استفسار ضروري بنات ...

[فديت اللي أحبه]

السلام عليكم ..

شلونكم بنات ومسائكم فل وياسمين ..

حبيباتي ابي استفسر منكم عن شغله ضروريه ، أنا وزوجي قررنا نسافر لاول مره الي اوروبا وتحديدا النمسا زيلامسي ، ابي اسأل عن كم شغله ، وسفرتنا بحدود الـ 12 يوم ..

- كم تكلفة السفره ككل طبعا مع الـShopping؟
- شلون عن النقاب انا لبسي نقاب سير وعباية كتف عادي ولا في مضايقات ؟
- وشنو احسن وقت يعني شهر 3 زين ولا بارد؟
- ولاماكن السياحيه شنو هي؟

يعني بالمختصر المفيد ابي خبيره بهالشغلات تساعدني ولاتحرموني ردودكم لان هذا بالنسبه لي كان حلم وتحقق ، فلاتبخلون علي بتجاربكم وافاداتكم وخبراتكم ، بكون شاكرتلكم فديتكم ..
:eh_s(7):

-

 

[فديت اللي أحبه]

شدعوه بنات ١٦ مشاهده ولا وحده ردت ..

 

[دلوعة أبوهآ]

12 يوم بس بزيلآمسي ...!
ولآ تقصدين في النمسآ بشكل عآم !!




ممكن توزعينها مآبين زيلآمسي وسالزبورغ وميونخ
لان زيلآمسي حدها 5 آيآم ..

وشهر 3 مآدري آحس بيكون برد
انا رحت زيلآمسي بالشتآ وكان كل مقفل
الزحاليق واغلب الآماكن الحلوه يصكرونهآ ..

 

[فديت اللي أحبه]

لا اقصد ان ١٢ يوم بالنمسا بس لحد الحين ماقسمناها ، يعطيج العافيه عمري ماقصرتي ع الرد ، يعني بيكون افضل شهر ٥ اتوقع ..

 

[شموووخ بدويه]

اذا تبين زلامسي روحي لها عن طريق ميونخ أحسن,,يومين بميونيخ وبعدين زلامسي,,الحين اتوقع برد,,تأخري بالروحه شوي أحسن,,بالنسبه للنقاب عادي لامضايقات ولا شي,,حدها بالكثير 4 أيام ومافيها سوق محلات عاديه تاخذين شغلات تذكاريه,,


بس نصيحه لاطوفج سالزبورغ روووووعه وسوقها يهبل وفي مكان حق الماركات بس انا للاسف ماجيته,,بس حلوه سالزبوغ,,الناس هابه في زلامسي أكثر .لكنها روعه..

اختميها بفينااا العاصمه فيها اسواق تهبل ,,بالنسبه للميزانيه ع حسب كم شخص واذا بتسوقين او لا,,

لايطوفج الاوت لت روووعه

 

[فديت اللي أحبه]

اذا تبين زلامسي روحي لها عن طريق ميونخ أحسن,,يومين بميونيخ وبعدين زلامسي,,الحين اتوقع برد,,تأخري بالروحه شوي أحسن,,بالنسبه للنقاب عادي لامضايقات ولا شي,,حدها بالكثير 4 أيام ومافيها سوق محلات عاديه تاخذين شغلات تذكاريه,,


بس نصيحه لاطوفج سالزبورغ روووووعه وسوقها يهبل وفي مكان حق الماركات بس انا للاسف ماجيته,,بس حلوه سالزبوغ,,الناس هابه في زلامسي أكثر .لكنها روعه..

اختميها بفينااا العاصمه فيها اسواق تهبل ,,بالنسبه للميزانيه ع حسب كم شخص واذا بتسوقين او لا,,

لايطوفج الاوت لت روووعه

تسلمين يابعد عمري ع الرد ماقصرتي يالغاليه شموخ بدويه لج مني كل الشكر ع الافاده حبيبتي ..:eh_s(7):

 

[!!الشوق ذباح!!]

