(استفسار بخصوص المعهد الصيني اللي بالسالميه)

[ام مدعج]

السالسلام عليكم ورحمه الله وبركاته

شلونكم بنات شخباركم ؟؟؟

ماراح اطول بالمقدمه :eh_s(3):

زوجه رفيج زوج اختي >>> تعالوا ترجموا

كانت متينه و جسمها مترهل

فجأه نزلت 9 كيلووو بالشهر من غير ريجيم قاااسي

تدرووون وين تروح ؟؟؟

المعهد الصيني اللي بالسالميه ؟؟؟

تقول ان ينحفون ويشد الجسم مع ريجيم عادي يعني :eh_s(9):

طبعا تاج الوفااا ماصدقت خبر

مثل ما انتوا عارفين انا مسويه تحزيم بس هما ابي شي يشد وتذكرت خواتي بالمنتدى وبالاخص النيه وقلت اقووولكم على طووول

انا اليوم سجلت فيه و اشتركت

120 دينار 15 جلسه >>> حده زين السعر

تنحيف وشد

ومن باجر ببدي جلساتي


اللي سامعه عنه تقوللي و اللي تبي اي سؤال انا حاضر

ادعوووولي تكفووون

 

[حلاوه^ حلوه]

رد: النيه الصافيه مطلووووبه هني وبناااات المنتدى كلهم

انا سامعه بنت عمتي تتحجى عنه بس ماادري اذا سجلت ولا بعدها اسالها وارد عليج:eh_s(8):

 

[ام مدعج]

رد: النيه الصافيه مطلووووبه هني وبناااات المنتدى كلهم

اوكي حلاوه حلوه ناطرتج

بس بليز سئليها جاب نتيجه وياهااا ولا لاااا

اخاف اقبس عليهم و تخرب مكاينهم هههههههههههههههههههه

أعرف حظي

 

[النية الصافية]

رد: النيه الصافيه مطلووووبه هني وبناااات المنتدى كلهم

هلا تاج كاني وصلت اخترعت انا مطلوبه خير
مشكورة واسال الله انه هالمساج ينفعج ما يضرج ياكريم لانج تحبين الخير للكل وتنشيرينه عشان الكل يستفيد فاكيد ربي بوفقج يا تاج
وبصراحة جني بشترك والاسباب التسع كيلوات اللي انزلتهم اللي قلتي عنها وبسبب قرب المعهد من بيتي وبسبب السعر ممتاز 15 جلسة ب120 وايد زين واتمني اني اشترك واقابلج واتمني تشد ازنودي وفخوذي والا البطن عليه السلام ما ينشد لو شنو لازم شيل وقط كرم السامع بالزبالة
ومثل ما تدرين ديري بالج علي مكان التحزيم وخصوصا المعده والخزاااااااااااااااااان ونبهيم قبل لا يبلشون فيج اوكي
الله الكويت حاطين الحين اغنية عبدالله رويشد اي معزة الله احبها بكتبها لكم وانا قاعده اسمعها.....
اي معزة ... المعزة ضاعت وش باقي ياروحي .... خلني ساكت ساكت ..... لا تنبش اجروحي لا لا لا .... واي معزة
علمني الوقت علمني اعبر فوق جرحي واتبسم ..... وابن ادم لو عثراته ما تعلم....لو تصير دموعي نهر جاري ما تراجع عن قراري ......
بقت كلمة اقولها وبس انا اليوم غير الامس.....
لا تقولي الحب لا تقولي لي والا الشوق فيني اتوسد ..... انت ظالم وهذي اطباعك ما تبدل ما تبدل ...... انا لي وجودي ولي كياني ما اجامل من نساني..... وبقت كلمة اقولها وبس انا اليوم غير الامس
وبس آآآآآآآآآآآآآآآآآآآآآآآآآآآه تعبت

 

[الغاليه نونو]

رد: النيه الصافيه مطلووووبه هني وبناااات المنتدى كلهم

مويقولون بالمساج يطقون ويكفخون ويخلون الجسم مزورق ومبقع؟

والله نويت اروح بس يوم قريت كلام البنات عن المساج هونت انا ابروحي موناقصه كل مافيني يطقطق اللي بتروح خل تجرب وتعلمنا شصار معاها انطرها علشان اروح اسجل وياكم

 

[bnt q8 in usa]

رد: النيه الصافيه مطلووووبه هني وبناااات المنتدى كلهم

وين صاير هذااا؟واهم شي لاييون صوب صدركم خوفكم يطق لكم عرج ويسوي سرطان ثدي
هذا مو كلامي ......................كلايم دكتور الجلديه الي عندنا بامريكا قال لاتخلين احد يسوي لج مساج بصدرج جدا جدا جدا خطر

