استفسارات جمالية بالجملة

[قطوووة]

مرحبا يعطيكم العافية بنات ..

مشكورين عالمساعدات اللي قبل حيل فادني كلامكم وتجاربكم ماانحرم منكم يارب ..

بنات انا بشرتي لوعة .. مرة تدهن ومرة جافة ..
اهتم فيها وبنظافتها وارطبها .. بس توهقت بالاساس والله ..
عندي كومباكت من ماك .. زوين
وعندي اساس من نيتروجينا حيل حلو وهو سائل .. وخفيف عالبشرة
لما احط اي واحد فيهم بعد فترة يسيح المكياج . الشدو يصير باهت
مع العلم ان الشدو اللي استخدمه مخملي .. وافكر اشتري شدو كريمي .. شرايكم ؟:bbbiu:
تكفون ابي حل ابي مكياج ثابت بساعات الدوام

شسوي ؟



الاستفسار الثاني ..
ابي حمره تكون ثابته ولونها اقرب مايكون للطبيعي ..
ولا تقولون لي نوبا لان الوانها فاقعه ماتصلح لدوام صباحي..




وشكرا لكم وماننحرمش منكم :eh_s(7):

 

[Kirsten storms]

الله يشفي والدتج يارب عاجل ... : (


أحسن كريم اساسس جربته ويثبت و حتى اذا حطيتيه اذا فيج اثر بشرتج مايبين
صاافي حيل ويخفي الاثار

ماركه كريولاين

وفي منه درجات انا اخذ الطبيعي

تلقين محلهم بالمنشر

بس عجييييييب انصحج فيه وبودرتهم مو صج

ويطول الكريم معاج يمكن تمر سنه ومايخلص

بس احلا كريم جربته
​

 

[قطوووة]

جزاج الله خير ..


ومشكورة ..

 

[نور المطيري]

بالنسبه لي احسن كريم اساس ماركه ميك اب فور ايفر

ومكياجي حلو كريم الاساس مالهم​

 

[قطوووة]

..............

 

[بنت حبيبي]

عندج ميكب 4 ايفر hd ينفع للبشره الجافه للعاديه
واذا حسيتي ان بشرتج دهنيه حطي البودره البيضا بعد الفاونديشن هذي طريقتي

 

[بنت حبيبي]

وعن الشدوو حطي برايمر اربن دي كي وخلى فكس ماك دوم في الشنطه ورشي كل ماحسيتي ان الميكب صار باهت

 

[too7a_q8]

انا احب ماكس فاكتور الفاونديشن مع بودرته
واذا مناسبه كبيره استخدم كريولاين لون طبيعي حييييييييل عججججججيب و الكل يسالني عنه وثاابت ومايحتاج اضبط واعدل

 

[قطوووة]

اشكر افكاركم

 

[Sweet Angle]

اي حياتي مثل ما قالولج البنات
و الأرواج انصحج بالنيو كولكشن من ريفلون .. منزلين الوان طبيعيه تهبلل و فيها درجة ترطيب عالية للشفايف لحقي عليهم

 

[krkooora]

انصحج تستعملين فاونديشن ريفلون كولور ستي
مدام بشرتج اتدهن والله روعه عن تجربه و ثاااابت

و

الحمر اللي تثبت مده طويلة عندج حمر نوبا اللي على شكل قلوس و حمر ماركة ليلى العرادي عندهم حمر زوغه تثبت عدل شكلهم بعد مثل القلوس بس مات اللون

و

ثبات الشدو انصحج تستعملين مثبت الشدو من ديغو او بينت بوت من ماك اختاري لون حيادي يمشي مع كل شدواتج انصحج باللي اسمه bare study

و

استعملي برايمر سماش بوكس فوتو فينيش قبل الميك اب اختاري اللي يناسب نوعية بشرتج

و ان شاء الله راح تدعيلي

 

[قطوووة]

ماقصرتوا ..

 

[Roty]

حبيبتي ليش ماحبيتي حمر نوبا بالعكس اللي علا قلوس يهبلون بعدين تنشف وتصير مات وفي الوان طبيعيه روحي شوفيهم

واذا تبين غير نوبا شوفي حمر ريميل يهبلووووون والله

 

[قطوووة]

اشكركم .. ريميل مو ثابت (