استفسارات خفيفة حول رحلتنا الصيفيه...

[Dalloool]

هاااي بنات .. شلونكم .. شخباركم ..

أول شي قبل لا ابدي موضوعي وبما إني عضوه يديده لازم اعرفكم على نفسي:
صحيح إني عضوه يديده ولكني قدييييييمة بالتواجد بينكم .. يعني دايما ومن زمان ألجأ لهالمنتدى وهالقسم بالذات إذا احتجت أي معلومه تخص السفر..
يعني باختصار آنا يديده كعضوه مشاركه وقديييمة بالتواجد << (احسكم تقولون "واحنا شكو يالله دشي بالموضوع" :eh_s(3)

المهم.. بندش بالموضوع..

احنا هالسنه يامحفوظين السلامه وجهتنا الصيفيه راح تكون لـ لندن + باريس .. خط الرحلة راح تكون كويت - لندن - كويت ومن لندن عن طريق قطار يورو ستار بنروح جم يوم باريس..

اول شي لندن ماعندنا مشكله فيها... عارفتها وحافظتها شبر شبر... لندن على قولت اهلنا "مقررنا السنوي" يعني كل سنه لازم نصيف بلندن..

المهم..
السؤال اللي يطرح نفسه واللي شاركت وكتبت موضوعي عشانه (أسئلة مو سؤال عشان اكون دقيقه بكلامي) :
عن باريس وبالتحديد طريقة الانتقال بالقطار من لندن الى باريس..

نبدي اول شي بالاجراءات اللي من الكويت:
-لازم تكون فيزا اوروبا (شنغن) جاهزه << هذي اوكي وماعندي مشكله فيها.
-حجز تذاكر القطار (يورو ستار) << من وين تفضلون يكون الحجز؟ عن طريق الكويت (الغانم مثلا)؟ او بـ لندن؟.. وبجم سعر التذكره؟ عشان اقارنها باللي حصلناها.

الحين وصلنا باريس..:ggdw:
بس معقولة نطب باريس ومانروح ديزني لاند؟!!! لا وألف لااا :flower::eh_s(3):

أبي منكم بليز تقولونلي بالتفصيل طريقة الانتقال من باريس إلى ديزني لاند ... يعني
-لـ أي محطة قطار لازم نتوجه؟
-جم سعر تذكرة القطار؟
-أي بارك بديزني يعتبر الاحلى؟ لان احنا رايحين يوم واحد بس يعني ماراح يمدي نلف ديزني كلها فـ مانبي نضيع وقتنا بـ شي مايونسنا.. وللعلم ترى ما معانا يهال كلنا بنات (Adults):eh_s(15):

وآنا آسفة عالطوالة والقرقة بالموضوع ادري بتقولون ("هذي بأول مشاركه وقرقت جذي.. الله يعيننا عليها بعدين").. بس والله تأكدو إني انا ماشاركت ولا كتبت هالموضوع إلا لأني متأكده إني بلقى منكم ردود على استفساراتي, وأدري إن اللي عندها معلومات ماراح تقصر ولا بتبخل علينا.. واذا محد عنده هالمعلومات هم مو مشكلة كفاية إني شاركتكم وسولفت شوي معاكم..

اعتذر مره ثانيه عالطوالة .. وناطره ردودكم .. ومشكوريييييين مقدما

 

[Dalloool]

افا ياجماعه .. محد فيكم رد علي ولا حتى قرا الموضوع
--------------------------------

لا لا أتغشمر معاكم .. وبالعكس كفاية إني شاركتكم وهالشي اهو اللي مونسني, أما عالمعلومات مو مشكله ومعذورين ..

