استضافة الدكتور بدر حسين كرم ..تخصص طب وجراحة الاسنان

[c00L G!RL]

يعطيك العافيه يا دكتور ..

 

[love life]

يعطيك الف عافية دكتور
دكتور انا من كنت صغيرة صارلي حادث بسيط وخيطو لثتي من فوق
من كبرت وطلعت اسناني الدائمة
شوي الفك اللي فوث راد لي ورا واول ضرسين بينهم فتحة وطالعين لي برا
+ من ابطل حلجي في صوت
+ من ابطل حلجي احس شوي لازم فكي يتحرك ناحية اليسار علشان يتبطل
+ اسناني مو على بعض
شافتني دكتورة تقويم قالت حالتي وايد صعبة والافضل ما احط تقويم
لان من اخلص التقويم راح ترد الاسنان مو على بعض من ناحية وحدة وهذا اخطر

دكتورتي سالتلي وقالولي الحل الوحيد اسوي جراحة اوسع فكي قبل التقويم وانا 19
هل اذا سويت جراحة راح تنحل كل مشاكلي ؟؟
ومافي طريقة ثانية ؟؟
الجراحة مخوفتني شوي
وشكرا

 

[د/ بدر حسين كرم]

الاخت العزيزة( حبك بلاني) ، السلام عليكم
بلنسبة للتقويم، ممكن تسوينه مره ثانية، بس الدكتور لازم يكون حذر اكثر هلمرة، لان كل مرة نحرك الأسنان تضعف او تتآكل جذور الأسنان بفعل القوة المبذولة لتحريك( فيجب على الدكتور ان يحركهم بأقل قوة ممكنة) .
اما بنسبة لمثبت الأسنان فإحنا نسويه في عيادتنا او اي دكتور تقويم يقدر يسويه.
و اذا كان تحرك اسنانج مو وايد فهناك طريقة تقويم جديدة، يستخدم فيها تقويم يشبه المثبت ( يعني شفاف و تقدرين اتشيلينه و ترد تلبسينه). بس ما ينفع لأي حالة و سعره شوي أغلي .
اما بلنسبه للتركيبات فهي تغنينا عن التقويم بحيث الدكتور يعيد رسم الأسنان من جديد عن طريق التركيبات، بس بلنسبة لحالتح ما انصحج اتسوينها لان توج شايلة التقويم فممكن تتحرك الأسنان مرة ثانية فترجع مشكلة الفراغات من جديد.
اما بلنسبة لاسنان الاطفال فتحرك اسنانه شي طبيعي، و كل سن لبني له عمر معين يطيح فيه، فس الافضل تشوفين الدكتور المختص لان غالبا لمن يطيح السن بروحه او لمن الأهل او الطفل يشيله تظل بقايا من السن المخلوع الي تسبب التهابات اذا ما انشالت.
و أتمني أني فدتج.
بس هم ودي لو تدخلين موقعنا و تتواصلين مع الدكتور يوسف الشهاب أخصائي التجميل و راح يفيدج اكثر مني.
وشكراً

 

[د/ بدر حسين كرم]

Cool girl
الله يعافيج

 

[د/ بدر حسين كرم]

الاخت love life
التقويم لو كان مسويات لج عند عمر ٦ سنوات لكان المشكلة وايد اسهل. بس الحين عند اكتمال نمو الفكين صعبة تحريك عظم الفك الحين( اذا كانت المشكلة الاساسية بلعظم مو الفك)
بس أنا انصحج باخذ استشارة ثانية للتقويم مع دكتور اخر للتأكد.
و للتذكير يا اختي : القطاع الحكومي امكاناته محدوده بهل حالات بسبب الازدحام و قلة الدكاترة. فوايد حالات ممكن عملها القطاع الحكومي يقولون للمريض ما يصير، مو لان غير ممكن عملها ولكن لظروفهم، و الخطأ انهم ما يقولون للمرضى ان ممكن يسونها في الخاص .
وشكرا

 

[د/ بدر حسين كرم]

الاخت love life
التقويم لو كان مسويات لج عند عمر 6 سنوات لكان المشكلة وايد اسهل. بس الحين عند اكتمال نمو الفكين صعبة تحريك عظم الفك الحين( اذا كانت المشكلة الاساسية بلعظم مو الفك)
بس أنا انصحج باخذ استشارة ثانية للتقويم مع دكتور اخر للتأكد.
و للتذكير يا اختي : القطاع الحكومي امكاناته محدوده بهل حالات بسبب الازدحام و قلة الدكاترة. فوايد حالات ممكن عملها القطاع الحكومي يقولون للمريض ما يصير، مو لان غير ممكن عملها ولكن لظروفهم، و الخطأ انهم ما يقولون للمرضى ان ممكن يسونها في الخاص .
وشكرا

