رد: أفضل حضانه للأطفال / حياكم
بنات والله الحضانة زينه وسعرها مناسب انا دخلت ولدي من شهر 2 وايد مرتاحة منها اصلا صار اجتماعي وكان وحشي وبس يبجي وتعلم الاعداد بالعربي والانجليزي وتعلم الاستاذان والقران وقام يسولف مع الناس والمدرسات عسل وخاصة ابله عبير ومسئولتهم مها عسل بصراحة اهم شيء المدرسات عشان تقدرين تتكلمين معاهم وتفهمينهم شنو اللي يحبه ولدج ومتعود عليه
انا بصراحة دشيت كذا حضانة بجنوب السرة ماعجبوني ودشيت حضانة بجنوب السره اسمها الانجليزيه العالميه بسلام امبييييييييييييه تنقهرين والله اول شيء المدرسات كلهم اجانب طبعا ومتان يخرعون ثاني شيء اليطفل ميت من البجي قاطته على الخدامه الهنديه وهذيك تخظه حيل
والام جدام عيني دقت قالت حق الادارة ها بنتي سكتت ولا لا جان ترد عليها المسئوله اى مافيها شيء ساكته وتلعب
والبنت مسكينه مسكرين عليها الباب مع الخدامه تسكتها
لا واللي قهرني اولياء الامور ممنوع يدشون الصفوف تنطرين بره
عكس حضانة ولدي والله اى وقت ادشين عليهم حتى لو بالمطعم ياكلون اصلا قلبج يرتاح ومو جدام الام شيء ومن وراها شيء ثاني
وعلى فكره هالحضانه الانجليزيه مالت عليهم 120 دينار وعلى شنو بس ديكورات حلوة وكشخه ومعامله زفته