ومشكورين مره ثانيه

 

[الدلال]

هلاا فييج دلووول الغااليه

وانا بعد مخططه نفسج ونفس استفساارااتج بالنسبه لطريقة السفر من لندن الى فرنسا اضافه الى اني ابي فندق نظييف وزين واماان ويم السووق

انا ودلوول ننطر جوابكم >>>> رازه ويهي معاج لوووووول

 

[دانه الهيرات]

هلا والله . حبيبتي اول شي اليورو ستار وايد سهل الحجز تقدرين من المحطه نفسها او بالنت و هذا سايتهم http://www.eurostar.com/dynamic/index.jsp و يوصلون التذاكر لي الاوتيل و كل ما حجزتي ابكر كل ما كان السعر ارخص و اقترح انج تروحين من لندن لي باريس و تسكنين فيها و من باريس تقدرين تاخذين الاندرغراوند حق ديزني لاند . ما انصحج تسكنين بمنطقه ديزني لانها بعيد و مقطوعه وايد اما بالنسبه للاسعار فانا رايحه قبل كم سنه و مو ذاكره الاسعار

 

[Dalloool]

هلاا فييج دلووول الغااليه

وانا بعد مخططه نفسج ونفس استفساارااتج بالنسبه لطريقة السفر من لندن الى فرنسا اضافه الى اني ابي فندق نظييف وزين واماان ويم السووق

انا ودلوول ننطر جوابكم >>>> رازه ويهي معاج لوووووول

الدلال... اول شي مشكوره عالرد حياتي وقوليلي حجزتو تذاكر القطار (يورو ستار) ولا ليلحين؟
بالنسبة للفندق احنا حجزنا بباريس بنقعد بـ كورنكورد لافاييت << يعتبر من الافضل..

وافا عليج لا رازه ويهج ولا شي بالعكس صح كلامج انا والدلال ناطرين الردود << ليلحين في امل القى ردود :eh_s(3):

هلا والله . حبيبتي اول شي اليورو ستار وايد سهل الحجز تقدرين من المحطه نفسها او بالنت و هذا سايتهم http://www.eurostar.com/dynamic/index.jsp و يوصلون التذاكر لي الاوتيل و كل ما حجزتي ابكر كل ما كان السعر ارخص و اقترح انج تروحين من لندن لي باريس و تسكنين فيها و من باريس تقدرين تاخذين الاندرغراوند حق ديزني لاند . ما انصحج تسكنين بمنطقه ديزني لانها بعيد و مقطوعه وايد اما بالنسبه للاسعار فانا رايحه قبل كم سنه و مو ذاكره الاسعار

دانه الهيرات... مشكوره وااااااايد عالرد حياتي, جيكت على سايت اليورو ستار وشفت اسعار التذاكر بس ترى ماتفرق عن اسعار التذاكر اللي محصلينها من المكاتب اهني.. وبالنسبه للـ hotel احنا بنسكن جم يوم بباريس وبنروح يوم واحد ديزني (يعني من الصبح لي الليل) عشان جذي كنت ابي تفاصيل عن الاندرجراوند اللي من باريس لي ديزني لاند (يعني من أي محطه وشلون الحجز وشكثر المده وجم سعر التذكره......) وبس مشكوره مره ثانيه حبيبتي ماقصرتي


يالله ياجماعه اللي عنده أي معلومه لايبخل علينا .. ومشكورين

 

[الدلال]

دلوول ,,لا والله للحين ما حجزت حق فرنسا , ومو عارفه حتى طريقة الحجز

انزين دلوول بجم طلعت عليكم اهني من المكاتب؟؟؟

 

[om l3yal]

الدلال... اول شي مشكوره عالرد حياتي وقوليلي حجزتو تذاكر القطار (يورو ستار) ولا ليلحين؟
بالنسبة للفندق احنا حجزنا بباريس بنقعد بـ كورنكورد لافاييت << يعتبر من الافضل..

وافا عليج لا رازه ويهج ولا شي بالعكس صح كلامج انا والدلال ناطرين الردود << ليلحين في امل القى ردود :eh_s(3):



دانه الهيرات... مشكوره وااااااايد عالرد حياتي, جيكت على سايت اليورو ستار وشفت اسعار التذاكر بس ترى ماتفرق عن اسعار التذاكر اللي محصلينها من المكاتب اهني.. وبالنسبه للـ hotel احنا بنسكن جم يوم بباريس وبنروح يوم واحد ديزني (يعني من الصبح لي الليل) عشان جذي كنت ابي تفاصيل عن الاندرجراوند اللي من باريس لي ديزني لاند (يعني من أي محطه وشلون الحجز وشكثر المده وجم سعر التذكره......) وبس مشكوره مره ثانيه حبيبتي ماقصرتي


