استفسارات الليزك (( دمج ))

[mem-q8]

سلام بنات :gathering:


انا ناوية ان شاء الله اسوي عملية الليزك

بس حبيت اعرف وين احسن دكتور يسويها او اسم كذا دكتور ويكونون زينين وبجم سوتها ؟؟

وحابة أسأل اللي مسويتها شلون ؟؟ وجم اقعدت بالضماد ...؟؟
ومتى اقدرت مارست حياتها عادي وترد العين طبيعية ؟؟ ​

 

[حبيبته آنا]

رد: استفسار عن عملية الليزك

خواتي مسوينها عند الدكتور عبدالله المنصور وماشالله النتيجه وايد حلوه بس اللي الاحظه ان اغلب اللي يسوون الليزك من صديقاتي وخواتي اشوفهم يشتكون من الجفاف بالعين بس مادري اذا هالشي بسبب الليزك او لا
ماكو ضماد يمكن بس اول مايسويها وبالليل تشيلينه ونهار ثاني تبين النتيجه
وسووها اظن يا 500 او 600دينار

 

[نووووونا]

رد: استفسار عن عملية الليزك

سامى الربيعه ب 450 اقل شى وحسب الانحراف ودرجة النظر الليزك ب 400 والفحص ب 50دينار

والجفاف يصرف لج الطبيب قطرات للعيون ,,

 

[lollipops]

رد: استفسار عن عملية الليزك

سويتها بالعسكري عند دكتور فيصل والحمدالله كلش ما اشتكي من الجفاف مع ان الكل يقولي لازم تحسين بالجفاف
واذا تبين خوش دكتور
عندج دكتور حسين العباد كان بالعسكري وطلع
ومحمد وجيه الديب بدار الشفا و
واايد اعرفهم سوها عنده ويمدحونه حيل

 

[مغروره بس معذوره]

رد: استفسار عن عملية الليزك

متى بتسوينهااا ؟
انا حدي ودي اسوييها بس اخااف اذا جربتي وسويتييها قوليلي علشان اتشجع

 

[lollipops]

رد: استفسار عن عملية الليزك

والله نصيحه يابنات سووها
راااااحه نفسيه
بلا عدسات وبلا نظاره

 

[mem-q8]

رد: استفسار عن عملية الليزك

انا بشووف اذا قدرت سويتها بالعسكري
طبعا لازم شغل واسطه لان أبيها أول شهر عشرة
ولا انا من شهر ثلاث أبي بس احط موعد وكل مرة تقوللي سكرتيرتهم الفاسلة تعالي الشهر الياي

قطيعه وماغير صحون الأكل مسطرة جدامها :eh_s(14): :eh_s(14):


واذا ما قدرنا بشوف سامي الربيعه



مشكورين خواتي على الرد


الأخت مغرورة
بسويها أول شهر عشرة بعد رمضان على طول

 

[Mama Africa]

رد: استفسار عن عملية الليزك

انا سويتها والحمدالله ارتحت من النظاره والعدسات سويتها عند الدكتور سامي الربيعه .... بنات لا تحاتون توكلوا على الله اول شي فحص وعقب يقولون لج والدكتور مشالله مايحتاج شهادتي ناس من بره الكويت تعنون له وريال ملتزم

واللي خايفين ترى العمليه مدتها 10 دقايق تقريبا وما كو اي عوار :tek:

 

[mem-q8]

رد: استفسار عن عملية الليزك

^
^
^


مشكوووورة يا عمري

 

[bint_looda]

رد: استفسار عن عملية الليزك

انا مره رحت سويت الفحوصات وكلشي بعدين اهلي اثروو على قراري اكثر من ما انا خايفه يقولون لا تتعبثين بعينج ومادري شنو

