استغفر الله ع<<يالي يسألوني الله شيعي او سني

[Naughty Mum]

اذا تعلموا اليهال الحقد على المذاهب الثانيه من هالطول شنو يصير لي كبروا

شنو من عداوه بتصير؟؟

وللاسف في ناس فعلا اتعللللللللم وتزرع هالاشياء بقلوبهم

بس انا اشوف ردج على ولدج صح .... وبعمر 6 سنين يتحجون بهالاشياء شي غريب والله ..

الله يستر

 

[إيمي1987]

الله يستر من هالاجيااال

مشكوورة حبوووبة موضوع مهم والله

 

[ابـيـض واسـود]

.
.

 

[غــلآ]

الله يحفظكم يا اهل الكويت كلكم بجميع اطيافكم

فتحوا عيونكم ترى في ناس تبي هالتفرقه تصير بس ان شاء الله انتوا اكبر منهم وبتتعدون هالمرحله

انا درست بمدارس الكويت وشفت جميع اطياف المجتمع من سنه وشيعه وبدو وحضر وحتى البدون اللي امهاتهم كويتيات كانوا معانا بالمدرسه
والله عمري ماشفت تفرقه بين شخص وشخص الله يحفظكم
اذا انتوا حافظتوا على هالوحده والله والله حتى اكبر قوة بالعالم ماتقدر تفرقكم

الله يهدي الجميع يارب وياخذ اللي كان السبب حسبي الله ونعم الوكيل

الفتنه نائمه لعن الله من اشعلها

وعسى كيده في نحره يارب ويجعل تدبيره تدميرا له ياربي ياكريم

مشكوره فوفو على هالموضوع
طول عمرج مواضيعج هادفه وحلوة

والله يستر على عيالنا يارب
انتوا اذا وصل عندكم للسؤال بس

احنا بالمدارس قاموا يحطون شرطه وامن تخيلي ليش ان امهات طائفه معينه ( اكيد مو كلهم بس فئه كبيره منهم ) يدزون عيالهم ويحرضونهم على الطق و الشتم للطائفه الثانيه وللاسف في يهال بالابتدائي والمتوسط صادوا عندهم سجاجين بجناطهم
شوفي لي وين وصلنا؟!

الله يهدي الجميع يارب ماقول غير هالكلمه

ويحفظ الخليج كله من اعداءه والحاقدين والحاسدين

 

[Stylista_Q8]

قبل 11 سنة تقريباً وحدة كآنت تسألني انتي شلون تصلين ؟

استغربت من السؤآل حييل وَ قلتلهآ مادري على حسب المزآج

ومآفهمت إهيه شنو تبي توصله بالاسآس إلآ لمآ سألت أبوي ؟!

وفهمت إنه قصدها انا شيعية ولآ سنية !!!

ولا أحنآ ماعندنا هالسوآلف :/

بس اللي بوصله لج فوفو

هالشي موجوود للأسف من زمآاااان ! بس الحين سآر بشكل أوضح وأكثر للآسف !

يعني إحنآ كلنآ كويتيين إحترموآ بعض مآقلنآ حبوهم أقلهآ الاحترآاام !

والله يهدي النفووس إن شآلله ويحفظ الكويت وأهلهآ من كل شر إن شآلله :eh_s(17):

 

[CaKe_1988]

فعلاً .. اللحين لازم يسألون انتي س او ش .. واستغرب من هالسؤال اللي مالة داعي .. ما اقول الا الله يستر

 

[BlackRose]

هذا انا اسميه جهل وتخلف

كلمن على دينه الله يعينه

شكو شيعة وسنة

يحليلها بنتي الكبيرة مرة من زمان ياتها وحدة بالمدرسة وكانت بالابتدائي وقال لها انتي سنية والا شيعية

تقولي ماما انا فكرت جان اقولها انا كويتية واحب بابا جابر

لان صج احنا بالبيت ماعندنا هالسوالف

 

[شرقاوية حلوة]

مو بس الجهال

لما كنت بثاني ثانوي

عندنا مدرسه اذا البنات تكلموا عن الحسينيه و السيد الفلاني..تضحك و تتطنز
اذا هذي مره كبيره جذي عيالها شبيطلعون
ولالا تسأل يوم عاشر لاصارت ظلمه شتسوون غير البجي

كل مااتذكرها اقول الله يعين عيالهاااا مادري شنو بتربيهم

 

[أسم والسلام]

أعتقد يا أخت فوفو أن الموضوع صار أخطر من أنه مجرد كلام أطفال !!

