبسبب سوء في عالج هذا السن اضطر الدكتور يسوي قطع عصب وقال هذا المفروض ينخلع لانه انكسر من تحت ودخلت اللثه داخل السن وسبب التهاب لكنه زبط الوضع بحشوة داخليه وحط حشوة بيضا قال لان المعدنيه ممكن تكير السن بعد مده...دكتور بدر ركز كويس .......خلاص ركزت ......قالي الدكتور لازم تسوي جسر او زراعه لتعويض الاسنان المفقوده والزراعه الحقيقه تكلف شوي عندنا في السعوديه فسالته عن الجسر وقال بيسوي اربعه اسنان اثنين بدل الاضراس اللي انخلعوا واثنين في الاطراف عشان يمسك الجسر كويس طبعا واحد للسن اللي هو عالجه والثاني بيمسك ضرس العقل بس مااقتنعت ان ضرس العقل يمسك ويدعم الجسر وكمان لان المسافه كبيرة مكان الضرسين اللي انخلعواواحس انه بيكون في فراغ بين اللثه مكان الاضراس اللي انخلعت والجسر ويكمن تصير في ريحه وحشه انت ايش رايك
وكمان بقول شي انا برضوا خلعت الضرس الامامي للجهه اليمنى من تحت.... الله يعين ضربية الشكولا...وصرت الاسنان الاماميه السفليه فيه بس ثلاثة فراغات وطبعا مع علمك بمشاكل الجهه اليسى ....اللي كتبتها فوق ....اذا حصيت تقويم سفلي عشان اسد الفراغات وبعدين اسوي التركيبات ينفع لان دكتوري لما قلت له بسوي تقويم هزئني وقال انتي تحتاجي لترميم وهو اهم من التقويم ولازم تعوضي الاضراس المفقوده وقلنا له طيب التقويم على الاقل بيعدل الميلان اللي صاير بالاسنان السفليه وبيعدل المساحة اللي لازم اركب فيها لانها صغرت مع الوقت من الجهتين اللي تحت ..وطلعت له بحكاية ان عندي بروز بالفك العلوي واحتاج تقويم ..قال لا ماتحتاجي تقويم لان هذا البروز لايق مع خط الجبهه والذقن والتقويم بينزل شفايفك ويبين وجهك اطول مع العلم ان وجهي طويل خلقه ...والترميم اهم من التقويم كل مااساله يقول كذا ............................كمان بهالحالة ايش رايك...........دكتور بدر معي انت انا اسفه طولت عليك سامحني واتمنى اني وضحت حالتي لك حولت ابسط الموضوع وماطلع معي غير كذا ...والله يوفقك

الأخت:
نجلاء القرني
مشكلتك وايد معقدة ومركبه من عده مشاكل و تحتاج الى شرح اكبر لانى والله تايه بالكلام اللى انتى تكتبيه و حاولت اكثر من مرة التركيز بس الشرح وايد معقد
ارجو منك اختى عمل اشعه بانوراما و ارسال صورتها حتى اقدر اتخيل الوضع كاملا و نستطيع الرد بصورة صحيحه لانى فى الوضع الحالى جميع ردى عليكى سيكون رد عام مو شرط ينع لحالتك

 

[نجلاء القرني]

الأخت:
نجلاء القرني
مشكلتك وايد معقدة ومركبه من عده مشاكل و تحتاج الى شرح اكبر لانى والله تايه بالكلام اللى انتى تكتبيه و حاولت اكثر من مرة التركيز بس الشرح وايد معقد
ارجو منك اختى عمل اشعه بانوراما و ارسال صورتها حتى اقدر اتخيل الوضع كاملا و نستطيع الرد بصورة صحيحه لانى فى الوضع الحالى جميع ردى عليكى سيكون رد عام مو شرط ينع لحالتك

على العموم مشكور لانك رديت علي ان شاء الله اسوي الاشعه وارسلك اياها بااقرب وقت واسفة لاني يمكن توهتك معاي شوي

 

[لعبة ايام]

مرحباً

دكتور اي منتج اوالتنقيه لتبيض أسنان تفضلها بدكتور من حيث المدى البعيد وتفضل لمدى طويل وما ترجع صفرا*

