استفساار لرحلة الصيين .. ضروووري

[RaWoUnChiYa]

سلام حبيباتي ..
انا باذن الله رايحه الصين بعد جم يوم لغرض التسوق وراح اروح منطقة جوانزو بليييز ابي اللي عنده فكرة يعطيني خبر و يساعدني .. ابي اماكن زينه للتسوق و اسعار رخيصه .. لا تبخلون علي :eh_s(2):

 

[برازيليه سعوديه]

اب لعيونج ...ان شاءالله البنات يفيدونج ...

 

[عواشه القرقاشه]

حبيبتي اول شي تروحين وتردين بالسلامه

كوانزو أغلب شي يبيعون بالجمله
طبعا غير سوق الليل بشارع اسمه بيجين روود
هناااك كله نظام مكاااسر

وما يعرفوون انجلش كلش
يعني لا اتعبين نفسج بالشرح
دشي منتدى العرب المسافرون
على بوابة الصين
حاطين كل سوق وترجمته بالصيني
طبعيه واخذيه معاج
وبس وريه التاكسي يوديج


اتمنى اكون فدتج

 

[ام مهودي]

شوفي الفندق يكون عنده لسته بكل المجمعات اللي بكوانزو او ساعات تلقينها بالمطار
او سوي سيرج علي شارع العرب في كوانزو كله مطاعم في مطعم تركي امبي لا اطوفينه لذيييييذ وحلال
والمطعم السعودي كبير نسيت اسمه بس عندهم لسته بكل المجمعات والمطاعم وايد راح تنفعج مع العناوين والتلفونات
سوي سيرج عليها راح تحصينها

 

[q.u.e.e.n]

دشي منتدي مسافرون العرب وايد راح يفيدج

لا اطوفين مطعم السلطااان التركي ومطعم البسفور التركي اكل راقي ولذيذ

 

[حور بنت علي]

بنات شهر١١ احصل اشتري صيفي ولا يكونون منزلين شتوي

 

[الأماكن]

منتدى العرب المسافرون ينفعونج اكثر

و ع العموم ترا جوهم دايما رطب يعني ما اتوقع بتلقين شي شتوي ثقيل حيل

و البيع هناك نظام جملة

و انجلش ميح ميح ميح من قلب ... يعني تكلمي عربي عادي

تكلمي بلغة الاشارة

و ترا الماركات ما يعرفونها .. يعني لا تقولين ديور ولا قوتشي ولا بطيخ ... ترا ما يدرووون شسالفة ...

مووووووفقة حياتي

 

[Q8stylle]

ان شاءالله البنات يفيدونج

 

[ورده عنابيه]

اب لعيونج

 

[أغلى حبيبه]

احلى شي السوق الليلي لا اطوفينه جنج بسوق السالميه قبل
محلات يمينج ويسارج ودواعيس تلقين اشياء حلوه

واذا تحبين المكياج روحي شارع كله محلات مكياج واسعارهم حدها رخيصه

وديري بالج لاتركبين الباصات الخاصه خلج بس ع التكاسي