أول زعلو البحرين علينا وألحين زعلو السعوديه الله يستر من تاليتها بس

البحرين وخذوا موقف منا والسعوديه وخذت موقف منا .. وهذه اللي تبي إيران فرق تسد قامت تقطع الخليج


لاحظو أنه قبل شهرين كانت كل هوشاتنا بدو وحضر أزدواجيه ومو أزدواجيه ألحين صارت كل هوشات سنه وشيعيه الشعب تمزق
البدو أخذوا موقف وصار بروح
الحضر أخذوا موقف وصار بروح
السنه أخذوا موقف وصار بروح
الشيعه أخذوا موقف وصار بروح

‏ ‏ المره الجايه هوشتنا راح تكون عن شنو ؟

غني


وفقير:eh_s(8):

 

[أسم والسلام]

احمدو ربكم يااهل الكويت هذا شي جديد عليكم ...

المشتكى لله ... عيالنا في المدارس الخاصه ... بعض الامهات توصي بنتها او ولدهاا لاتكلمين احد من هالمذهب

وهذا شي صاررر من فتره . يعني هالكلام مو من عقلي

واحنا بالسعوديه ماخذين الامتياز بالطائفيه

آآآآآآآآآآآه صدقتي



:eh_s(11):

 

[شــــــــــــــوقــــه]

المواضيع هذي صارت قديمة الحين و يمكن بعدين راح تصير (روتينيه ) ..استغرب من الي يقولون احنا على قلب واحد !

بصراحه ما اشوف هالقلب انا يمكن طلع بالغزو الله لا يعيده و مازال موجود بس في انفس خبيثه بينا

ما اقول الا حمدو ربكم انكم كويتيين و حكامنا آل صباح الله يديم ظلهم

والله لو مو آل صباح جان صار عندنا اخس من البحرين و الدليل التعليقات الي اقراها اكثر من مكان

 

[كلهآ ملح ..}]

احمدو ربكم يااهل الكويت هذا شي جديد عليكم ...

المشتكى لله ... عيالنا في المدارس الخاصه ... بعض الامهات توصي بنتها او ولدهاا لاتكلمين احد من هالمذهب

وهذا شي صاررر من فتره . يعني هالكلام مو من عقلي

واحنا بالسعوديه ماخذين الامتياز بالطائفيه

بيني وبينتس ماعرفت شي اسمه سنه وشيعه الا لما صار عمري 16< اقصد التفرقه يعني واني اعآير ووالخ
هاللي طالعه من سنتين من بعد حادثه البقيع

ماعمر اهلي قالو لي اكرهيهم < اقصد الشيعه
بس اللي اعرفه نبغض افعالهم ونحترمهم لكونهم يحملون بقلبهم الشهاده :eh_s(17):

وعجبني ردتس يافوفو على ولدتس الله يحفظه لتس :eh_s(17):

 

[توتاتوتا]

الله يعين توضيح الامور هذي للاطفال يحتاج مهارة خاصة لكن من المهم توضحين لطفلش الثوابت و ان هو صح حتى يقدر يكون بفكره موجه و ليس مستقبل و يقدر يعرف الصح من الخطأ و فيه مواقف كثير يحاول اشخاص مثل مدرس اومدرب يلعب بمفاهيم الاطفال لكن يتصدا لهم اطفال بثوابت واضحه

و اخرها الي صار في المدرسة بسلوى و الخبر بجريدة الوطن

 

[توتاتوتا]

بيني وبينتس ماعرفت شي اسمه سنه وشيعه الا لما صار عمري 16< اقصد التفرقه يعني واني اعآير ووالخ
هاللي طالعه من سنتين من بعد حادثه البقيع

ماعمر اهلي قالو لي اكرهيهم < اقصد الشيعه
بس اللي اعرفه نبغض افعالهم ونحترمهم لكونهم يحملون بقلبهم الشهاده :eh_s(17):

وعجبني ردتس يافوفو على ولدتس الله يحفظه لتس :eh_s(17):