السلام عليكم ..

شلونكم بنات ومسائكم فل وياسمين ..

الحمدالله تمام

حبيباتي ابي استفسر منكم عن شغله ضروريه ، أنا وزوجي قررنا نسافر لاول مره الي اوروبا وتحديدا النمسا زيلامسي ، ابي اسأل عن كم شغله ، وسفرتنا بحدود الـ 12 يوم
بالتوفيق..

- كم تكلفة السفره ككل طبعا مع الـshopping؟
- شلون عن النقاب انا لبسي نقاب سير وعباية كتف عادي ولا في مضايقات ؟
- وشنو احسن وقت يعني شهر 3 زين ولا بارد ؟ لو تخلين السفره شهر خمسه او شهر 6 احلي لان انتي رايحه عشان الطبيعيه وما ترد عافيتها الا شهر 4 من الثلج ....
- ولاماكن السياحيه شنو هي؟
الاماكن السياحه كثيره لكن علي حسب الجدول والايام
يعني بالمختصر المفيد ابي خبيره بهالشغلات تساعدني ولاتحرموني ردودكم لان هذا بالنسبه لي كان حلم وتحقق ، فلاتبخلون علي بتجاربكم وافاداتكم وخبراتكم ، بكون شاكرتلكم فديتكم ..
:eh_s(7):

-

بما ان سفرتكم 12 يوم الوصول يكون ميونخ ليله..1
بعدين 7 ليالي زيلامسي

يعدين ميونخ 4 ايام ميونخ...
وانتي شرايج بهالجدول بعدين نكمل ونساعدج بالفندق واكتبي المزانييه عشان الفنادق

 

[فديت اللي أحبه]

تسلمين لي الشوق ذبااح فديتج يالغاليه ماقصرتي انتي وباقي البنات اللي ردوا علب ، انا ودي ارتب رحلتي يعني بميونخ وسالزبورغ وزيلامسي بس طبعا بما اني اول مره مو عارفه ارتبها وبالنسبه للميزانيه 4000 دينار ، والاستفسار الاخير عن لبس النقاب ياليت تفيديني فيه انا زوجي شديد من ناحية اللبس يعني عادي الوضع هناك ؟ ولا في مضايقات ؟ وماقصرتي يالغاليه الشوق ذباح تسلمين حبيبتي ع الرد فديتج ..

 

[!!الشوق ذباح!!]

تسلمين لي الشوق ذبااح فديتج يالغاليه ماقصرتي انتي وباقي البنات اللي ردوا علب ، انا ودي ارتب رحلتي يعني بميونخ وسالزبورغ وزيلامسي بس طبعا بما اني اول مره مو عارفه ارتبها وبالنسبه للميزانيه 4000 دينار ، والاستفسار الاخير عن لبس النقاب ياليت تفيديني فيه انا زوجي شديد من ناحية اللبس يعني عادي الوضع هناك ؟ ولا في مضايقات ؟ وماقصرتي يالغاليه الشوق ذباح تسلمين حبيبتي ع الرد فديتج ..

الله يسلمج


بنسبه للنقاب مافي اي اشكاليه واهناك يحترمون المسلميين...


انتي قلتلي 12 يوم .....

تكون الرحله الوصول.. ميونخ ...1 ليله...

بعدهااا...زيلامسي...6 ليالي

سالزبورغ 2 ليلتين تكفي ...


ميونخ 3 ليالي

المزانيه تكفي بس علي حسب ترتيبج... اذا تبين اساعدج بالفنادق انا حاضره... لكن بالاول احجزي تذاكر...قبل لا ترتفع الاسعار ودروي انسب الاسعار...

 

[!!الشوق ذباح!!]

