استفسار الـ

[القمر الخجول]

السلام عليكم ورحمة الله وبركاته
والله أنا من اشد المعجبين بهذا المنتدى

عندي استفسار ابغاء رايكم في موضوع

الحمدلله ملكت من شهر دعواتكم الله يتمم لنا على خير
استفساري هو زوجي بديرة وانا بدوره بحكم دراسته ان شاء الله بس نتزود وتنحل مشكلة البعد

المهم هياااااا فترة الملكة والاتصالات
طبعا بحكم بعده فتواصلنا على الواتسب
او مرات سكايب
صراحة سكايب حلو بس أنا خائفه من شغلة الكام دائم يطلب افتح الكام عاد مؤ دائم اكون مرتبه يعني لابسه لبس بيت ورافعه شعري ماني جاهزة مر وكمان بحكم دراستي مالي خلق كل يومين استشور شعري وميك اب

ايش رايكم في مكالمة الفيديو مدري احس فترة الملكة مختلفة عن صديقاتي كلهم بس فون ولقاءات
طبعا نحنا لقاءات مفقودة بسبب البعد
فصائرة يا سكايب يا واتسب

والله أني خائفة انو نمل من بعض بسبب كثرة المكالمات والواتسب


وشكرا جزاكم الله الف خير

اسفهـ على الإزعاج :eh_s(17):

 

[القمر الخجول]

محد رد عليا

 

[om MaRyooM]

موشايفة صراحة انها مشكلة عادي

بالعكس هذي احلى الايام انتهزي كل ساعه ودقيقة وثانية فيهم

ومارح تزهقون اذا السوالف كانت حلوة لاتخافين

 

[القمر الخجول]

شكرًا على ردك أنا خائفة من حكاية مكالمات الفيديو يعني تشوفين عادي

 

[Abraaj]

انا اشوف عادي الكاميرا.. زوجج!!

حلو ساعات تكونين كاشخه.. وحلو ساعات تكونين على طبيعتج

 

[اميره1980]

اصلا اللي اعرفه ان الصور و الفيديو ينحفظون بالجهاز و في موقع بالنت اذا شغلتي الكاميرا ديري بالج
و تعذري حق ريلج بهالعذر ان ما تقدرين تشغلين الفيديو لهالسبب

 

[القمر الخجول]

مشكورة على الردود الله يسعدكم ووفقكم يارب

 

[مناير ...!]

عادي ولافيها اي مشكله
وسوالف تنحفظ واتحمل على النت ومدري شنو
كلها خزعبلات
كل العالم ملايين البشر يكلمون سكايب
يسجلون حق منو ولامنو
انصحج تنتهزين كل الفرص وتعيشين ايام ملكتج ولاتفوتينها
بالعكس بتصير ذكرى حلوه
وحلاتها لمن تكونين حايسه ويحن عليج ويشوفج على طبيعتج
اتكلم من واقع تجربه بعد انتي احسن مني صار السكايب بالفون
على ايامي ماسنجر هههههههههههههههههههههههه @@

 

[قهوة باردة]

بالعكس عادي بس اقولك عن نفسي اخاف افتح الكام بس انتي حاولي تكخشين كل شوي
لآنه يمكن يطلب انه يشوفك يعني لاتحسسينه انك منتظرته وكاشخه ومره مصطنعه يعني حطي كريم اساس
وكحل ومسكرة وبلشر وروج بيج او لحمي او فوشي فاتح
حسسيه انك حلوه ونفس الوقت عشان يتلهف يوميا بأنه يشوفك
وايضاً ابرزي شخصيته صيري وحده ذكية بعينه
والله يوفقك يارب ~

 

[أمريكية]

يفضل تكلمينه بالتلفون أو بالرسائل عن طريق الجوال أو الشـــات (ماسنجر ) ..
وبالنسبة للكام ~ فهي تخوف نوعا ما .. وخاصة من الهكر واختراقات أجهزة الكمبيوتر وبدون ماتحسيــن ..


والله يسعدكم ..​

 

[بنت الاجواااد]

انتي زوجته شي طبيعي بيشوفج خلج طبيعيه مو الا تحكين مكياج كرمااال يشووووووفج !!!!!!!!!!!!واذا على الملل بالعكس راح تعلقوو بعض اكثر مافيها ملل اذا انتم نفس شخصيات بعض؟؟
الله يوفقج

 

[بنت الاجواااد]

تحكين*تحطين

 

[الجوهرا]

اب اب اب

 

[القمر الخجول]

الله يسعدكم صبايا ويوفقكم ويسخر أزواجكم لكم
صراحة آرائكم أفادتني كثيررررر
جزاكم الله الف خير

 

[Gifts&Occaions]

:

 

[انثى عاشقة]

عادي قلبو اخذيها سهالات
نصيحة مني لاتتكلفين كل مرة لازم يشوفك ميك اب وهيك
لان مصيره بيشوفك بدونهم بعد الزواج
خخخخخخخخخخخخخخ
عيشي ايامك واستانسي
هذي احلى ايام وذكراها تبقى العمر كله​

 

[&&&&&&&&]

حاولي تقللين شوي

احلى شي الشوق واذا كثر اللقاء بالفيديو يروح الشوق

ودي وتقديري ​

 

[القمر الخجول]

جزاكم الله خير على النصائح الحلوة الله يسعدكم جميعا ويوفقكم

 

[Patcholli]

اتعذري ان يمج احد

 

[ماني من الناس]

مادري والله انا اخاف من سوالف الكاميرات والهكرز


اذا طلب يشوفج حطي كحل وسشوري قذلتج ورفعي شعرج


وموشكله فيه ناس الكاميرات تحليهم وناس تجكرهم وحسب الاضاءه بالغرفع