استطلاع /// تفضلين استقبالج بالبيت او المستشفى ؟؟؟؟؟؟

[madam al fheed]

السلااااام عليكم
كنتي حامل و ولدتي او حامل وبتولدين باذن الله شنو تفضلين يكون استقبالج بالبيت او بالمستشفى ؟؟ وليييييش فضلتي مكان على الثاني وشنو كانت استعداداتج للاستقبال و شنو الفرق بين المكانين من حيث التجهيز ؟؟
فيدينا وعطينا من خبرتج ورايج :eh_s(7)::eh_s(7)::

 

[فرفشه منعنشه]

طبعا المستشفى
اول شي بالمستشفى تكون اوقات الزيارة محدوده والناس تلتزم فيها وتكون اخف واسرع من زوارات البيت والتبسط والسوالف وبما ان الوالده تحتاج راحه وتحتاج وقت للرضاعه فالقعده بالبيت مع الزوار بتعفس هالشي عندها يعني انا وحده من الناس اللي ما ارضع جدام احد حتى امي او اختي واحب استفرد بالبيبي بروحي واخذ وقتي معاه وارتاح بس لما تكون الزيارات طول فتره الاربعين ومتقطعه الصراحه اذيه لا في وقت تجابلين نفسج ولا البيبي ولا حتى امور النفاس وهذا رايي
وانا بالنسبه لي هالولاده انشالله اول يومين راحه والثالث استقبال وبعدها ما استقبل احد في بيتي لاني ماراح اتنفس بيت اهلي لان الظروف مع العيال والوضع ما يسمح دوامات ولويه والله يسهل علي الجميع
وبالنسبه للاستعدادات فراح تكون ليوم واحد مره وحده اخف من كل يوم طلبات واوردرات وتضييف انا بالنسبه لي المستشفى وخلاص
وموضوعج حلو ^_^

 

[حلوة الاخدود]

على حسب
ولادتي الاولى سويت بالمستشفى استقبال بسيط بكل ايام اقامتي
ويوني اللي يلتزمون بالاستقبال
وسويت استقبالات بالبيت

 

["Om 3AzOoZ"]

طبعا المستشفى احسن يفكج من اللويه في البيت والناس تلتزم تييلج بهاليوم واايد احسن من كل شوي داخلين عليج ناس الوحده وقتها مالها خلق مجاملات يوم واحد او يومين بالكثير بالمستشفى وبعدها ترتاااح في بيتها .

 

[FJ style]

بالمستشفى اكييييدالبيبي اولا مو عندج بالحضانه يرعونه وانتي لاهيه باستقبالج فما تحاتين وتنامين وترتاحينالمكان مجهز ومعد للاستقبال والخدمة موجودة غير اللوية اللي بتسوينها ببيت اهلج واذا عندج عيال فبيكونون بعاد عنج بالاستقبالاوقات استقبال الضيوف محددة والناس تلتزم فيها فترتاحين اما البيت انتي بحوستج ولويتج وادويتج وعفستج وين تستقبلين العالم خاصه اذا اهل بيتج من النوع الموظفات واللي عندهم مشاوير خاصه وووالاعدادات :اهم شي كفر السرير وبعدين البوكيهات والمفارش3 صحون حلو قهوة كبارموالح وشاي وقهوة وممكن ميني فطاير وورق عنب وعصايرقميص الاستقبالافضل دار الشفا الغرفه الملكية

 

[Zaina-al-zaina]

ع حسب كل وحده وحالتها الصحيه

في يتعبون بعد الولاده ومايقدرون يستقبلون احد بالمستشفى

وفي يولدون بحكومه !

وفي يسوون استقبال بالبيت وبالمستشفى من كثر معارفها !!!

واكيد مصاريف الولاده والنفاس والبيبي تكلف وايد !!!

 

[عذبة السجآيآ]

بالنسبه لي اتوقع البيت احسن واريح لي ولظيوف وحتى حق اهلي واخلي كل شغلي وترتيبي بالبيت ممن كل النواحي

لان انا طبعي احب الجمعات والوالده صج تبي راحه بس اول اسبوع اهو اللي تعب وبعدين تراح

 

[[[ عيون جابر ]]]

انا ناويه بالمستشفى انشالله امي تقول اريح من ان الناس داشه وطالعه علينا بالبيت الوحده بترتاح وولادتي بحيل الله بتصادف رمضان ف كلش ماله داعي الزيارات

 

[sosowaty]

كوني لا موظفه و لا ادرس و حملت و اجهضت و عسالله يعوضني

بس الي اكثر شي كان يكلفني المستشفا بصراحه بس الحمدلله انا حالتي الماديه وااايد اوكي

بس اقولج يعني هذا اكثر شي الي كلفني

و من ناحيتي انا اذا حملت ان شاء الله وولدت راح اسوي استقبال بالمستشفا فقط فقط فقط و يومين بعد !

خلااص منو قام يسوي استقبال فالبيت

المرا الوالدة تبي الراحه ماتبي الي يدرعمون عليها ٢٤ ساااعه

بصراحه اهم شي راحتي و صحتي

والي يبي يي بيتنا حياه الله بس مراح اطلع له

 

[انسام الكويت]

تبين الصراحه ما اعترف بالاستقبال وخرابيطه

شدعوا صار عرس مو وحده والده وتحمد ربها انها قامت بالسلامه قبل لا افكر بأستقبال وغيره

عن نفسي ما اسوي استقبال لانها سوالف هبة ولويه وقبل كل شي تبذير اللي بيي

البيت يزور حيا الله بأي وقت والحريم هالوقت يقدرون الحامل محد ايي ويزعج الكل ايي زيارة عالخفيف

ويروحون ومنها بعد تستانسين لمن احد اييج ويزروج بروحه النفاس اغلغه وهاذا وجهة نظري الخاصه

 

[فلافل وبطاط]

انا فبجري ولدت بالحكومه .. بعد ماكنت اراجع بالسلام
وحاطه عيني على دسمان واستقبال ب دسمان ٧

لله الحمد وصلت السابع ودكتوري صريح قالي حالتج ولادة
الحكومه افضل ...

