استفساااار ضروري عن عطلة راس السنه( سفرة للعمرة)

[ضي]

شرايكم اروح العمرة بعطلة راس السنـــة؟؟

واي فندق تنصحوني فيه؟؟ وجم تكلف تقريبا؟؟

لانه ودي افاجئ زوجي لانه الصراحه ماااايقصر واليوم اسمعه يقول وده يروح فقلت افاجأه..

فياليت تساعدوني؟؟

 

[اوركيدا]

احنا نروح بهالفتره كل سنه ..

تذاكر بحرين جده .. وسكن ابراج زمزم او سياره من جده الى الفندق في مكه ..

التكلفه كامله للشخص الواحد 260 دينار بحريني .. ماعرف بالكويتي جم بس اقل ..

انصحج تروحين .. حلوه العمره بهالفتره والحرم خفيف .. بعكس اللي يقولون بعض الناس انه الحج توه فيمكن مزدحم احنا عن تجربه 4 سنوات على التوالي .. خفيف او الجو حلو .. او سهل تقبلين الحجر حتى كل ليله وقت الفجر ..

الله يتقبلها منكم ان شاءلله

 

[ضي]

مشكووووووووووورة حبيبتي

 

[غيـ الناس ـر]

انا زوجي حجز .. يقول انا وياه التكلفه حول ال 500 دينار من طياره وسكن بس اظن الطياره عالبزنس ..


السكن بدار التوحيد الليله ب 97 دينار مو مطل عالحرم .. المطل بعد ما سعروه

 

[نووووونا]

الله ودى اروح عمره !

خصوصا هاليومين احس خفيفه من ناحية الازدحام ,,

 

[بيت نماين]

بنات انا بعد انشالله ناويه بس بروحلها بالسياره من الدمام وبطيران دتخلي لي جده

بس ابي اعرف شنو الطيران الداخلي غير سما وناس

 

[حدي ستايل *]

عاد احس الحين تخف الزحمة من بعد الحج يعني الوقت مناسب ان شا الله


وانصحج برج زمزم يهبببببببل

 

[غيـ الناس ـر]

ترى بتكون مكه زحمه والاسعار ضاربه نار ..


طلع ريلي حاجز عالسياحيه التذكره ب 190 دينار ..


والفندق بدار التوحيد مو مطل .. الليله ب 97

شدعوه عليهم !!


ولحق ما تلحق الحجوزات كله فل


والتكلفه طلعت بالضبط انا وريلي ب 580