شنو وسيله التنقل ... وانا افضل انها تكون سياره واول يوم بميونخ تردونهااا عشان توفرون لان بميونخ ما تحتاجوون سياره

 

[فديت اللي أحبه]

يعطيج العافيه الشوق ذباح ماقصرتي ياعمري ، شوفي بالنسبه لوسيلة التنقل حنا ناوين نأجر سياره اريح لنا اما حجز التذاكر زوجي يبي يحجز التذاكر ع نص شهر 3 اذا الله راد لأن قررنا نأخر السفره شوي لين يدفئ الجو ويتحسن ، وياليت ياعمري اذا مافي كلافه تعطيني فكره عن الفنادق هناك من حيث اللسعار والنظافه والخدمه ، وشاكرتلج ياقلبي اهتمامج بموضوعي عساه في ميزان حسناتج ياقلبي ..*

 

[حـلا و ذوق]

مرحبا ..

اتوقع بهالوقت برااد ..

انا رحتها بلصيف ..

احسن شي تدكرتج تكون روحة وردة من ألمانيا
وبعدين من المانيا تاخدين قطار يوديج النمسا ويردج تقريبا ياخد لج الوقت ساعتين .
ما انصح بالسيارة لان انتو 2 ماتسوى , القطار تذكرته رخيصة وسريع ثانيا علشان انتي وزوجج تتمتعون بالمناظر بدل لا اهو يسوق


ميونيخ ترى مافيها شي بعد .
عندج ساحة المارين بلاتز . حلوة التمشي فيها . فيها محلات مثل السي اند ايه و اج اند ام وهالطخة ..
وعندج فيها شارع هم قريب من المارين بلاتز اسمه الماكسميلين شتراسا هذا شارع كله محلات ماركات عالمية ..

انصحج تسكنين بفندق الهوليدي ان لان عنده بلضبط محطة مترو .. توديج هالمناطق .
واستخدام المترو سهل جدا جدا ورخيص وايد وحتى موظفين الفندق ممكن يشرحون لج طريقته فيه موظف مصري نسيت اسمه بيساعدكم ..

وترى من 7 كل المحلات تصك

يعني حدها 4 ايام ميونيخ .

بالمانيا مدينة ملاهي يقولون مثل ديزني مارحتها لان كانت بعيده اسالي عنها لو حبيتي تروحين,


هم سمعت باوتليت اسكادا مارحت له قالولي بعيد و وحدة ما انصحتني فيه . الحين متحسفة اني ليش مارحت له خخخخ :eh_s(4):


من محطة القطارات الرئيسية تقدرين تاخذين لج تذكرة لين زل ام سي ..
ياحلووووووووووووووووووووو زيلامسي والله .. اتينن روعه روعه ولاتملين منها
طبيعه وجو واهلها طيبين وبرامج شي صراحة

احسن فندق فيها الجرراند يطل على البحيرة دايركت ، وحتى لو اي فندق بالسيتي سنتر اخذيه عادي هم بيكونون قريب منه ترى زل ام سي صغيره وتلفينها كلها بريلوج ماتحتاج مواصلات

موجود عندهم اهناك انفورميشن اوفيس .. اي شي تحتاجينه بيساعدونج من خلال الرحلات وحتى لو فندقج ماعجبج يدورون لج على فندق واسعارهم عموما مناسبة وزينة .

نتقريبا من ميونيخ الى زل ام سي ساعتين ونص ..
زل ام سي خليها لها 5 ليالي ترى حلوة ولاتملين

اهناك فيه منطقة باصات قريبة من الانفورميشن اوفيس فيه كشك غيه كل الرحلات بزل ام سي .. ويبيعون التذكرة للشخص الوحد وتقدرين تاخدين الاوراق مالت الرحلات من اول ماتوصلين زل ام سي علشان تضبطين جدولج من اول ماتوصلين ويكون عندج علم بالاوقات ..