 

[قلبكـ]

مساء الخير

يعطيك العافيه دكتور..انا قبل جم شهر شلت التقويم

السبب اللي خلاني اركبه من الاساس كانت بسيطه..كانت اسناني اللي جدامي متجدمه عن اللي تحت..يعني لما اضحك اقدر اطلع شوي من لساني من بينهم..وكان اكو فتحه من الضرسين اللي جدام

طول فتره التقويم وانا ما ادري ما احس ان فايدني بشي وكنت لما اقول للدكتور..كان يعطيني درس بعلم النفس ان الواحد لازم يتقبل نفسه مثل ما خلقه الله!!!!

المهم لما شلته اوك ردوا الاسنان ورا بس مو النتيجه اللي انا حابتها..والفتحه تسكرت..بس عقب تقريبا اسبوعين ردت فتحت..والحين ولا كاني مسويه تقويم..اوك لما اركب التقويم بالليل اقوم الصبح متسكره بس بعد جم ساعه ترد تفتح

بس احس بشكل عام ان اسناني مو صفه وحده بالمره..حتى الانياب اللي تحت طوال عن الباجي

هذا غير اني احس الحين بعوار مو طبيعي بالاسنان وصايرين حساسين زياده عن اللزوم

هل اكو حل غير التقويم..لان ماني مستعده ارد اركبه سنه ثانيه

 

[دآهيــه بحـلاهآ]

السلام عليكم

يعطيك العافيه دكتور ما قصرت مع العضوات

دكتور انا مشكلتي مو صحيه يعني اسناني ما فيهم شي ولا الم وزينين

بس المشكلهةعندي تجميليه

يعني اللثه طالعه ونازله ومشوهه منظر ضحكتي

هو مو حيل يعني بس لما اضحك ابتسااامتي مو حلوة لان اللثه عريضه
ولونها وردي غاامج مع اشوي خطوط بنفسجيه غامجه


فكرت بعمليه الفك العلوي وارفعهه بس خايفه من العمليات
دكتور شنو الحل شسوي ابي ضحكتي تكون حلوووه



لانها حيل مشوهه منظري ومقلله الثقه بنفسي
ابي حل يحل هالمشكله بدون عمليات

وياليت تنصحني بعياده اروح لها بخصوص هالمشكله




وشكرا

 

[الدرة الغالية]

مرحبا دكتور،،

تتذكر حالتي دكتور؟؟

دكتور أنا متضايقة وايد،، الالم رد لي وصرت احاتي واليوم وصل الالم من اللثة من آخر الفك من الضرس،، توقع دكتور ان العلاج مانفع معاه؟

انا ماابي اخلعه،، خاصة اني الحين مسافرة ومب قادرة اروح لدكتور الاسنان،، واخاف الالم يزيد علي ويصير مب محتمل..

شو رايك؟ ايش تنصحني؟

 

[د/ بدر حسين كرم]

مرحباً

دكتور اي منتج اوالتنقيه لتبيض أسنان تفضلها بدكتور من حيث المدى البعيد وتفضل لمدى طويل وما ترجع صفرا*

الاخت :
لعبة ايام
تبييض الاسنان يعتمد اساسا على التطبيق الصحيح للمنتج والتقنيه اكثر مما تعتمد على نوع الماده هذا بصفه عامه اما عن المنتجات فهى كثيره مثل جهاز اكسفير اللى يقلل نسبه حدوث الحساسيه مثلا (هذا بالنسبه للتبييض داخل العياده)
اما تبييض المنزلى فمن اشهر الشركات شركه ابلسنس

 

[د/ بدر حسين كرم]

مساء الخير

يعطيك العافيه دكتور..انا قبل جم شهر شلت التقويم

السبب اللي خلاني اركبه من الاساس كانت بسيطه..كانت اسناني اللي جدامي متجدمه عن اللي تحت..يعني لما اضحك اقدر اطلع شوي من لساني من بينهم..وكان اكو فتحه من الضرسين اللي جدام

طول فتره التقويم وانا ما ادري ما احس ان فايدني بشي وكنت لما اقول للدكتور..كان يعطيني درس بعلم النفس ان الواحد لازم يتقبل نفسه مثل ما خلقه الله!!!!

