استطلاع: بتداومون ولا لأ؟؟؟؟

[برونزية الكويت]

والله مو من صالح الديره انهم يأجلون الدراسه صج خايفين على عيالنا بس الي الله كاتبه بيصير واذا اجلو الدراسه راح ياخذون عطله الربيع وراح يصير بس اجازه يوم اليمعه وراح يصير ضغط على الطلاب...وان شاء الله ما يصير إلا كل خير كاه نطلع ونروح والحمدلله عل كل حال ونشوف مو قالوا الوزاره انهم جاهزين ومسوين كل شي خلينا نشوف ونحكم

 

[miss_ano0oma]

انا ان شاء الله بداوم والحافظ الله...بس يمكن امي ما ترضى اداوم بس ان شاء الله اقنعها

 

[فـــخـــر]

حتى انا ماراح اداوم ... بعدين بنات اذا انتوا مو خايفيين على انفسكم وكل شوي طالعين غيركم خايف من المرض وما يطلع
وبعدين اللحين الناس قاعده تلقط المرض من السوق وانتوا تقولون ماراح يصيرلكم شي بالمدرسه ... وصح ان اللي الله كاتبه بيصير لكن الله ماقال قطوا نفسكم بوباء وقولوا الله كاتبلنا .. واللي حيــــــــل حاطه امل بوزارة التربيه اقولها شوف وجهه العنز واحلب لبن شوفي قراراتهم
بعدين اعتمدي عليهم ..

 

[• قلبه نصيبي •]

انا بداوم ليش اقعد بالبيت ولي ربج كاتبه بيصيررر

 

[صعب غلاها]

انا بغيب صحتي اهم

باجر شهادتي اطيح بجبدي الله لايقوله شنو بتفيدني فيه

وانا متاكده اميه بالاميه انه الطلبه بس راح يداومون السبوع الاول بعدها

راح يأجلون المدارس

لاانه شكل الوزاره يبون يتأكدون من صحه الخبر فيكم

تالي محد بيندم غيركم

 

[lovely jojo]

لازم اداوم شبنسوي اجباري

 

[*امووونه*]

بدوام ان شاء الله والله الحافظ

 

[وجدان الكويت]

لا طبعا بداوم

ربي لو كاتبلي هالمرض بيصير فيني حتى وانا قاعدة بالبيت

الله يهديكم بنات لاتصيرون جذي خوافين ترى المرض مايخوف هالكثر

واذا على الناس اللي ماتو الله يرحمهم كان فيهم امراض ثانية غير هالمرض الله يكافينا شرة

ومثل ماقالت وحدة من البنات الله الحافظ

 

[ام ابو شهاب]

سبحان الله
انا ما ادري عنكم بس انا عن نفسي ماراح اخلي بنتي تروح الدوام ويصيرلها شيء الله يكفينا شر البلاء وانا بغنات عنه الدوام حبايبي الدوام لله وحده ترى الناس كلهم مسافرين وتوهم رادين مو عشان اسمعوا بخبر المرض لا عشان رمضان وترى فيه ناس واجد راحوا للامراض الساريه وماعلموا
وانا الحين اودي بنتي ليش ناقصه عقل ودين

(((((((((((((لا تقولوا قضاء الله انتوا ما سمعتوا حادث بايام الصحابه عن الطاعون لما كانوا مسافرين لمدينه والله سترعليهم وسمعوا ان هي هذي المدينه منتشر فيها الطاعون فقالوا احنا رايحين لقضاء الله فقالهم الرسول لا تذهبوا لهذه المدينه فانتم راحلون بقضاء الله وراجعون بقضاء الله))))))))))

والحين تبوني اودي بنتي لا والله

وترى مو معقول اودي الكبار ويتعادون ويبلون الصغار يعني الكبار ماراح يردون البيت شنوا القرار اللي طالع من متخلف فاذا كان المتكلم مجنون فالسامع عاقل حبايبي ترى احنا الاغلبيه يعانون من الصدر والربو وضيق التنفس انتم شايفين جونا اشلون يجيب كل الامراض


وابشركم ترى يبون يخلونكم تداوموووووون ويشوفونكم متعاديين بعدين يصكون المدارس لما يروحون اللي ما عندهم قدره انهم يقاومون المرض مثل الصغار والعجايز والله يستر على الحوامل:eh_s(14)::eh_s(14)::eh_s(14)::eh_s(14):

 

[tmtmt]

ان شاءالله بداوم معني ميته من الخووووووف .. بس شسوي

 

[al_fajro albaee]

بداوم والحافظ الله

((ولو كنتم في بروج مشيده)

 

[$الـــحـــلاوه$]

بداوم والله الحافظ

 

[miss limoona]

انا بداوم غصبن علي
والله الحافظ

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

أنا مـع ( أم أبو شهاب )

بس المشكله إن الدوامـ مو بيدي بيد آمي وآبوي لأني بالمدرسه ,,,

بس امكن أول يومين ما أدوامـ ,,,

و الله يستر لازمـ ننقرص علشان يأجلون ,,,

و ترى للمعلوميه المرض منتشر و حتى أمس كنا مارين المعرض كل وحدهـ مغطيه فمها بكلنكس ,,,

و ما طولنا خذينا الي نبيه ومشينا والله يحفظنا ,,,

و الله يشفي المرضى ,,,

و مــع السلامـــه ,,,
|~|

 

[shaQshoQa]

بداوم و بلبس كمام

الله الحافظ

يعني انتوا تروحون الاسواق و تروحون زوارات و تسافرون و تطلعون .. بس مدارس ماراح تروحون ليش !!
خايفين من المرض
المكسيك الي طالع منها المرض داوموا


يعطيج العافيه

 

[فووشيه]

أنا وحده بدااوم أبي أتخرج ما ودي يأجلون المدارس و يتأخر تخرجي..و الي كاتبه ربي بيصير

 

[نايفة الوصوف]

اللي كاتبه الله بيصير والله الحافظ بس الوقايه خير من العلاج ولا تلقوا بانفسكم الى التهلكه واذا انتم تطلعون غيركم صاك على عياله وما يطلع...
بس الظاهر ان الوزاره بينطرونكم تداومون ولا صار وباء بالكويت الله لايقوله وماتوا الناس قالوا عندهم امراض مزمنه اتحدى اذا فيه عائله بالكويت ماعندهم احد فيه مرض مزمن سواء ربو او حساسيه او حتى سمان

 

[كويتيـ@]

والله عيالنا مو فيران تجارب واحنا مو مستغنين عنهم اكيد ما راح اخلي عيالي يداومون قبل التطعيم مستحيل لي وفرت الوزارة التطعيم يصير خير
احسن حل اولياء الامور يستلمون كتب عيالهم ويدرسونهم بالبيت لين تعدي الازمة