استفسار ...عن امريكااااا بليز يليز

[كويتيه عبسيه]

السلام عليكم يابنات.....
بليز بليز .... ساعدوني بروح امريكا بعد جم يومين ... فلوريدا ...بالتحديد اورلاندو.....بروح اسبوعين مع ريلي...وحجزنا فندق بشارع انترناشينال درايف...يقولون انه كله مطاعم ويم ديزني ...
والسؤااال ياحلوين ؟؟؟؟؟؟؟؟؟؟
1- الجو بمنطقة اورلاندوا الحين ؟؟ شنوبالضبط ؟؟؟؟ يعني برد ولا حر؟؟؟
2- ابي محل اجار سيارات مضمون ؟؟؟
3-ابي الاسواق الحلوه اللي ماتتطوف ابداا ؟؟؟؟
4- ابي الاماكن الحلوه مناظر الطبيعه ؟؟؟
5-وابي اسم ماركات امريكيه حق الجناط والجواتي بس اسعارها حلوه ؟؟؟؟
6- وشلون الامان عندهم ...؟؟؟

 

[ميسوره]

الجو حاليا برد عندهم والله اعلم

لاطوفين فلوريدا مول فيه محل ام اند امز عجيب
وملينيا مول هم بعد حلو

واجار السياره بالمطار في اشكثر شركات منها ايفاز ودولار وغيرهم لاتحاتين

الماركات وايد مايكل كروس قوش
احس ان مخي قفل موقادره اذكر شي

تصفحي موضوع العائدات من امريكا
او المحلق لامريكا للاخت روونا

 

[كويتيه عبسيه]

مشكووووووووووووووووووووووووره وااايد وايييييييييييييييييييييد ويزاج الله خير واذا تذكرتي شي قولي ..؟؟؟عفيه ميسوره شلون اتأكد من الجو...؟؟؟ عشان الملابس

 

[sweet 30]

هلا حبيبتي الحو انا كنت بفلوريدا بالكرسمس الجو كان وايد بارد يعني حطي ببالج الظهر شمس وبالليل براد بالنسبه حق تأجير السيارات
عندج www.thrifty.com
www.Dollar.com
www.Expedia.com
www.Budget.com
بس حطو ببالكم اذا تبون تردون السياره لا ترسون من البانزين اللي يم المطار لانه دبل السعر
بالنسبه حق الاسواق عندجMall at the Millenia
Florida Mall
Orlando Fashion Square Mall
Premiume Outlet
Prime Outlet
روحي بعد
- Universal Studios وايد حلو العابها
وروحي Sea World اتونس ودخلو عرض shamu
بالنسبه حق الماركات عندج micheal kross
DIANE von FURSTENBERG
L.A.M.B
والله هذيل اللي اتذكرهم من ماركات موجوده هناك ومو بالكويت
المطاعم بالمرنبه الاولي Red Lobester
The CheeseCake Factory
وعندج بعد Olive Garden
وكان في مطعم بعد ايطالي كبير وحلو وكله فيه ممثلين بس نسيت اسمه
عندج بعد فيه مطعم يم فرايديز مطعم هاواين بس نسيت اسمه بعد
اولاندو وايد حلو وحتي التمشي فيها حلو ان شاء الله تستانسون واي طلب حاضر انا بأمريكا موجوده الحين

 

[كويتيه عبسيه]

بليزابي معلومات بعد ..؟؟؟ اللي عندها تفيدناااااااااا بليز