المهم لما شلته اوك ردوا الاسنان ورا بس مو النتيجه اللي انا حابتها..والفتحه تسكرت..بس عقب تقريبا اسبوعين ردت فتحت..والحين ولا كاني مسويه تقويم..اوك لما اركب التقويم بالليل اقوم الصبح متسكره بس بعد جم ساعه ترد تفتح

بس احس بشكل عام ان اسناني مو صفه وحده بالمره..حتى الانياب اللي تحت طوال عن الباجي

هذا غير اني احس الحين بعوار مو طبيعي بالاسنان وصايرين حساسين زياده عن اللزوم

هل اكو حل غير التقويم..لان ماني مستعده ارد اركبه سنه ثانيه

الاخت:
قلبكـ
الشكله ان اصعب حالات التقويم هى الحالات البسيطه جدا لان حركه الاسنان فيها تكون كلش بسيطه واحيانا غير ملحوظه و اى تغيير ولو بسيط فيها بعد ازالة التقويم يكون ملحوظ جدا ولا يوجد تقويم بالعالم كله بعد ما نخلعه الاسنان ماتتحرك على الاقل شىء بسيط كلش و لكن هذا الشىء البسيط يكون ملحوظ جدا فى الحالات البسيطه هاولى تلبسين الرتانر اطول فترة ممكنه او جربى وضع الررتينر الثابت اللى يكون بسلك من ناحيه اللسان

 

[د/ بدر حسين كرم]

السلام عليكم

يعطيك العافيه دكتور ما قصرت مع العضوات

دكتور انا مشكلتي مو صحيه يعني اسناني ما فيهم شي ولا الم وزينين

بس المشكلهةعندي تجميليه

يعني اللثه طالعه ونازله ومشوهه منظر ضحكتي

هو مو حيل يعني بس لما اضحك ابتسااامتي مو حلوة لان اللثه عريضه
ولونها وردي غاامج مع اشوي خطوط بنفسجيه غامجه


فكرت بعمليه الفك العلوي وارفعهه بس خايفه من العمليات
دكتور شنو الحل شسوي ابي ضحكتي تكون حلوووه



لانها حيل مشوهه منظري ومقلله الثقه بنفسي
ابي حل يحل هالمشكله بدون عمليات

وياليت تنصحني بعياده اروح لها بخصوص هالمشكله




وشكرا

الاخت:
دآهيــه بحـلاهآ

ممكن لو اختلاف اللثه بسيط يتسوى بالكى باجهزة الليزر الصغيرة وهذه ما تحتاج الا لمسات بسيطه ولكن لو كان اللثه كلش مو منتظمه فاحسن حل يكون بالعمليه يتم اعادة رسم الثه فيها
اما عن البقع الغامقه فممكن عملها بالتوريد

 

[د/ بدر حسين كرم]

مرحبا دكتور،،

تتذكر حالتي دكتور؟؟

دكتور أنا متضايقة وايد،، الالم رد لي وصرت احاتي واليوم وصل الالم من اللثة من آخر الفك من الضرس،، توقع دكتور ان العلاج مانفع معاه؟

انا ماابي اخلعه،، خاصة اني الحين مسافرة ومب قادرة اروح لدكتور الاسنان،، واخاف الالم يزيد علي ويصير مب محتمل..

شو رايك؟ ايش تنصحني؟

الاخت:
الدرة الغالية

معنى عودة الالم ان توجد مشكله لابد من حلها انا انصحك بعمل اشعه بانوراما على الفكيين كاملين والكشف على جميع الاسنان فى هذه الجهه اللى فوق واللى تحت و مراجعه كل الحشوات فى هذا الجانب لا معظم الام الاسنان ممكن نحس فيها فى ضروس ثانبه يعنى ممكن المشكله من اللى فوق و العوار نحس فيه تحت
وسلامات انشالله

 

[احلام q8]

السلام عليكم يعطيج العافيه بنت الكويت على استضافه الدكتور بدر
ويعطيك العافيه دكتور بدر انك تعطينا من وقتك
دكتور انا بنفسي اسوي تلبيس سراميك بس خايفه تطلع ريحه خايسه (مثل اسنان التركيب)
فهل صحيح يطلعون ريحه خايسه؟
وشكرا

