استفسار عن الخوا جوا

[فرنسا]

استفسار عن الخوا جوا وايد اسمع عنة انه زين نتبخر فية.. بس موعارفة شنو الحالات اللي نستخدمة فيها ؟؟ وشنو فايدتة ؟؟غير الشرب لاني قريت جم موضوع عن شربة بس ماعتقد اقدر كلش فخلوني عالتبخر .......فيدوني جزاكم الله خير

 

[&شوارفسكيه&]

امي تعرف له زين بسالها وبرد لج خبر

 

[فرنسا]

مشكورة شوارفسكية وناطرة ردج

 

[نور الكويت$$]

امي تقول عن الشمم بس ماتستخدم الا بهالحاله واطيب الجروح تطبخينها مع دهن ومره وتشمه عن الشمم اللي ضرسه يعوره واللي فيه جرح فقط..
جدتي خبيره بهالسوالف

 

[فرنسا]

يعني ماتبخر فية ؟؟؟؟؟؟؟؟؟؟؟

 

[فرنسا]

للرفع

 

[&شواقة الكويت&]

حبيبتي هذا تحطينه حق الجروووح يعني مثلا اذا كنتي ولاده تحطينه حول الجرح عشان مايشم من العطووور وبعد الجاهل اذا التهبت اذونه وكان يسنن تحطينه له بعود اذاني على اذونه بعشاااان يرتاااح وماتشم عليه اسنانه س التبخر مادري والله..

 

[ليمون معصورة]

الخوا جوا ياحبيبتي فرنسا يستخدم أيضا للتبخر في أخر يومين من الدورة ينشف المهبل ويمنع دخول الهوا ومره حلو للمتزوجات خاصة بس وقت الدورة :050103nbh_prv:

 

[إنزعه صمتي]

الخوه جوه رحمة لنا بعد المره

للشمم بشكل عام يعني اللي فيها لوز تحط باصبعها وتلحسها وتدهن رقبتها واذانيها وخشمها والله علاج (خصوصا اللي عندها اخوان شباب عطوراتهم قوية)...
وترفع فيها أرقب الاطفال اللي عندهم عظيم (مدري كيف اوصلها لكم )

للنفاس رهيبة علشان الشمم (خص بعد العملية)

والخوه جوه تبخرين فيها البيت اذا كنتي تعبانه واللوز عندج ماتهبة بالحيل (علشان تقط الريح القوي) مثل ماذكرة العطورات الرجالية الثقوية ..والحبشوش وربعه

 

[@شمس الضحى@]

تطبخينه مع زيت ومره ويستعمل للحروق والجروح
وخياط الولاده والدمامل والاكزيما يعني بتاع كلوووووووو
جدا ممتااااااز

 

[الدم البنفسجي]

انتي شنو بتسون فيه بالضبط لان خاله ريلي تعرف كلش عن الخوا جوا بكل طرقه واستعمالاته

وياليت تطرشين لي ع الخاص اخاف مااارد حق الموضوع ثاني

 

[حكم الزمن]

عن الشمم وبخور ممتاز للدوره والنفاس

 

[كثر خيري]

يعني جروح العمليات القديمه زين واشكثر المقدار

 

[الحياة حلوووه]

الخواجوا....ممتازه بالنسبه للمتزوجات ..بعد الدوره اخذي فحمه وحطي فوقها الخواجوا واقعدي عليهاا عجييييييبه تنشف وتسحب كل الهواء الي اخذتيه من برد..اتكلم عن نفسي استخدمها والحمد لله لا افرازات ولا روائح وتضييق بعد...بس كل شهر اسويها بعد الدوره.. اتمنى اني افدتج,,

 

[قهوة برية]

رد : استفسار عن الخوا جوا

الي اعرفه حق الشمم والحروق بس غيره مادري ،،

 

[المستغفرة 74]

رد : استفسار عن الخوا جوا

يغلى مع زيت زيتون ومرة وتدهن به حول الجروح عن الشمم

 

[نوووور الشمس]

رد: رد : استفسار عن الخوا جوا

مع خوا جوا مش حتقدر تغمض عينيك

هذي نعمه من الله
لولاها علووووووووووووووووم
سواء شمم ولا جروووح ولا بخوووووووووور
بالمصري هذي بتاااع كل حاجه

 

[أم شهرزاد]

على فكره تراي خبيرة اعشاب :ggdw:

الخواجوا لكل شئ كويس أنا عن نفسي اطحنه وحطه مع بعض الادويه واشربه مع القهوة بالدوره ومع المردود

روعه اطحينه وحطيه شوي مع فنجالك بالدوره ممتازلرطوبات ولتقويه الرحم

 

[خاطر مذبوح]

الـسلام عليـكم

بنـات ممكن تفيـدونـا عن الطريقـه بالضبط لأني سويته و حاسه طريقتي غلط ياليت وحدة تشرح بالتفصيل طريقة غليه جزاكم الله خيـر

يعني شكثـر نحطه على النار جم دقيقه؟ و هل لازم الخوا جوا يكون مطحون إذا بغليه مع الزيت والا عادي؟
و بعد ما احطه على النار هل أصفيـه على طول و الا أخليه فترة ينقع ؟

انا بصراحة غليته مع زيت زيتون و مره و صبره و ما مداه جم دقيقه قام يطلع اصوات اخترعت و يوم صبيته بالزجاج همن قام يطيش يمكن انا سويت شي غلط

و هل ينفع اني ادهن فيه مره وحدة باليوم لآثار الحروق و الحروق
و هل ينفع للدمامل و الا بس الحروق ؟

ادري وايد كثرت اسأله بس من كثر ماني متحمسه اسويها

جزاكم الله خير

 

[mz_alfailakawi]

من وين يشترونها الحواي ؟