استطلاع: بتداومون ولا لأ؟؟؟؟

[نايفة الوصوف]

السلام عليكم ورحمة الله وبركاته..................

شلونكم كويتيات حبيت اسوي استطلاع لعضوات المنتدى بتداومون للمدارس ولا لأ؟؟؟؟

انا دامني ماطعمت ماراح اداوم لو مو يتأخر تخرجي كورس لو يتأخر 20سنه ماداومت واهلنا كلهم ماراح يداومون خلاص الكل اتفقوا ان محد يودي عياله المدرسه...مو وحده ولاثنتين اللي اتفقوا لا خوالي وعمامي والعائله كلها ماراح يداومون

 

[om_3kash]

لا انا بداوم والي الله كاتبه بيصير

وبعدين حبيبتي بتقنعيني انكم مو قاعده تروحون مجمعات ولا زواراات ؟

ما صار فيكم شي من الطلعاات بيصير فيكم شي بالمدرسه مثلا ؟

داومي شحقه تاخرين تخرجج وبعدين تندمين على قد شعر راسج صدقيني

خلاص قالو ماكو تاجيل يعني ماكو تاجيل ليش الاعناد ؟

و انا نصحتج وانتي و كيفج عاد

 

[AL-BaNDry]

بالنسبه لي انا غصبن علي بداوم بالمدرسه
بس بناتي صغار ووحده منهم معاي بالمدرسه ماراح اخليها اتداوم

 

[الحراير]

انا ماراح اخلي ولدي يداوم خاصه الاسبوع الاول

 

[نايفة الوصوف]

اختي ام عكش احنا صارلنا شهر ماعاد نروح لا مجمعات ولا سينما ولا مطاعم ومانزور الا اهلنا يعني متأكدين انهم ما يروحون مكان حتى اغراض العيد الامهات يجيبونها لعيالهم بسرعه ويردون وحتى توصيل المطاعم قطعناه تبينا اخر شي نخربها ونودي عيالنا المدارس الاماكن العامه على الاقل الواحد مايلزق جنب الناس مو مثل لما تودين طفل للمدرسه ويقعد جنب واحد الله اعلم من اي ديره جاي ولا من من اهله فيه انفلونزا احنا نعرف ناس جاتهم الانفلونزا ويتعالجون بالبيت يعني لو ودوا واحد من عيالهم السليمين للمدرسه وطلع شايل الفيروس ماراح يعدي اللي معاه هذا غير ان الصف فيه اكثر من 25 طالب محكورين في صف كل واحد يكح ويعطس عند الثاني وغير الزحمه اللي بتصير بالفرصه وعند المقصف وبالهده وغير المدرسات اللي رادات من السفر والفراشات
وبالنسبه لي ماني مستعده اشيل الفيروس واجيبه لاخواني الصغار عشان ما يتأخر تخرجي شنز بينفعني فيه التخرج لو جبت لاهلي شي الله لا يقوله وبعدين التأخير كله كورس مو قرن كامل حدث العاقل بما يعقل حبيبتي بس الظاهر ان الناس بيكابرون لين يطيح الفاس بالراس وبيندمون في وقت ما ينفع فيه الندم

 

[♥ąϻᴑŁ♥]

انا بداوم والحافظ الله

 

[غروري ضروري]

الله يستر بستررره..

انا غصبا علي مداومه

 

[احلى دانه]

هاااى شلونكم شخباركم حبايبى بصرراحه انا بدااوم ولى كاتبه رب العالمين بصيرر

 

[الصعيريه]

انا ربة منزل بس حبيت ادش الموضوع واشووف آراء البناات...

وانا خواتي كلهم دوامات واختي دوامها بالجامعه راح تداوم ...

والله يستر عالجميييع...
.. 3مرات صباحا ومساءا" تحصنت بذي العزه واعتصمت برب الملكوت وتوكلت على الحي الذي لايموت اللهم اصرف عنا هذا الوباء وقنا شر الداء ونجنا من الطعن والطاعون والبلاء بلطفك يالطيف انك على كل شي قدير"

 

[pretty sarona]

الحين احنا قاعدين نطلع و نروح كل مكان شمعنه الدوامات .. الله يبعد هالمرض عن الديرة و يحفظنا

 

[واشوقاه]

بدااوم .. والي كاتبه الله بيصير ..

الي والله قاعديين نطلع ونرووح كل كان وقفت ع الدواام

 

[ام خالد33]

لا اول اسبوع لا لكن ثاني اسبوع يمكن صح اللي الله كاتبه بصير لكن خوفج وانا عارفه ماشاء الله علينا راح يخلونا انداوم وبعد اسبوعين بصكرون المدارس انا خابرتهم اهم بشوفون الناس اداوم اولا والظاهر انه يبونا نتعادا جماعي مره وحده مو كل طالعلهم واحد الله يسامحهم حرام عليهم صج قهر انزين ليش مايتاخرون عالى الاقل لين يوصل العقار ولا السالفه خذوه فغلوه

 

[كونتيسة]

الناس كلها اجلت الدراسة الخليج كلة اجل
والهند الغت العام الدراسي بكبرة واحتمال امريكا والمكسيك ياجلون
يعني هالناس كلها غلط ووزارتنا بجلالة قدرها اهي اللي صح
بس الشرة على اللي ساكتين لهم
انا ماراح اداوم العمر مو لعبة واهم اذا شافوا محد مداوم غصب عنهم راح يأجلون الدوام

 

[junabody1]

السلام عليكم
يا يبه "لن يصيبنا إلا ما كتبه الله لنا"
يعني الفيروس ينتقل بالهواء وومكن وانتي إبيتج يوصلج الفايروس --> مدام إن رب العالمين كابت إنج تنصابين
فإتكلوا على الله واهو من يحميكم

بالنسبه لي بإذن الله بداوم .... وإن إنصبت بالفايروس فهذا إلي كاتبه لي ربي

 

[قمر 777]

الله يستر يارب ويحفظنا والله الواحد قام يخاف يطلع من بيتهم لاحول ولاقوه الا بالله

 

[gold girl]

ee bdawm 3shan aftk oo at5rj :ggdw::ggdw:

 

[حقوقيه زوغه]

انا بداوم ^_^


الجامعه تبدي شهر 10 ..كليتنا احنا ..

عاد مادري من الحين لين شهر 10 يصير خير لوووول

 

[toto - chan]

انا بداوم .. والله هذي آخر سنة لي
خل أتخرج و أفتك و الي الله كاتبه بيصير

 

[Boochy]

انا ان شاء الله بدااااوووم... واتمنى ما يأجلووون الدواااماات لان ما بقالي الا الكورس اليااااي واتخررررررج من الجاامعه.. فماابي تخرجي يتأخر

 

[عاشقه رويشد]

انا بداوم والله الحافظ