استفسار عن الهامستر يا اصحاب الخبرة

[al-warda.2]

السلام عليكمامس شريت لي هامستر روسي بنية وحدها تهبببل عاد قلت باخذ وياها بنيه عشان ما تتملل ما ابي صبي مافيني شده >< يسوون قبيله ههههه
عاد السؤال عادي اشتري همستر روسي من عائلة ثاني بحيث اعرف افرق بينهم
او اخذ اختها اللي من نفس المحل ويتشابهون وايد


انا خايفه من انهم يتهاوشون اذا مو خوات شرايكم

 

[al-warda.2]

؟؟؟؟؟؟؟؟

 

[VET-Nour]

ماادري والله بس مااذكر انه لمن ربيت هامستر بنت تهاوشت مع بنت بس وحده كانت تتهاوش مع الكل هههه

مو لازم تشترين الا اذا كنتي قادره انج تهتمين ب2 و اذا كبرو [ النثيه ] يتزاوجون ولاززم ذكر و ترى يكبرون بسرعه ويحملون و يولدون بفترة قصير مو نفس القطوه ,

** اذا زاوجتي ذكر سوري مع نثيه روسي ماتحمل النثيه بس بحالات نادرة و تكون حالة النثيه خطرة ! < يعني معلومه لو فكرتي تجيبين لها ذكر سوري
و النثيه لمن تكمل 4 اشهر تتزوج

و اذا حطيتي 2 بمكان واحد راح يتهاوشون و يقولج اغلب شيء انه واحد منهم يموت < اذا تهاوشو طبعا


كيفج بس ماافضل انج تجيبين لها , لانه ماراح تحس بملل

 

[al-warda.2]

انا قلت يمكن تتملل بروحها لان قريت ان الروسي اجتماعي وما يحب الوحدهفقلت بشتري وياها بنت >< لان مابي اجيب ذكر وتحمل وتولد و و و >< مو قد هالسوالف كلها


واوردي رحت نفس المحل الا كلهم صبيان الي من نفس عائلتها وما خذيت عادي اجيب بنيه ثانيه من مكان غير >< ما بسوون لي معارك ؟

 

[al-warda.2]

وشكراً على الرد حبيبتي ^^

 

[VET-Nour]

إنا أقول لا تجيبين لها لا نثيه ولا ذكر
ما راح يمل اشتريلها العاب. وبس

مأأنصح بالهامستر لأنه فآآآر وإذا كبر بيطلعله ذيل يلوع الجبد
و هم ينقل أمراض

 

[sennaishq]

سلام عليكم

أختي أنا من قبل ربيت عيلة هامستر تقدرين تقولين قبيلة هامستر لأنهم تكاثرو عندي وكانو حلويين صج ويونسون وايد مشكلتهم بس العض وايد يعضون لأنه نظرهم خفيف فما يشوفون عدل ...

إذا كانت نثية فما كو مشكلة انها تتم بروحها بس أهم شي انج تخلينها نشيطة في ألعاب خاة للهامستر وفي لعبة الكرة حلوة حقها تحطينها بالكرة وتخلينها تلعب بالدار أو بأي مكان واسع بس أهم شي تكون جدامج عشان ما تروح عالدرج أو أماكن خطرة .

وتقدرين تعودينها عليج لأنه حيل اجتماعي .. عوديها تاكل ممن إيدج مع الوقت مسكيها بإيدج ولعبي معاها ... وعطيها أكل يابس مثل الذرة الناشف الغير مطبوخ عشان أسنانها ماتكون حادة

وبالنسبة انه الهامستر فار الهامستر مو فار ... أول شي الهامستر ما له ذيل وله حجم معين ما يزيد عنه ولا ينقل الأمراض للبشر لأنه مناعته خفيفة أي مرض يحوشه على طول يموت مو نفس الفار بو 10 أرواح وعنده مقاومة للأمراض ...

 

[al-warda.2]

مشكورين ع الرد حبيبااتيي

حالياً خليتها بروحها ^^ وعندها العاب ومستانسه واطلعها دايما