يالله ياجماعه اللي عنده أي معلومه لايبخل علينا .. ومشكورين

دلول والدلال شوف ماذكر اسم محطة الاندر قراوند بس اهي اللي اول شارع الشانزليزيه اللي يم قوس النصر وتاخذين الخط الاحمر بس هم ماذكر سعر التذكرة لان كان معاي يهال
والوقت من باريس لي ديزني تقريبا ساعة واهي اخر محطة يوقف فيها القطار بس المحطة اللي قبلها راح يكون الاوت ليت مالهم وتبين الصراحة انا ما حبيت باريس بس ديزني وايد حلوة طبعا مافي مقارنة مع مالت امريكا بس يتم اسمها ديزني والجو هناك وايد حلو يعني لو تخلن قعدتج بديزني احسن من باريس وتنزلين باريس احسن من العكس

 

[Dalloool]

دلوول ,,لا والله للحين ما حجزت حق فرنسا , ومو عارفه حتى طريقة الحجز

انزين دلوول بجم طلعت عليكم اهني من المكاتب؟؟؟

الدلال... شوفي حتى احنا ليلحين ماحجزنا حق القطار بس السعر اللي قاللنا عنه يتراوح مابين 80 الى 100 دينار للشخص (طبعا هذا سعر تذكرة الدرجه السياحيه و رايح راد) << حلوه رايح راد :eh_s(3):... يعني اقصد ان مثلا حصلتيها بـ 80 دينار = 40 روحه من لندن الى باريس + 40 رده من باريس الى لندن.. :ggdw:
وان شاءالله اذا تم الحجز راح اقوللج جم بالضبط السعر اللي حصلناه.:icon30:

دلول والدلال شوف ماذكر اسم محطة الاندر قراوند بس اهي اللي اول شارع الشانزليزيه اللي يم قوس النصر وتاخذين الخط الاحمر بس هم ماذكر سعر التذكرة لان كان معاي يهال
والوقت من باريس لي ديزني تقريبا ساعة واهي اخر محطة يوقف فيها القطار بس المحطة اللي قبلها راح يكون الاوت ليت مالهم وتبين الصراحة انا ما حبيت باريس بس ديزني وايد حلوة طبعا مافي مقارنة مع مالت امريكا بس يتم اسمها ديزني والجو هناك وايد حلو يعني لو تخلن قعدتج بديزني احسن من باريس وتنزلين باريس احسن من العكس

om l3yal... اول شي مشكوره واااايد عالرد والمعلومات حياتي.. بس ليش مافي مقارنه مع ديزني امريكا مو جذي يحبطووووووون :eh_s(16): .. شوفي احنا اصلا روحتنا حق باريس جم يوم بس,, فانا قلت دامنا طبينا باريس خنشوف ديزني عن الحسافه وهم اننا نستكشف شي, بس ان نقعد بديزني ماظن لان احنا رايحين بس بنات يعني ما معانا يهال فاعتقد يوم واحد لديزني كفايه لنا..ونخلي الباجي للتسوق والكافيهات

 

[om l3yal]

الدلال... شوفي حتى احنا ليلحين ماحجزنا حق القطار بس السعر اللي قاللنا عنه يتراوح مابين 80 الى 100 دينار للشخص (طبعا هذا سعر تذكرة الدرجه السياحيه و رايح راد) << حلوه رايح راد :eh_s(3):... يعني اقصد ان مثلا حصلتيها بـ 80 دينار = 40 روحه من لندن الى باريس + 40 رده من باريس الى لندن.. :ggdw:
وان شاءالله اذا تم الحجز راح اقوللج جم بالضبط السعر اللي حصلناه.:icon30:



om l3yal... اول شي مشكوره واااايد عالرد والمعلومات حياتي.. بس ليش مافي مقارنه مع ديزني امريكا مو جذي يحبطووووووون :eh_s(16): .. شوفي احنا اصلا روحتنا حق باريس جم يوم بس,, فانا قلت دامنا طبينا باريس خنشوف ديزني عن الحسافه وهم اننا نستكشف شي, بس ان نقعد بديزني ماظن لان احنا رايحين بس بنات يعني ما معانا يهال فاعتقد يوم واحد لديزني كفايه لنا..ونخلي الباجي للتسوق والكافيهات

