استفسار عن الاسواق ..!!

[بنت التميمي]

السلام عليكم والرحمه

مساء ..صباح الخير

::

شخباركم بنات .. وشلونكم ..


انا ابي اجي الكويت بس مو عارفه وين اروح اتسوق

طبعاً ما ابي المجمعات والمولات .. ابي اسواق عاديه

حق شماطيط البيت والبجايم

ممكن اتفيدوني فديتكم

وحده قالت لي الفحيحيل والفروانيه والمباركيه
بس ابي تعطوني معلومات ربي لايهينكم
ب اسامي المحلات او الاسواق

مشكورين ياقلبي

 

[noor salam]

حياج الله يا بنت التميمي بالكويت ، و هلا و مرحبا فيج...
الاسواق الشعبية :
سوق المباركية تجدين فيه محلات بو 100 فلس و اكشاك فيها ملافع و عطور تقليد و مقاهي شعبية كباب مشوي و تكا و كبدة وكشري و اسماك و حلويات شعبية و الدفايات مع الشاي المخدر بالاضافة الى سوق الخضرة

سوق المحاميد و اولادنا و مستورة هذه بعض الاسواق الشعبية في المباركية

سوق المعلم بالسالمية (سوق السالمية)
تجدين فيه سيتي سنتر و بعض المحلات الشعبية و الكافيهات

سوق النقرة الجنوبي في منطقة النقرة

سوق رامز في منطقة الشويخ الصناعية

المولات:
الافينيوز في منطقة الري
مارينا مول في السالمية
ليلى جاليري-السالمية
الفنار -السالمية
الوطنية-السالمية
مجمع منيرة-السالمية
مركز سلطان في منطقة السالمية (للاكل و اللوازم المنزلية)
سوق شرق (منطقة شرق)
مجمع الكوت و المنشر - الفحاحيل
البيرق-العقيلة
كويت ماجيك-ابو حليفة
360 مول- الزهراء
الراية - الكويت

و حياك الله اذا بغيتي اي سؤال
​

 

[@ DLOO3TAH@]

ـأب

 

[krkooora]

بجامات رخيصه وسوالف مواعين واغراض البيت روحي سوق السالميه سيتي سنتر
و حتى المباركيه فيها وحلوة المباركيه حق التمشي جوها غير

 

[بنت الككاو]

يامرحباوالله فيج يابنت التميمي شرفتينا وبالنسبه للاسواق الشعبيه مثل ماقالوالبنات وازيد عليهم سوق النوخذه بالعقيله مقابل البيرق واسواق الشاهبندر روووووعه بس استفسار شنو المحلات اللي بسيتي سنتر؟وتسلمووون