 

[د/ بدر حسين كرم]

www.dentallounge.ws
22269431/2/3
برج مزايا بلجابرية بجانب شامبيون جم، على الدائري الرابع مباشرة

 

[BoZo]

يعطيك العاافيه دكتوور ماتقصر

 

[مرايــــــــم]

السلام عليكم
دكتوره الله يعافيك انا توني بديت اعلم بنتي
تفرش اسنانها وعمرها سنتين الا شهرين

واستخدم معجون كولجيت للاطفال
عادي تاكله للعلم انا احطلها معجون شوي كبر حبه العدس

ويعطيك العافيه دكتوره

 

[د/ بدر حسين كرم]

الاخت مرايم، السلام عليكم
أنا اهنيج على انج تعلمين بنتج التفريش بهل العمر المبكر. ولكن الطفل لايستيطع حتي الان تنظيف أسنانها ، فالطريقة الصحيحة انج تخلينها تفرش أسنانها لمدة دقيقتين عشان تتعود على التفريش ( على فكرة يوجد ساعات رملية او فرش فيها منبه بعد دقيقتين)، و بعدين انتي توقمين بتفريش جميع الأسطح بلفرشة او قطعة شاش مبللة خاصة للاسنان الأمامية).
اما بلنسبة للمعجون فنحن ننصح باستخدام معاجين الأسنان الخالية من الفلوريد و ممكن بلعها وهي متخصصة للأطفال اقل من سنتين ، و نستخدم المعاجين الي فيها فلورايد مثل colgate الي تستخدمينه لمن تتعلم البنت المضمضة و البصق.
فأنتي الحين اشتريلها معجون من غير فلورايد، او بس استخدمي فرشة، و حاولي تعلمينها تتفل، بعدين عطيها المعجون بو فلورايد.
أتمني أني فدتج
وشكرا

 

[سمااى]

يعطيك العافية دكتور

دكتور عمرى فوق الاربعين وحابة أرتب اسنانى وبنفس الوقت أحميهم من التساقط بسبب التقدم فى العمر

بس عندى مشكلة

ما أحب شكل الاسنان الصناعية يعنى يقززنى منظر السراميك وبنفس الوقت اشوف ان اسنانى تحتاج تلبيس لوجود شوية فراغات

نصيحتك لى دكتور

وشاكرة لك

 

[أميرة 22]

السلام عليكم

انا اسناني صغيرة وفيها فراغات .. وحابه اضبط ابتسامتي للأسنان العلوية ..

اذا ركبت تركيبات .. لازم فيها برد للأسنان ................. ؟؟
وهل تركيبات تظل طول العمر او تخترب مع الوقت ......؟؟؟

وكم تقريبا احتاج جلسة لمشكلتي .. ؟؟

 

[مزون203]

السلام عليكم
يعطيك العافيه دكتور
بنتي عمرها 8 سنوات انا معودتها على تفريش اسنانها ومع هذا عندها تسوس بالضرسين الدائمين اللي ورا انا خايفه تخسرهم بعرف ممكن تعالجهم او ممكن تخسرهم لي قدام
انا بجيبها عندكم العياده هاليومين ان شاء الله بس ابي رقم للعياده

 

[د/ بدر حسين كرم]

مزون ٢٠٣، يعطيج العافية.
بلننسبة للحافاظ على الأسنان عليج بمراجعت الدكتور، لمعرفة سبب المشاكل و لعلاجها بلإضافة للطريقة الصحيحة للحفاظ عليها.
اما بلنسبة للتركيبات، فانا شخصيا و انتي ما نحب شكل الأسنان الصناعية.
ولكن أهي تصير هلشكل مو لانها تركيبات ولكن اغلب المرضى يطلبونها بهل شكل، اغلب المرضى يطلبون ان تكون وايد بيضة بحيث لا تتناسب مع لون بشرتنا، و عشان جذي يبينون انهم تركيبات، بس اهوم يبونها بهل الشكل لانها الموضة الحين.
لكن في مرضى و هم قليل نسويلهم الnatural look بحيث يتماشى لون و شكل السن مع السن الطبيعي، وهذا ممكن عمله و ما راح يبينون انهم تركيب.
فلقصد ان الي تشوفينهم للتركيبات الويب بيضة زيادة على اللزوم، يكون هذا طلبهم، يبون لون الأسنان ابيض شي، و هذا اللون لا يتماشى مع لون بشرتنا، بس نقدر انسويهم بلون طبيعي و ما راح احد يدري انهم تركيبات اذا هذا الي تبينه.
و د/ يوسف الشهاب أخصائي التجميل عندنا يقدر يفيدج اكثر و تقدرين تدخلين على موقعنا للسؤال و تقدرين تشوفين صور حالات الدكتور و فيهم جم حاله natural look
www.dentallounge.ws

