استطلاع رأي : أفضل رجيم نزل وزنج؟

[الحلوه الأموره]

أخـــــــــواااااتِي الــحـــبـــيـــبـــاتــ ... كــــويـــتـــيـــاتــ الـــرشـــيـــقــــاتــ

مـــثـل مـاهـو واضـــح مـن الــعــنــوانـــ ...

مـــا هـــو أفـــضــل رجـــيـــم مـــر عـــلـــيــج ...

وبــإرســـال رد صـــغـــيـــر عــطــيــنـــا الــتــفــاصـــيــل

نـوع الــرجــيــم :
مـــدتـــه:
نــزول الــوزن : (كم نزلتي خلال كم)


1- رجيم دشتي.
2- رجيم بوخضر.
3- رجيم الربيعه.
4- رجيم من دكتور آخر. (أخصائي تغذيه).
5- قطع سكريات ونشويات.
6- رجيم التمر واللبن.
7- رجيم الاناناس والكيوي.
8- رجيم الكالوريز.
9- استخدام حبوب التخسيس + تخفيف أكل.
10- آخر ..


يـــلــاـــ يـــا بـــنـــات هــمـــتــكـــم ... :ggdw:

نـــفـــيــد ونـــســتــفــيــد:klhfl:

تــحـــيـــاتــي و حــــبــي ،،

أخـــتـكـمـ / الــحــلــوه الـأـ مــوره​

 

[الحلوه الأموره]

@@

ولا رد ؟!؟!؟!؟!؟!

أبــــــداااااا

يلا بنات تفاعلكم ... عشان نفيد ونستفيد !!!!!!!!!!!!!!!!!!!!!!!!!!!

 

[الحلوه الأموره]

أوكي أنا صوت بالبدايه ...

طبعا توني والده صارلي 4 اشهر ...

وزني وصل لي 95 بالحمال ... عقب الولاده ... صرت 85 ...

طبعا مانزلت بسرعه ... كان يصعد فوق ال 85 وينزل (كيلو) ب (كيلو) .. على حسب نشاطي واكل

أخيرا لما قررت اسوي رجيم ... رحت لأخصائية تغذيه ... رجيمها كان حلو .. ما يتعب

بس مشكلته .. ان لازم تلتزمين بالوقت ...

والحمدلله نزلت تقريبا تقريبا 6 كيلوات بأول شهر ... واتوقع اغلبهم ماي ... بس كان البدايه ...

قطعته اسبوعين تقريبا ... بسبة العيد والياخور ... ورديت كيلوين زياده ...

ورديت عقبهم سويته ... ونزلت تقريبا 5 كيلوات ... الحمدلله هم بشهر ...

وحاليا قاعده اسوي رجيم الكالوريز .. يناسبني اكثر لأن مالي وقت بالوجبات .. كل يوم وقت ... والحمدلله احسن نفسي ماشيه معاه

لما اوصل للوزن المطلوب .. بقولكم شلون طريقتي بالضبط برجيم الكالوريز

وبس ... اللي تحب تفاصيل اكثر عن رجيمي ... ماعليها الا تسأل



يلاااا ناطره تفاعلكم ....

 

[سيلينا]

رجيمي اني اسكر حلجي غيرت نظام اكلي كله

يعني اخر والحمدالله ولو اني الحين فجيت بس بالبدايه نزلت 5 كيلو بالشهر

الله يعيني على ال 5 الثانين لاني بديت افج واتعب

 

[خوخه فوشيه]

بصراحه,,
دشتي,,صحيح اني نزلت عليه 3 كيلو تقريبن لكنه والله بين على شكلي كأني نازله اكثر
ومقاساتي تغيرت من ثاني اسبوع
وثم التمر,,والتمر,, والتمر,,بس بعدها وزني ثبت ولا قام ينزل عليه لانه تعووود على الرجيم
نقصت تقريبن في التمر 7 كيلو في ثلاث اسابيع <<نزولي بطيء لاني اسوي بين كل خمس ايام يوم مفتوح
وبعدها ثبت وزني ولمن تركته اسبوع قمت اكل مالذ وطااااااب وزدت كيلوين,,
والحين ادور لي على رجيم ,,ويمكن ارجع لدشتي

 

[Japanese]

دايتات د. طالب الشمري ودايت الكربوهيدرات هالدايتين وايد مشومعاي ومن الثانويه اسويهم واضعفففففففففف! ،، دايت د. دشتي نزلتي اشوي ووايد ريحني من نواحي وايد بس وااي

مادري شفيني وياهاالدايت ساعات انزل وساعات ازيد :/

دقيق وايد < هاللي حسيته

وجربت دايتات وايد ثانيه بس مانزلتني للآسف ف صوتي لدايت دكتور طالب الشمري ،،، واحين قاعده اسويه

وان شاء الله اوصل للوزن اللي ابيه

 

[الحلوه الأموره]

سيلينا

عفيه عليج كملي .. دام زيادتج مو وايده ..

كملي حبي وربي يوفقج

خوخه فوشيه

أهم شي انج تردين للرجيم مو تقطعينه نهائي
ما تتعبين من رجيم دشتي؟
أنا ماقدرت عليه
الله يوفقج يارب

Japanese
يارب توصلين للوزن اللي تبينه
الله يوفقج ومشكورة عالتصويت
الله يوفقج بدراستج وييسر أمورج يارب العالمين

مشكورين عالتصويت حبايبي ...

يـــالــلـــه كـــويتــيـــات شدوا حيلكم وفيدونا .. الله يوفقكم يارب ويوصلكم للوزن المثالي