استفساراتكم عن الحضانات تجدونها هنا - الجزء الأول

[Dhn^3oOoD]

رد: حضانه stepby step منو سجل اعياله فيها

رفع

 

[m_1982]

حضانه بجنوب السره ؟!

بنات حبايبي بغيت مساعدتكم
شنو أحسن حضانه بجنوب السره حق بنتي 3 سنين
أنا كنت مسجلتها في نيوبورن وكانت مرتاحه فيها وايد
لكن بعد إجازة الصيف وبعد أول يوم دوام
قعدت تبجي واتصرخ ماتبي اترد المدرسه مرة ثانية
ولا أدري شنو السبب يمكن إلى الحين ما تعودت على الوضع
والشغله الثانية إن الحضانه زادت اسعارها بعد الاجازة يعني الشهر صار 130 دينار
فعلشان جذي أبي مساعدتكم ما ابي اوديها أي حضانه والسلام
وما ابيها كل شوي اتغير حضانه
بالرغم من أن حضانتها اتهبل " نظافه / منهج ممتاز - بريطاني / رحلات / المبنى شرح / اهتمام إلخ "
بس ما باليد حيله
فالي عندها أي فكره عن حضانه ممتازة ونفس مستوى حضانتها ياليت اتساعدني
ومشكوريين ياقلبي مقدما :tek:

 

[كـــــــ وأفتخر ــــويتية]

رد: حضانة تاج الوقار بالقصور شسامعين عنها؟؟الله يخليكم ردوا

بسم الله الرحمن الرحيم

السلام عليكم

عزيزتي ورد انا عندي معلومات عن الحضانه وان شاءالله اقدر افيدج

صراحه اول مره اشارك في هذا المنتدى واتمنى اكون مشاركه معاكم

عزيزتي مريت على الموضوع وبما اني عندي فكره عن الحضانه لان ولد اختي معاهم

وشوف اختي تكلم عن الحضانه واسلوبها ونشاطاتها

وانا شخصيا شفت صاحبه الحضانه للامانه ان مرأه جدا متفاعله مع الاطفال والامهات

ومثل ما اذكرت اختي الفاضله healthylife عن نشاطتهم هذا الكلام صحيح وانا حضرت محاضره

لدكتور موسى الجويسر وشفت اسلوب صاحبه الحضانه بنفسي

مخليه حضانتها اسلاميه مع الهدوء لسويسري بحكم والدتها سويسريه والحرص على تقديم القصص القرانيه بطريقه مشوقه

لطفل الخ.... من الاشيا الاسلاميه لكن الحضانه مو قديمه ما صارلها وايد بس بتطور مستمر وهذا اللي شايفته

انا عندي صوره ولد اختي عادي بحطها لان اساسا كانت منشوره الصوره باحدى الجرايد فما في مانع اني احطها اهني

بالمنتدى وصحيح مختاره مدرسات مصريات لكن مختاره اختيار صحيح

واسفه على الاطاله لكن شفتج محتاره وانا عندي المعلومات قلت افيدج عزيزتي

ومسك الختام السلام

[/url][/IMG]

 

[^kloOot^]

رد: مواقع الحضانات وبالصور ...تعالو نستفيد

ديمه والله ماعرف بس انشالله البنتا يفيدونج

 

[ناني سيكرتس]

رد: حضانه بجنوب السره ؟!

حبيبتي شوفي موضوع مثبت عن الحضانات للعضوه ام جوري اول الصفحه دشو واختاري الحضانه الي تبينها..

 

[السنعه]

رد: حضانه بجنوب السره ؟!

حبيبتي في حظانه بالزهراء وايد ممتازه اسمها موني فيس انا ولد حماي فيها ومره دشيتها وشفتها والله حلوه وثنائية اللغه ومدرسات بريطانيات يدرسون وانشالله بدخل بنتي فيها

 

[اخصائيه]

رد: مواقع الحضانات وبالصور ...تعالو نستفيد

بنات شلون حضانة سوبر كيدز اللي باليرموك؟ احد عنده فكرة عن مستواها وطريقة تدريسهم لليهال؟وشاكرا مقدما الاخت اللي تجاوبني

 

[ريحانة]

رد: أفضل حضانه للأطفال / حياكم

اشلونكم بنات منو جربت حضانة كويت دريم تايم بالخالدية ؟؟

 

[أميرة حالمة 33]

رد: أفضل حضانه للأطفال / حياكم

داريني

صغيرة على الحب

عاد انا كل يوم امر على حضاتة بروي بس مادري ماتشجعت معنها قريبة مني حيل

كان ودي اشتغل فيها لان احب اليهال وقلت مرة وحدة ادخل ولدي

صراحة شجعتوني امرهم

 

[ஹ ăli & řawan]

رد: مواقع الحضانات وبالصور ...تعالو نستفيد

قوة بنات شلونكم ..

اليوم اول يوم دوام بنتي بالحضانه .. سجلتها باكاديمية ريبورن للتعليم المبكر بالزهرا ..