 

[د/ بدر حسين كرم]

الاخت أميرة ٢٢
تسكير الفراغات يتم ام
١ تقويم
٢ حشوات تجميلية ( بس يتغير لونها مع الزمن)
٣ التركيبات التجميلية، و ممكن تكون ببرد الأسنان venner،
او من غير برد الأسنان lumener
بس ما تنفع لأي حالة،
و التركيبات اذا تم عملها بشكل صحيح، و حافظ على العناية بها المريض ممكن أطول لاكثر من ٢٠ سنة.
اما بلنسبة لحالتح. فيجب دراستها و اعطائج افضل حل و بعدين انشوف اشكثر يطول ولكن عادة مو اكثر من أسبوعين، اما التقويم فيطول عل الاقل سنة

ممكن ادشين موقعنا و تستفيدين اكثر من د يوسف الشهاب
www.dentallounge.ws

 

[د/ بدر حسين كرم]

الاخت مزون ٢٠٣، يعطيج العافية
انشالله نقدر نساعد بنتج
رقم العيادة٢٢٢٦٩٤٣١/٢/٣
الجابرية برج مزايا

 

[د/ بدر حسين كرم]

الاخت سماااي يعطيج العافية
سوري بس جاوبت على سؤالج بهصفحة بس غلطت بلاسم، كتب الرد باسم مزون٢٠٣
اكرر أسفي

 

[مرايــــــــم]

يعطيك العافيه دكتور

 

[سمااى]

بعطيك العافية دكتور ...ويسلمك ربى دوم

دكتور أفهم من كلامك انا نقدر نطيل أمد وعمر الاسنان ...أبوى الله يحفظة عمرة 80 سنة بس بعدة محافظ على اسنانة

لانة يشرب حليب الابل ...آنا ما أقدر صعب على ..؟؟؟؟

وبالنسبة للمنظر الصناعى للاسنان ,,,انت فهمتنى بالنسبة للون البياض ..بس همن كذلك بالنسبة للسماكة ؟؟معاى دكتور

آنا أسنانى وايد سماكتها ضعيفة ورقيقة وبنفس الوقت شفافة..فخايفة وايد من المنظر الصناعى وتقبلة

-عندى بعد سؤال لو تكرمت ...فى حماية لاسنان الاطفال ضد التسوس ؟؟؟واذا كانت الاجابة بنعم كم مدت بقائها ؟؟

أسفة دكتور طولت عليك ...وبنفس الوقت سعيدة باجابتك لى

 

[د/ بدر حسين كرم]

الاخت سمااي يعطيج العافية، وانا أتمني أني اقدر افيدج قدر المستطاع.
بلنسبة للتركيبات، إحنا نقدر نزيد و ننقص سماكة التركيبات بشكل المطلوب .
و صدقيني اغلب الناس ما يبون الشكل الطبيعي ، اغلب البنات يطلبون ابتسامة هوليوود مثل ما نسميها، لكن تركيب الأسنان بالشكل الطبيعي فإحنا نقدر نسويها بسهولة، بس لازم انتي تعرفين شنو تبين.
هل تبيني اسنان نفس شكل و لون اسنانج او تبين نغير شكلهم او بس تبين انسكر الفرغات.
و الدكتور يوسف الشهاب بعد ما يركب لتركيبات ما يلصقهم ب ( الصمغ الدائم) لكن يلصقهم مؤقت لفترة عشان يجربهم المريض و يتأكد ١٠٠٪ انهم ok.
لأننا نقدر نغير اللون والشكل ليين يعجبونج.
اما بلنسبه للأطفال وهذا اختصاصي، طبقة الحماية الفلورايد ممكن تكون فعالة جدا في مكافحة التسوسات لمن الطفل و الأهل يكون عندهم الوعي بلمحافظة.
ف الفلورايد اهو مو طبقة حماية لكن هي ماده تعوض الكالسيوم الناقص ( النخر) الي يسببه التسوس.
و ممكن الفلورايد ما اييب اي نتيجة لمن الطفل و الأهل ما يقومون بواجبهم للحفاظ علي الأسنان .
أتمني أني فدتج يا اختي العزيزة
وانا حاضر للرد على اي استفسار