عندج الرحلة الى كابرون بالباص يمكن المسافة ثلث الى نص ساعه وتوصلين
وتاخدين تدكرة منهم . يوديج بالتلفيريك اعلى الجبل واهناك تقدرين تتزلجين , وفيه مكان يبيعون جاكيتات او تاجرين
انصحج بالتاجير طبعا ارخص ثانيا مايسوى تشترين ويصير عليج وزن بسبت جاكيت

فيه رحلة سمر لودين الي اهي بالعربي يعني الزحلاقة الصيفيه .. بعد رووعة وعجيبة تصعدين جبل بالتلفريك وبعدين انتي تنزلينه بزلاجة بس متعه صراحة

عندج زيارة شلالات كريمل : انا مارحت لها للاسف لاني قعدت بس 4 ليالي وملزومة برحلتي الى ميلان من النمسا

وفيه برامج غيرهم تقدرين تسالين الكشك عنها ..


فيه مطعم هندي حلو نسيت اسمه بس مكتوب بسمتي شي جذي عليه ,,

وفيه مطعم عربي عند فندق القراند .. يبعون كروت تلفون الاتصال للخليج رخيص وااايد ..

وعم كافيه كرايزي دايزي حلوة قعدته خصوصا بلييل واحد يعزف ويحطون حوالينج نار تدفيج ويعطونج ملاحف لان يصير برااد ..


ويوم رحت فيه سالزبورج .. ورديت بنفس اليوم غن طريق القطار تقريبا الوقت ساعه . منطقة حلوة واوربية عدل .. فيها نهر يشق المدينة نصين تقدرين تقولين رومانسية جدا :eh_s(22):

اهي مافيها غير كافيهات و محلات سوق .. فيها حناطير اعزكم الله لو تبين ياخذ لج لفة بلمنطقة وفيها متحف مادخلته لان مب ميولي هالسوالف

فيها محلات وايد وفيها بعد محلات ماركات ..


طبعا هالكلام سفرتي بالصيف ، اتوقع ب 3 شتاء ومب كل شي متوفر من البرامج ..

امممممممممم بس هذا الي خطر على بالي
اي استفسار لايردج الا كيبوردج:eh_s(17):

​

 

[فديت اللي أحبه]

بعد قلبي حلا وذوق تسلمين ياعمري ماقصرتي كفيتي ووفيتي الله يجزاج خير انتي والشوق ذباح فديتكم والله ع مساعدتكم لي ع قولة أخوانا المصريين " ماننحرمش " :wqedqw:

 

[!!الشوق ذباح!!]

يعطيج العافيه الشوق ذباح ماقصرتي ياعمري ، شوفي بالنسبه لوسيلة التنقل حنا ناوين نأجر سياره اريح لنا اما حجز التذاكر زوجي يبي يحجز التذاكر ع نص شهر 3 اذا الله راد لأن قررنا نأخر السفره شوي لين يدفئ الجو ويتحسن ، وياليت ياعمري اذا مافي كلافه تعطيني فكره عن الفنادق هناك من حيث اللسعار والنظافه والخدمه ، وشاكرتلج ياقلبي اهتمامج بموضوعي عساه في ميزان حسناتج ياقلبي ..*

انا اشوف ان بميونخ ماله داعي سياره يعني تخذوون فندق بميونخ بسنتر...

يغنيج عن السياره مثلا اذا او تطبين ميونخ ترتاحين يوم وتاخذون السياره من ميونخ
وبعدين تروحيين زيلامسي..وتقعدون 7 ليالي وبعدين تروحون سالزبورغ ليليتن

وبعدين تروحون ميونخ وتسلمون السياره لانكم مار اح تحتاجونهاا واهم شي يكون السكن بالسنتر حتي لو كان غالي

اما بنسبه للفنادق انتي حددي جم السعر بنسبه لليله لكل الفنادق اللي تبينها والتاريخ وانا اطلعلج وانتي اختاري... وبعدين احجزي بالنت عن طريق بوكينق سهل حييل بس اهم شي يكون عندكم فيزا ((( اوو عن طريق مكتب .. بس قارني الاسعار ))):eh_s(22)::eh_s(22)::eh_s(22):