استفسارات بخصوص الولادة و الاستقبال

[So MuCh PaIn]

السلام عليكم ورحمة الله وبركاته
إن شاءالله 27_6 ادش شهري
بغيت أسأل يصير حزة الولادة اكون لابسه عدسات لاني ما اشوف و على بجري قطيتهم و توهقت
وبغيت قلاصات العصير و الاستكانات رحت مجمع بيروت و دومو الدرزن منهم ب 300 وشي ..شسوي فيهم تالي مطبخي صغير و حرام لانهم قابلين للكسر ابي مكان اسعاره معقوله
و بغيت اعرف القهوه و الجاي بالمستشفى نسويهم و لا من البيت
وبغيت رقم سيرفر اذا عندكم لاني سمعت اللي بره المستشفى أرخص وانا ابي ثنتين حق يومين
وصج عادي احد كونسيلير حولين عيوني لانه عندي هالات سوده وراح تزيد مع الولادة .. ولا فشله

ادري اسألتي غريبة و ما حبيت اسأل الاهل و إن شاء الله تفيدوني

 

[Aloe Vera]

عادي حطي كونسيلر و حطي مكياج خفيف و خليج حلوة انا دايماً جذي
و مادري عن العدسات لازم تسالين الدكتورة

جنج قايله بتولدين برويال حياة؟؟
اذا اي انصحج تاجرين اطقم الاستكانات اذا بتولدين برويال حياة اسهل و ارخص من انج تشترين
و هم السيرفس من عندهم سعرهم زين و شغلهم ممتاز
بس خلي عندج احتياط رقم ناس ثانيين خوفج يكون عليهم ضغط و ماتحصلين صارت في اختي
و الجاي تسوينه بالمستشفى بس القهوة تييبينها من البيت
الا اذا اتفقتي مع المستشفى يسوونلج اياها مثلا رويال حياة يسوون

و بس ترا في اطقم استكانات ارخص من ٣٠٠ بس تكون ناعمه مو كشخة حيل شفت في مجمع درة مول بالعقيله فوق عندهم تشكيله تركية حلوة

 

[M!SS.LOBY]

الله يييسر امورج

 

[So MuCh PaIn]

مشكورة حبيبتي الو فيرا ... انا ودي بس ريلي يقولي دار الشفا اضمن و لا سمح الله حطوو البيبي بالحضانه رويال حياة ياخذون 250 .. وانا مو بخاطري دار الشفا لانه الملكي ما عجبتني كل غرفهم و اخاف حظي يصير من الغرف البايخه و غير طاوله الحلوو و القهوه محطوطه ورا الباب مكانها كلش مو شي ... والامبراطوري اوكي بس احسها حق استقبال كبير و خبه و انا شغلي كله ناعم فكاميليا من كلامج والصور حسيتها حلوه و ملممومه .. صج ما خذيت مفارش للطاولات يحتاج ؟؟


تسلمين لي مس لوبي عالدعوه الحلوه

 

[حبيبي مالكني]

العدسات
يفضل تسالين دكتورتج الي تولدج
واهي اخبر منه

انا الميك اب الخفيف حطي بس لا تثقلين
خبرج بصكونج بعين اذا دخلوا عليج وانتي حاطه
فل ميك اب

 

[حياة ريلي]

وي وي اشدعوه الطقم ب 300 !!! روحي جاشنمال اللي ب 360 صاير تحت عند جيان اول ما تنزلين من الدري على ايدج اليسار مدعوس. شفت عندهم اطقم تهبل الدرزن على 40 و 50 و سئليهم متى السيل لاني يوم شفت كان عندهم سيل.
و اذا على الميك اب انا بولادتي حطيت فاونديشن خفييييف لون بشرتي ما يبين اني حاطه شي و شوووية بلشر و ماسكرا و خط كحل و زبدة كاكاو. شكلي وايد صار احسن بس اللي يشوفني عباله بس حاطه ماسكرا المكياج ابد مو مبين.
و بالنسبه حق ملوت الخدمه دار الشفا عندهم بس ما جربتهم او اخذيلج ضيافة العميد او طلعي الاقام من الجريده

 

[Aloe Vera]

مشكورة حبيبتي الو فيرا ... انا ودي بس ريلي يقولي دار الشفا اضمن و لا سمح الله حطوو البيبي بالحضانه رويال حياة ياخذون 250 .. وانا مو بخاطري دار الشفا لانه الملكي ما عجبتني كل غرفهم و اخاف حظي يصير من الغرف البايخه و غير طاوله الحلوو و القهوه محطوطه ورا الباب مكانها كلش مو شي ... والامبراطوري اوكي بس احسها حق استقبال كبير و خبه و انا شغلي كله ناعم فكاميليا من كلامج والصور حسيتها حلوه و ملممومه .. صج ما خذيت مفارش للطاولات يحتاج ؟؟


تسلمين لي مس لوبي عالدعوه الحلوه

عمري مافكرت بسعر الحضانه الحمدلله ولدت مرتين و ما احتجت و لو احتجت لاقدر الله بدفع بس ليش افاول و اختار المستشفى اللي حضانته ارخص دام احتمال كبير ما احتاج
الولادة بالخاص بجميع الاحوال لازم الوحدة تحسب حساب هالشي و ماراح يفرق اي مستشفى خاص لان كلهم بفلوس
و انتي اهم شي ترتاحين بالولادة و الغرف تعجبج

و بالنسبة حق مفارش الطاولات حطي شي ناعم مو لازم طقم مع الكفر بس يكون لايق طبعاً
و لازم تعرفين اي جناح تبين تاخذين عشان تعرفين جم طاوله و احجامهم
مع غطا علب الكلينكس و الزباله

 

[Aloe Vera]

اقل شي ممكن تحطين مفرشين صغار حق الطاولات اللي يم فراشج
و مفرش كبير شوي تحت مواعين الحلو

و بس

 

[غرام القمة]

اب اب اب

 

[So MuCh PaIn]

اب اب