 

[رتبه دبلوماسيه]

اب اب

 

[سبحانك مااعضمك]

الله يسعدك يادكتور انا اسناني صفراء ودايم افرش اسناني ماني عارفه اش الحل

 

[د/ بدر حسين كرم]

السلام عليكم يعطيج العافيه بنت الكويت على استضافه الدكتور بدر
ويعطيك العافيه دكتور بدر انك تعطينا من وقتك
دكتور انا بنفسي اسوي تلبيس سراميك بس خايفه تطلع ريحه خايسه (مثل اسنان التركيب)
فهل صحيح يطلعون ريحه خايسه؟
وشكرا

الاخت :
احلام
الرائحه الخايسه او غيرها مو نتيجه التركيبات او التلبيس و لكن هى نتيجه الاهمال و عدم التفريش بصفه عامه و تجمع الاكل تحت التركيبات وهذه الاشياء لها طريقه للتفريش والتنظيف لو تم الاتزام بها لايمكن تكون فيه ريحه ابدا
والواضح انك اختى مهتمه باسنانك فتوكلى على الله انشاء الله مايصير الا خير

 

[د/ بدر حسين كرم]

الله يسعدك يادكتور انا اسناني صفراء ودايم افرش اسناني ماني عارفه اش الحل

الاخت:
سبحانك مااعضمك

لابد من ملاحظه ان لون الاسنان مسالة نسبيه تختلف من شخص الى اخر و احيانا يكون اللون الاصفر هو لون السن الطبيعى فى اسنانك و ابسط شىء لمعرفه اذا كان اللون الاصفر اللى فى اسنانك طبيعى ولا لا انك تطالعيه فى ضوء قوى اذا كان متجانس يكون طبيعى و اذا كان غير متجانس يعنى بقع فى اجزاز صفرة و فى اجزاء مو صفرة يكون مو لون طبيعى
اذا كان بقع صغيرة و سطحيه ممكن علاجها بالتلميع فقط
واذا كان لون متجانس فحلنا فى التبييض
اما اذا كان بقع كبيره و متوغله بالسن قد تحتاج الى تركيبات مثل veneers

 

[{ ليت ظني كآن صآيب }]

السلآم عليكم

يعطيك العافيه دكتور

حبيت اسألك دكتور عن حالة ولدي

عمره سنتين و ٩ شهور اسنانه مافيها شي

بس فجأه قبل اسبوع واحد من اسنانه العلويه

صاو لونه رمادي

السن كله رمادي مو سوس لا مادري شنوو

مادري اذا كان طايح على سنه لان ماطاح جدامي والخادمه تقول انه ماطاح على اسنانه

فماني عارفه اللون هذا شنو

و انا متأكده الف بالاميه انه ماكان فيه شي لان افرش اسنانه يوميا

فجأه لاحظت لون السن تغير

ليش شنو السبب !

 

[د/ بدر حسين كرم]

السلآم عليكم

يعطيك العافيه دكتور

حبيت اسألك دكتور عن حالة ولدي

عمره سنتين و 9 شهور اسنانه مافيها شي

بس فجأه قبل اسبوع واحد من اسنانه العلويه

صاو لونه رمادي

السن كله رمادي مو سوس لا مادري شنوو

مادري اذا كان طايح على سنه لان ماطاح جدامي والخادمه تقول انه ماطاح على اسنانه

فماني عارفه اللون هذا شنو

و انا متأكده الف بالاميه انه ماكان فيه شي لان افرش اسنانه يوميا

فجأه لاحظت لون السن تغير

ليش شنو السبب !

الاخت:
{ ليت ظني كآن صآيب }

الوصف اللى انتى توصفيه اكيد طايح على سنه و من فترة طويله او موشرط طايح ممكن يكون وهو بيلعب شى طجه باسنانه
لازم متابعه للطبيب مع عمل اشعه للسن وبعديين نقرر يا نسوى سحب عصب للسن و نحط مكانه مواد مهدئه او نتابعه على فترات
وبسيطه انشاء الله الاولاد عادى يطيحون و ممكن يطيح و مايحس بعوار نهائيا يكمل لعب