لا حبيبتي بالعكس ترا ديزني وايد حلوة وانا استانست فيها
وشوفي بالنسبة حق التسوق فانا حتا الشانز ما عجبني لان اغلب المحلات نفس لندن وانا سنتها كنت رايحة لندن وكل ما شفت شي يعجبني اقول يمكن احصل شي احلا من باريس ويوم رحت باريس نفس المحلات بس السعر اغلا واشوة ان اختي كانت في باريس وبترجع لندن فعطيتها الفلوس تشتري من لندن وما عجبني بسوقتها الا اللافاييت
وترا الناس اذواق حياتي يمكن اللي يعجبني ما يعجبج والعكس
والله يتمم عليككم

 

[om l3yal]

دلول انا يم كنت ادور حجز بالنت بس ما حجزت ويوم رحت المحطة في لندن كانت الاسعار ارخص واااايد

 

[Dalloool]

لا حبيبتي بالعكس ترا ديزني وايد حلوة وانا استانست فيها
وشوفي بالنسبة حق التسوق فانا حتا الشانز ما عجبني لان اغلب المحلات نفس لندن وانا سنتها كنت رايحة لندن وكل ما شفت شي يعجبني اقول يمكن احصل شي احلا من باريس ويوم رحت باريس نفس المحلات بس السعر اغلا واشوة ان اختي كانت في باريس وبترجع لندن فعطيتها الفلوس تشتري من لندن وما عجبني بسوقتها الا اللافاييت
وترا الناس اذواق حياتي يمكن اللي يعجبني ما يعجبج والعكس
والله يتمم عليككم

صاجة وااايد قالولي ان سوقهااغلى من لندن.. شوفي انا موحاطه ببالي بروحلها كـ تسوق وبس ... احنا بنروح نستكشفها خصوصا إني انا مو رايحه باريس من قبل وكلها جم يوم يعني محنا مطولين فيها .. بس طبعا السوق لابد منه :eh_s(3):
بالنسبة حق سعر التذاكر صح كلامج قالولي اهناك وايد ارخص بس احس فيها مجازفه ان مانكون حاجزين التذاكر انا احب اخلص شغل الحجوزات كلها قبل السفر عشان ماشغل بالي فيهم..
مشكوره حياتي على ردودج والله ماتقصرين واذا تذكرتي شي قوليلنا انا والدلال ناطرينكم

 

[Love \ Hate]

هلا والله حبيبتي

حياج الله بينه عزيزه وغاليه ..

انا بجاوبج عن ديزني .. انا رحت دزني يوم كامل وخلصتها !!!! ترى تخلص والله

احنا من الفندق في تووور سايق " كانت مرا مو ريال " تاخذكم 7 الصبح توديكم ديزني وترد تاخذكم 9 بالليل ومع التذاكر ..

باكج كامل يعني .. بس لاتساليني عن السعر لانه بالظبط من 3 سنين مااذكر

يعني لاتحاتين انها ماتكفيج يوم وترى من الشانز تقريبا ساعه وشي .. انا كنت ساكنه بفندق كونكرد لافاييت واهوا قريب من الشانز حييييل

ومن الفندق لي ديزني ماطولنا كلش

 

[Dalloool]

هلا والله حبيبتي

حياج الله بينه عزيزه وغاليه ..

انا بجاوبج عن ديزني .. انا رحت دزني يوم كامل وخلصتها !!!! ترى تخلص والله

احنا من الفندق في تووور سايق " كانت مرا مو ريال " تاخذكم 7 الصبح توديكم ديزني وترد تاخذكم 9 بالليل ومع التذاكر ..

باكج كامل يعني .. بس لاتساليني عن السعر لانه بالظبط من 3 سنين مااذكر

يعني لاتحاتين انها ماتكفيج يوم وترى من الشانز تقريبا ساعه وشي .. انا كنت ساكنه بفندق كونكرد لافاييت واهوا قريب من الشانز حييييل

ومن الفندق لي ديزني ماطولنا كلش

Love \ Hate... ثاانكس حياتي عالرد ماقصرتي.. شكله هذا اللي بيصير; نرتب روحتنا لديزني مع الـ hotel..
بس شلون ساعه وشي من الشانز يعني رحتو عن طريق باص ولا قطار؟؟
ومشكوره مره ثانيه