صادقه 100% بس هم يحبون يسون افلام هنديه و عمري ما سمعت احد يعاير ...يشككوني اني ماعشت معهم

 

[AtOoMy Q8]

لا حول ولا قوة الا بالله

الله يحفظ ديرتنا من الفتن

 

[ام دليار]

ليوم بنت أخوي
قالتلي عمه أني سنية ولاشيعية قتلها ليش قالت بلصف بيسألوني
قتلها أنتي شو قلتي لما سألوكي قايلة أني من سوريا بس ساكنين بدرعا
بتفكر أنو قرية من قرى سوريا كلمة سني وشيعي
البنت بلصف الثالث

 

[بـــــــــدور]

اشهد ان لااله الا الله وان محمدا رسول الله

 

[تذكر خافقي رمحك]

أعتقد يا أخت فوفو أن الموضوع صار أخطر من أنه مجرد كلام أطفال !!

أول زعلو البحرين علينا وألحين زعلو السعوديه الله يستر من تاليتها بس

البحرين وخذوا موقف منا والسعوديه وخذت موقف منا .. وهذه اللي تبي إيران فرق تسد قامت تقطع الخليج


لاحظو أنه قبل شهرين كانت كل هوشاتنا بدو وحضر أزدواجيه ومو أزدواجيه ألحين صارت كل هوشات سنه وشيعيه الشعب تمزق
البدو أخذوا موقف وصار بروح
الحضر أخذوا موقف وصار بروح
السنه أخذوا موقف وصار بروح
الشيعه أخذوا موقف وصار بروح

‏ ‏ المره الجايه هوشتنا راح تكون عن شنو ؟

بس حبيت أبين شي وشنو يعني إذا البحرين أو السعودية ازعلت منا إذا كانوا مايتقبلون الراي الآخر وان ناس بالكويت بتوقف مع المعارضة وناس بتوقف مع الحكومة فهذا شي راجعلهم ودام ماصدر من الكويت شي وازعلوا بروحهم خل يرضون بروحهم والحمدالله الكويت بفضل الله وحكومتها وشعبها مو معتازة لاحد واحنا متعايشين مع بعض سنة وشيعة (الا فئة أقلية ترفض انها تتعايش مع المذهب الثاني وتربي اعيالها وتغرس فيهم كره المذهب الثاني )والي يبي عكس هالشي ماي البحر أقربه
وترا الخطر مو بس من الاهل والطلاب لا حتى من المدرسين والأبلات يحاولون قد مايقدرون يسببببون حزازيات بين المذهبين​

 

[تذكر خافقي رمحك]

صادقه 100% بس هم يحبون يسون افلام هنديه و عمري ما سمعت احد يعاير ...يشككوني اني ماعشت معهم

لآ فعلا في أحد يعاير
ومالنا مصلحة ان نتبلى على أحد

 

[هي انا]

حسبي الله ونعم الوكيـل على مثيري الفتن
حتى اليهال قامو يتحجون بهالسوالف
قبل اسبوعين بنتي راده من الروضه
رفيجتها سالتها انتي شيعيه ولا سنيه
الابله سمعتهم وسكتتهم وقالت لهم كلنا مسلمين
اما رفيجة بنتي مو راضيه تسكت
تقول الله مايحب الشيعه ؟!!!!
يا ناس ليش تخلون عيالكم يحقدووون
ليش تتكلمون جدامهم بهالسوالف
ياما بنشووووف
الله يستر من اللي ياي

:krkrkr::krkrkr::krkrkr:

عيل أسمعي هذي ..

اختي ممرضه بحضانه مواليد واهي تحط البوده على سرة البيبي جان يلتفت على البيبي اللي بجنبه جان يسأله انت سني والا شيعي :krkrkr: طبعا بلغه الوااا االوااا جان يرد عليه البيبي ويقول وااا وااا

شوي اختي تنتحر شلون جذي يعلمون عيالهم جذي :krkrkr:


يخرب بيت الفلم اللي سويتيه سبحان الله وطلعت البنوته الطائفيه من أهل السنه !!!

وين اللي عيالهم رضع ويفجون روسهم ويالثارات الحسين ؟؟؟

بسكم جذب وفتن