 

[غادة الكويت]

رد: النيه الصافيه مطلووووبه هني وبناااات المنتدى كلهم

وي وي مساج الصدر خطر!! انا مسوية مساج ومدلكه حوالين صدري بس ما جاسته امبيه الحين اقعد واحاتي

 

[jolie_q8]

رد: النيه الصافيه مطلووووبه هني وبناااات المنتدى كلهم

لا تخلينها تحوش مكان الحلقه

والصدر طبعا

اللي يسوون مساج والفاهمين .. مستحيل يلمسون الصدر والسيقان​

 

[ام مدعج]

رد: النيه الصافيه مطلووووبه هني وبناااات المنتدى كلهم

عطوووووووني جاي اعشااااااب و حطولي باذوني لزقاااات تسد النفس

مكانهم المعهد الشفاء الصيني بالسالميه عنوانهم وين مادري بالضبط البروشور مو عندي

لااا بنت الكويت ما يسووون مساج صوب السدر ماله شغل


يركزون عالكرش (( كرشه خروف )) ههههههههههههههههههه

اهيااا تكفخ كرشي طرااا علي جدر الهريسه ههههههههههههههههههه

و الفخوووذ و الزووود ومنطقه ماتحت الزند

و اذا تبون اي معلومه لا يردكم الا لسانكم

 

[ام مدعج]

رد: النيه الصافيه مطلووووبه هني وبناااات المنتدى كلهم

السالميه قطعه 12 شارع ابو ذر الغفاري

عماره 24 الدور الاول

مقابل الدائري الرابع

رقمهم

5616131

5616110

 

[ام مدعج]

رد: النيه الصافيه مطلووووبه هني وبناااات المنتدى كلهم

بسم الله الرحمن الرحيم

اوكي جولي خلاااص نشترك كلنا جماعي و نشوووف منو يضبط وياهاااا


كله في سبيل الرشاااقه

يااارب نضعف بالصحه و العافيه يارب

 

[xxx]

رد: النيه الصافيه مطلووووبه هني وبناااات المنتدى كلهم

موفقه تاج الوفا ​

 

[النية الصافية]

رد: النيه الصافيه مطلووووبه هني وبناااات المنتدى كلهم

هلا بنور المنتدي كله حياج الله يا بنت الكويت
اشلونج شخبارج من زمان ما سالتي عني بس اكيد متابعة اخباري صح
نبي دعواتج يا الغالية وبنت النيل اتسلم عليج واااايد

 

[النية الصافية]

رد: النيه الصافيه مطلووووبه هني وبناااات المنتدى كلهم

هلا بنور المنتدي كله حياج الله يا بنت الكويت
اشلونج شخبارج من زمان ما سالتي عني بس اكيد متابعة اخباري صح
نبي دعواتج يا الغالية وبنت النيل اتسلم عليج واااايد وماشاء الله تبارك الرحمن وصلت للهدف المطلوب 65 كيلو وتفكر اتسوي عملية شد للبطن والارداف
عسي الله يوفقها يارب ما وصلت الا بعد تعب اكيد واحنا بعد تو الناس ومشوارنا طويييل الله يعين :eh_s(9): [ /QUOTE]

 

[music_teacher88]

رد: النيه الصافيه مطلووووبه هني وبناااات المنتدى كلهم

شلون نتايجكم بشرو

 

[لعيـــ ترخص أرقاب ـــوني]

رد: النيه الصافيه مطلووووبه هني وبناااات المنتدى كلهم

الله كريم والله ودي اسوي بس خايفه ..

 

[غلاتي الكويت]

رد: النيه الصافيه مطلووووبه هني وبناااات المنتدى كلهم

بشروو بنات ؟

 

[q8y-moon]

رد: النيه الصافيه مطلووووبه هني وبناااات المنتدى كلهم

لموضووووووووووووووع قبل سنتيييييين قديم حده

 

[moon@q8yat]

رد: النيه الصافيه مطلووووبه هني وبناااات المنتدى كلهم

موفقه ان شاء الله بس نصيحه من اختج اذا عندهم حبوب وقالت لج لازم تاخذينهم لا تاخذينهم
انا كنت مجربه مساج صيني بس بشرق ضعفت ضعف مو طبيعي جسمي صار سمبتيك من المساج والحبوب بس هديت الحبوب رديت دبل الدبل مو من اكل لا فجأه جذي
ديري بالج وان شاء الله ماكو الا العافيه

 

[سمسميه]

تم تعديل العنوان بواسطة المشرفه