طبعا بجر ماخليت شي من تجهيز لي وللبيبي وكفر استقبال
ومفارش وتوزيعات وفناتق ...

كفر وتوزيعات بالمستشفى وكفر ثاني وتوزيعات حق الاستقبال
اللي زارني بالمستشفى حياه الله تحمد لي بالسلامه قعد شوي
وطلع واخذ له شي من التوزيع طبعا انتو عارفين غرف الحكومه
ماوزعت شاي وقهوه وفطاير وهالسوالف ...

بعدها رديت البيت وريحت ١٠ ايام وبدوا الناس يهلون ... كانت
تكلفه مو طبيعيه كل مادق احد بزورني لازم اطلب فطاير وكبب
وهالسوالف ...

بس بالبيت اريح وارتب وعارفه شغلي ومنسقه اموري ومنها اوسع
صدري مع الناس ... واشدعوه بيون يبسطون !!!

هالمره ان شاء الله نفس الشي ولاده بالحكومه وماراح اوزع شي بالمستشفى
اطلع بالسلامه واحدد يوم زياره بالاسبوع اجهز شغلي وارتب واقعد استقبل
ضيوفي ...

والله يسهل ويهون علينا قبل كل شي ويعطينا السلامه احنا وعيالنا ...

 

[kookiz]

انا كان بالمستشفى احسن حده وماخبيت روحي ماحب هالسوالف اللهم فطاير صغار وحلو من اوبرا وجاي وقهوه من امي وخالتي وبس ويوم ولادتي مرت خالي يابتلي كب كيك ووزعته معاهم ..ماحب سوالف توزيعات وجذي واللحين راح اسوي نفس الشي اذا الله تمم علي باذنه تعالى
بس هالمره راح اكتب اني ما استقبل بالبيت نهائيا

 

[aady]

house is the best
raaaa7a

 

[AVE.NJ]

المستشفى تسوين استقبال وناس ايون البيت نفس الشي
انه سويت بعد الولاده استقبال بفندق كنت وايد مستانسه ومرتاحه
وعندي غرفه كنت كل ساع ارضع الياهل

 

[ام دندوونه]

بحكم ان وضعي ما يسمع اولد الا بالحكومة عشان معاي ضغظ حمل وبعد الولادة اتعب فما استقبل احد
الا امي وخواتي..لاني اكون تعبانة بعد الولادة..ولما ارجع بيتي واريح كم يووم..استقبل الضيوف واكون مضبطة
اموري بالبيت..واريح لي وعلي قوله البنات الزوار ما يطولون..منها تغيررر لنفسيتي..

 

[الـفـجـر الـبـعـيـد]

ما احب استقبالات المستشفى الوحده لاهيه ومالها خلق اول اسبوع

فبجري سويت استقبال مال اول خخخخخخ عقب طلعتي من النفاس

كشخت مره وحده ورحت حق ريلي والثاني ماسويت شي كلش مالي خلق

بس اللي يبي اييني البيت والناس الحمدلله تقدر وتعرف ما ايون الا عقب

فتره من الولاده ومايطولون شوي ويطلعون والبيبي طول الزيارة يكون نايم
وبروحه النفاس ضيقة خلق واكتئاب والناس والطلعه والدشه تونس شوي

 

[N0oNa]

اكيد بالمستشفى
افتك من اللويه كل يومين وحده بتييلي و تعالي حطي و شيلي و كشخي
لا مره وحده و خلاص صج اريح و الكل قالي زين سويتي
و الياهل مو كل جم يوم وحده يايتلي نشله و لا مرضه و تعاديه مسكين يكون عند الممرضات و مرتاحه و الي يبي يشوفه تطلع صورته بالشاشه
حتن حق امي اريحلها اهيا ارتاحت من اللويه كل يومين

 

[travel_addicted]

افضل استقبال المستشفى طبعا لان الياهل يكون عند الممرضات و أنا مرتاحة
لكن في البيت لوية و عفسة و أدوية نفاس و انتي اصلا تعبانة من السهر
لكن اعتقد ان ولادة المستشفى بتكلف اكثر لان ملزومة أخذ غرفة زينة تكفي ضيوفي بس على قولتهم قط فلوسك بالشمس و اقعد بالضلال عشان راحتي ادفع اكثر

 

[" ام حمود "]

تجهيزات بصرآحة

 

[Peace Soul.Q8]

واي صراحه كلامكم خلاني احط الف حساب وحساب .. كنت اقول حق ريلي اليوم ابي خاص علشان الاهتمام وانتو تكونون حوالي ... بس من ناحي الزيارات هذي ميزه بالحكومه انها محدوده وناس تلتزم .. وانا عن نفسي ماحب المستشفيات حتن لو خاص فمو حابه اني اطول ليه الله تمم لي على خير ان شالله .. والوحده اول ما تولد الصراحه وين لها خلق تقعد اجامل ناس .. يعني انا يمكن اسوي كالااتي .. انه عقب 10 ايام من ولادتي اعلن عنها حق الي بزور بالبيت .. وعقب ماطلع من ال40 اسوي استقبال مره وحده بصاله