استفسار عن تحاميل

[أم لوله]

السلام عليكم ورحمة الله وبركاته
أخواتي أبغى أسألكم عن تحاميل جينو داكتارين للمهبل أخذتهم من الصيدليه ولقيتهم كبار حجمهم مره كبير كيف يستخدمن وكيف أدخلهم أرجو من اللي جربتهم تقولي
وأيش فايدتهم

هذي صورتهم اللي تعرف تشرحلي عنهم الله يسعدكم

 

[American.Life]

Gyno-Daktarin الاسم التجاري ل miconazole nitrate (المادة الفعالة في الدواء)
وهو عبارة عن مضاد للالتهابات الفطريةوبعض الالتهابات البكتيرية اللي تصيب الجهاز التناسلي
وايي منه ثلاث انواع :
1- الكبسولات المهبلية Gyno-Daktarin 1200 mg vaginal capsule وتستخدم جرعة واحدة منه فقط.
2-التحاميل المهبلية Gyno-Daktarin 100 mg pessaries وتستخدم تحميلتين في اليوم لمدة 7 ايام او تحميلة يوميا لمدة 14 يوم ،وفي منها جرعات ثانية مثل ال400 ملج اللي تستخدم في 3 ايام، تحميلة كل ليلة .
3-الكريم Gyno-Daktarin® 20mg/g cream ويستخدم مرة كل يوم لمدة 10-14 يوم أو مرتين في اليوم لمدة 7 أيام متواصلة.

أما بالنسبة لطريقة وضع التحاميل فتبدأين وايديج نظيفة مغسولة بالماي والصابون تفتحين التحميلة وتحطينها وانتي في وضع ولادة وتحاولين تدخلينها قد ما تقدرين وبالنسبة للكريم ايي معاه اداة تساعدج تحطينه وداخل وتفركين منه شوي برع وأتوقع بتحصلين رسم توضيحي في روشته الدوا، واهم شي انج تحطينها قبل النوم عسب ماتتحركين من مكانج عقب ماتحطينها وتسمحيلها تذوب وتعطي مفعول.
ينصح انج ما تقطعين مدة العلاج اذا حسيتي بأي تحسن، لازم تكملين المدة كاملة على حسب الجرعة عسب تستفيدين من العلاج، وبعض الأطباء ينصحون بعدم الجماع في هالفترة مع انه ماله اساس علمي.
وبالنسبة للعوارض الجانبية ممكن تحسين بحرارة او حرقة ، اذا كانت شديدة وقفي الدوا وراجعي طبيبتك.

أتمنى اني أفدتج بالمعلومات اللي عندي ، واذا عندج اي استفسار ثاني حياج.​

 

[أم لوله]

الله يسعدك ويوفقك بس هو ماعطاني كريم معاه بس التحاميل يصير أدخلها وإلا لازم بكريم
طيب وأدخلها على كبرها بعد ماأفكها من الكيس أعذريني حجمها يخوف

 

[" ام حمود "]

ماقصرت العضوة امريكان

 

[أم لوله]

فوق

 

[أم لوله]

--------------

 

[أم لوله]

خواتي بس أبغى أعرف هل أدخلها على كبرها بليز