استفسار عن التقشير وابر التفتيح ..

[ماهزني مزيون]

السلام عليكم والرحمة
شخباركم بنات :eh_s(17):

حبيت استفسر عن تقشير المناطق الحساسة او ابر التفتيح
شنو اضرارهم وهل يألم يعني يعور ولا لا عادي
لان تعبت وانه اخلط بكل شي فجسمي ومافتح شي،
عندي الابط ومنطقة البكيني جدا سواد مب طبيعي وعيزت وانه استعمل
اشياء وكريمات لي ماصادتني حساسية
وعرضت موضوع من قبل والبنات ساعدوني ماقصروا بس بعد ماكو فايدة:eh_s(2)::eh_s(2):

وقلت هالمرة لازم اجرب التقشير، اي احسن التقشير او ابر التفتيح
واسرع شي يعطي نتيجه؟ وتقريبا قولولي اسعارهم اذا بغيت اسوي يعني :eh_s(2):
وباكون شاكره لكم:eh_s(17):

 

[ام الغريب]

وعليكم السلام

استخدمي كريم شيرلي فيه كرتيزون بس استخدميه مدة شهر مو اكثر
واستخدميه سطحي لا تدخلينه للداخل

ترى روعة بالتفتيييح وبعد ماتتركينه حافظي على النتيجة .

استخدمي غسول طبي لهالمنطقة . سوي سنفرة اسبوعيا مرتين زيت زيتون وملح .
شيلي المنطقة بالحلاوة لان تفتح وتشيل الجلد الميت وتخفف الشعر . وبعد الازالة دهني بكريم سودو