الصراحه لا تقارن بأي حضانه بمستوى جميع الحضانات بجنوب السرة من جميع النواحي .. مميزاتها كالتالي :-​

1- عبارة عن فيلا فخمة من 3 ادوار وسرداب مهيئة بالكامل للطفل من جميع النواحي ( غرف للتعليم - غرف للنوم - غرف للعب - حديقة كبيرة ومزوده بالالعاب - حمام سباحه يهبل - غرفة للسينما ......)
2- فتح الملف 55 دينار وبالشهر 130 دينار .. غاليه شوي بس شي راقي ويسوى الصراحه
3- لبس موحد ( للبنات نفنوف ازرق ستايل القبطان مع فيونكه كحلية والاولاد نفس الشي بس قميص وشورت )
4- جميع الصفوف مزودة بكاميرات متصله عبر الانترنت بحيث تقدرين اتابعون عيالكم من خلاله :ggdw: .. بس للامانه شغالين عالموقع الخاص فيهم وللحين مو خالص . بس المهم فيه كاميرات
5- المدرسات يداومون حالهم حال الموظفين بالوزرات .. نظام كرت للحضور والانصراف
6- مديرة الحضانه متواجده دائما واسمها لولوة الانبعي مع مساعدتها وهى بنتها لطيفة المنديل اللي ماتفارق الحضانه ابدا وعلى اشراف على جميع الصفوف :ggdw:
7-ثنائية اللغة وتعليمية وترفيهية بحته
8- الدوام من 7:15 لغاية 1:30​

الصراحه شي راقي وحلو وتعليمي وترفيهي وقريب وهو المطلوب :eh_s(6):​

​

 

[الام الحنون]

رد: أفضل حضانه للأطفال / حياكم

السلااااااااااااااام عليكم

بصراحه انا دخلت ولدي


حضانة الابداع صباح السالم

صارله يومين وحابها حييييييييييييييييييييييل​

تحياتي للي انصحوني قيها في المنتدى:ggdw:

 

[m_1982]

رد: حضانه بجنوب السره ؟!

ناني سيكرتس
السنعه
مشكورين ياقلبي
وعسى الله ينولكم اللي في بالكم يارب

 

[لالوش]

سؤال عن حضانة افنان الى بيان

حبايبى منو جربت حضانة افنان الى بيان او اى حضانة زينة بيان

 

[^kloOot^]

رد: مواقع الحضانات وبالصور ...تعالو نستفيد

ام روااااااااااااااااااااااان يعطيج الف عافيه

بس انا يقهرونى الحضانات خووووووووووووووووو خل يخلون الدوام ليه 2 او 2 ونص مع طلعه الدوامات بالله منو يمر عيالنا ياخذهم

 

[ஹ ăli & řawan]

رد: مواقع الحضانات وبالصور ...تعالو نستفيد

صااااجة والله .. بس الحمدالله بيت اهلي بحطين وانا بعد ساكنه بحطين فا ماعندي مشاكل من ناحيه التوصيل .. الصبح انا والظهر الوالده الله يخليها لي

ونسيت احط لكم موقع الحضانه

www.rebornacademy.com

بس ما يشتغل للحين .. شغالين عليه وجريب يخلص انشالله

 

[أميرة حالمة 33]

رد: أفضل حضانه للأطفال / حياكم

وين حضانة الابداع اي قطعة وجم اسعارهم حبيبتي

 

[SOFTY^LADY]

رد: سؤال عن حضانة افنان الى بيان

سمعت عنها زينه بس بصراحه ما شفتها

 

[^kloOot^]

رد: مواقع الحضانات وبالصور ...تعالو نستفيد

مشكوره ياقلبي على الموقع

 

[أسيـل الجـــرح]

حظانه ليلي وحضانه ريبون بجنوب السره (الزهراء)

شلونكم حبايبي بدش بالموضوع بنتي عمرها 9 شهور وبدخلها الحضانه لظروفي لاني اداوم ولا عندي خدامه المهم منو اسمعت عنهم وشلون رسومهم وشلون معاملتهم والله اني احاتيها اطالع الله ثم اهي وايد خايفه عليها بس شسوي الظروف غصب على ياريت لو تفيدوني على فكره رحت لهم وسالت عن الرسوم فقالت لي شي ويوم دق ريلي عليهم عطوه سعر ثاني قولولي الله يخليكم لانها قريبه منى ولا اقدر اوديها بعيد وبغيت هم اسال عن ريبون للتعليم المبكر شلونها وياخذون سن بنتي ولا لاء واسفه على الطواله

 

[m_1982]

رد: حظانه ليلي وحضانه ريبون بجنوب السره (الزهراء)

شوفي حبيبتي أنا بنتي كانت في ريبورن
ممتازة وايد من ناحية النظافه والاهتمام والمنهج والانشطه
ونفسيتهم وايد حلوه بس العيب في بنتي لأنها من تقعد يومين بالبيت
اتعبني ما اتحب تروح مرة ثانية
أنا بصراحه كنت وايد مرتاحه منهم
تعلمت انها اتقط الحفاظ واتروح الحمام
وتعلمت آيات قرآنية والاعداد والحروف والالوان وغيرها
الحضانه تاخذ من عمر سنتين إلى 4 سنين وسامعه إنهم بيفتحون روضه بعد
بس الاسعار اصعدت على هالكورس على حظج الشهر 130 دينار كان 110
بس اتوقع إذا دفعت الكورس كامل يخصمون لج
ويقولون إنهم بركبون نظام الكاميرات في كل الحضانه علشان تتطمنين على بنتج فيأي وقت
على الانترنت
بس حضانه ليلى ماعندي فكره عنها لأنها توها يديده
موفقه حبيبتي