استفساراتكم عن تطعيمات الأطفال....ارجو التثبيت

[كيت كات]

مرحبا كيت كات


اختي سؤال صغييييييييييييييييير بس



انا اليوم طعمت ولدي تطعيمة الشلل وال mmr

فا مو مثبته ليش الستتر تقول لا تعطونه بيض ولا كيك !....ولدي متاخر بالتطعيمات ..عمره سنه وشهر..ومسوين له جدوول تطعيم تطعم شهر 4 وشهر 5..واكو شهر 6 وشهر 8 ..يعني ورا بعض..


فا شرايج ؟ ليش ماعطيه كيك او بسكووت او بيض؟؟؟!

حبيبتي ماله علاقه تطعيم السنه بالاكل
يمكن في شي معين عطته للحساسية ؟؟
وبالنسبة للتطعيماتج ليش جذي ورا بعض ؟؟اكيد متاخرة

 

[كيت كات]

ناطره ردج كيت كات و الي يعافيج

هلا حبيبتي واسفه على التاخير
اذا مو مكتوب موعد بالشهادة معناته خلصو تطعيماتهم
اللي تعرفينها يمكن تكون متاخرة بعيالها

 

[كيت كات]

التطعيم الخماسي؟ في الفخذ ابر؟ ويصخنون ولا عادي؟

الخماسي ابر
بالفخذ
ويسخن
سلامات ان شاء الله

 

[رنين]

هلا حبيبتي واسفه على التاخير
اذا مو مكتوب موعد بالشهادة معناته خلصو تطعيماتهم
اللي تعرفينها يمكن تكون متاخرة بعيالها

يعني كت كات ما كو تطعيم جديد حق مواليد 2003 و ما فوق؟

 

[كيت كات]

هلا رنين
روحي قسم الصحة الوقائية
لان من 2003 الى 2006 طايفهم التطعيم اليديد اللي اهو النيموكوكال
روحي سالي

 

[رنين]

خوش عيل لازم أروح أسأل...يعطيج العافيه ماقصرتي

 

[ام ناصر 2009]

السلام عليكم ورحمه الله هذي اول مشاركه لي خوفتوني من الدرن انا بعد الاسبوع الياي تطعيم ولدي عن الدرن اول طفل لي ماعندي خبره
عانيت من التطعيم الاول قعدت ابجي معاااه يعني الدرن صعب:0bee2e8d89:


ام ناصر الرويلي

 

[ام عفاف الكويت]

ولدي الحين عمره 4 اشهر ونص
وابره الدرن عنده تخرج وصخ
وديته قالوا عادي صج ؟
هو من شهرين طاق الدرن مابين الا هالشهر

 

[pink-rose]

حبيبتي الاسبوع الياي تطعيم ولدي بو3شهور ( تطعيم الدرن)
بغيت اسأل يسخن عقوبها ؟؟؟

 

[بلووووطه]

حبيبتى انا ولدى لازم يتطعم للروضه ماكمل اربع سنوات الحين بالضبط عمره ثلاث سنوات وثمان اشهر بس بغيت اعرف متى آخر موعد للتطعيم ومشكوره حياتى

 

[Om eLkakawiya]

يعطيج العافيه
بس بغيت اعرف اذا أخرنا التطعيم يضر ولا عادي .. لانه بنتي طاف على تطعيمها اسبوع لانها مريضه ومابي اطعمها واهي مريضه وللحينها مريضه عمرها سنه ونص ..

ياريت تفيديني ويعطيج العافيه

 

[pink-rose]

حبيبتي بسألج ممكن اجدم تطعيم بنتي يوم او يومين ( تطعيم 3ونص)
لان بخليه قبلها بيوم علشان يصادف يوم الخميس واكون عندها اليمعه والسبت لان ما اقدر اخذ اجازه من الدوام
وما ابي اخليها بروحها لان وااااااااااااااااااايد خوفوني من هاتطعيم

 

[كيت كات]

اهلين
الدرن عادي ومايسوي حرارة
والصديد طبيعي يطلع عرضيها للشمس ولا تعرضينها للرطوبة
بالنسبة للي بتجدم جم يوم سالي مركزج بس اعتقد عادي جم يوم

 

[كوكاكولا]

السلام عليكم ..........

اخر تطعيم لبنتي لما كملت سنتين ........

الموعد الياي لما تكمل 3 سنوات .........

في بطاقة التطعيم خلف شهاده الميلاد مكتوب تطعيم سنتين ونص ......

هل الممرضة غلطانة بالتاريخ ولا غيروا النظام ............

 

[الفنانه79]

كت كات اشلونج ياقلبي

اقول كت كات
انا طعمت بنتي ب3 شهور في زندها اليمين
الحين التطعيم صارله شهر مايبين كللللللللللللللللللللللللللش ؟؟ عادي ؟؟؟


وابي اسأل عن تطعيم 4 شهور شنو ..؟ يعور في حراره ولا لا ؟؟

 

[حظي حلو]

تطعيم الاربع شهور ابرتين وجرعه بالفم ويسوي حراره بس انتي عاد تقدرين تتفادين الحراره انج اول ماتوصلين البيت تعطينه ادول او انج تسوين مثلي بالسياره اعطيه الادول وكمادت على مكان الابره والله يعينج انشالله

 

[اموووووووووووون]

الله يقويكم

 

[مشاعر أمرأه]

يعطيكم العافيه بنات صج الموضوع مفيد

 

[nono78]

حبيت اسأل عن تطعيم بو شهرين

مكتوب عالبطاقه اخر الشهر الثاني

وبنتي الحين شهرين يعني اروح اطعمها ولا انطر اخر الثاني

وشكرا

 

[كيت كات]

هلا وغلا
اختي مالج شغل بالبطاقه
انتي متى طلعتي من المستشفى ؟
مثلا بتارخ 26 /5
فمعناته انهم عطوه التطعيم بهالتاريخ
وتروحين بنفس هاليوم من شهر 6 يعني 26
وهم تاكدي من بطاقه المستشفى يكونون كاتبين