انزين انا الدكتور قالي الليزر ماينفعني لازم الليزك
موصح يمشي شي عالعين يشيل طبقه خفيفه ؟ هذي اشلون حزتها اظمن اني ماراح ارمش من الخوف ولا شي ؟
انا ترا حيييييييييييل خوافه والي تفيدني يزاها الله الف خير
وبعدين صج بهالعشر دقايق مارمش كلش ؟؟؟ ماقققققققققققدددددددررررر :"(

 

[mem-q8]

رد: استفسار عن عملية الليزك

^
^
^

حبيبتي انا شفت فيديو حق العملية
بيثبتون عينج بأداة عشان لا ترمشين

انا عندي بنت جيرانه مسويتها قبل عرسها بشهر ونص و2 من بنات عمي سووها بالعسكري قبل سنتين
وقطوا النظارة وما شاء الله عادي الحين
بس انا ابوي كان متردد وانا اكثر منه بس الحين خلاص لاعت جبدي من النظارة والعدسات

خلاااااااااااااااااااااااااااااااااااااااااااااااااااااااااااااااااص عملية يعني عملية

 

[Sharoofa]

رد: استفسار عن عملية الليزك

انا بعد سويتها قبل 3 سنوات عند الدكتور محمد وجيه الديب اب دار الشفا اب 450 دينار ... اووااايد مرتاحة لا نظارة ولا عدسات ولاشي بس عيبها ان العين تصير حساسة شوي ... مثلا ماتقدرين تلبسين عدسات ملونه .. او حتى اذا احد يمج يدخن زقاير مرات تحسين عينج تحرقج شوي ... بس هم ارتحت لما سويتها

 

[أم حمودي**MALL**]

رد: استفسار عن عملية الليزك

نصيحه مني سويها واتكلي على الله
انا واختي وصديقاتي كلنا سوينها عند د.محمد وجيه بدار الشفا
ممتاااااااااااااااااااااااااز واكثر
ولا حسينا بجفاف ولا شي
روحي وانتي مغمضه

 

[الغريبة]

رد: استفسار عن عملية الليزك

اعرف ناس سووها بالاحمدي لان عندهم اقارب بالبترول
ببلاش
بس ما شاء الله اشوفهم بسرعة طابوا و نتايج ممتازة اسرع من اللي سووها بالخاص

 

[امونه الحلوة]

رد: استفسار عن عملية الليزك

والله انا ابي اسويها بس ريلي لازم دكتورة
لأني مليت من النظارة والعدسات ما أتحملهم كلش والنظارة مسويتني عيوز عمرها 60 سنه ما جنه عمري 26 سنه
اذا تعرفون دكتورة شاطرة عفيه قولولي بسسسسرعه

 

[cherry kisses]

رد: استفسار عن عملية الليزك

انا ودي اسويها بعد

بس خااااااااااااااااااااااااااااااااااااااااااااااااااااايفه

شنو اذا سويت العمليه مايصير البس عدسات ملونه؟؟؟؟؟؟؟

 

[اخفي همومي بضحكتي]

ادعولي بااااجر عمليتي؟؟؟

شلونكم بنات...................
حبايبي بس بغيتكم تدعولي وتفيدوني
لاني باجر راح اسوي عملية الليزك عند الدكتور سامي الربيعة
وانـــــــــــــــــــــــــــــــــا حيـــــــــــــــــــــل خااااايفة
بس شسوي مليت من العدسات والنظارة....



تقبـــــــــــــــــلو تحيــــــــــــــــــــــــاتي.............​

 

[حناينq8]

رد: ادعولي بااااجر عمليتي؟؟؟

الله يهون عليج حبيبتي وتقومين بالسلامه يارب

 

[حبيبته آنا]

رد: ادعولي بااااجر عمليتي؟؟؟

الله يقومج بالسلامه ولا تحاتين ياقلبي ترا العمليه سهالاااات ونسبة نجاحها واااايد عاليه
لا تخافين ان شالله كل شي يتسهل معاج ياااارب

 

[اخفي همومي بضحكتي]

رد: ادعولي بااااجر عمليتي؟؟؟

تسلمون ماقصرتوا حبايبي............