استفسار عن تركيب الرموش الدائمه

[خجوولهـ]

السلام عليكم ورحمة الله وبركاته
شلونكم بنات
عندي استفساار مره وانا افتر بالمنتديات شفت موضوع عن تركيب الرموش وان مدتها 4 شهور ماادري 6 شهور
وان اذا تسبحت ماتطيح او تخرب بليز اللي عندها فكره او جربت تركب رموش دائمه تساعدني
ابي اسويها بالعيد وشنو احسن صالون يسوونها وبجم​

 

[بدوره الموره]

صالون كيمز بالسالميه يركبون ب 30 وكل اسبوعين صيانه .. الطريقه يركبون رمش رمش على حسب الي تبينه كثيف او خفيف وايد حلو
صالون المستشارة الصينيه

 

[خجوولهـ]

رد : استفسار عن تركيب الرموش الدائمه

بدوره الموره
مشكوره حبيبتي بس كم مدته
وبنتظار باقي البنات ابي معلومات اكثر وخصوصا اللي مجربينه بليييييييييييييز

 

[عاشقة بدر]

رد : استفسار عن تركيب الرموش الدائمه

مجربه ب شارمل عند لااته
والله من غير صيانه قعدوا ويااي 20 يوم لااعت جبدي وشلتهم بالغصصصب بالفازلين لووول
مع العلم دخلت فيهم حمام بخار لوول
سعرهم بحدود 20 او25

 

[بدور الكويت]

لاحول ولاقوة الابالله اختي حرام تركيب الرموش حرام بالمؤقت فمابالج بالدائم الله يهداج والي تردون عليهاااااااااااااا ليش تشجعونهااااااااااااااااااااااا

 

[أنفاسي دخون]

لا يحوشك رموش دائمه !!!!

اول شي حرااااااااااااام

ثاني شي لو ركبتيها اعرفي ان الرموش الاصليه بتطيح وتعالي عابلي عاد

لا تركبينهم نصيحه لوجه الله ومن ترك شي لله عوضه بخير منه

 

[om.googi]

انا مركبة رموش عند ام علي بالجابرية صالونها تخصص تركيب رموش وشعر بس ..
قوليلها أبي أنعم كثافة وطبيعي ابـ10د.ك وهذا اللي حطيته جني حاطة مسكرة ناعم اينن ..يقعد معاج شهر وماسويت صيانة شلتهم بالبيت والله يعينج اذا بتسوين مثلي انا بماي حار وعماة عين يالله انشالو نصيحة خليهم اهما يشيلونه لج .. وراح تقولج اذا خلصت من التركيب لاتقربين الماي الحار من عينج سواء غسلتي ويهج أو تسبحتي لأنه يطيح الرمووش بس صمغهم قوي..
واذا أول مرة تحطين الله يعينج اهي دموع وتحسين ان طبلة اذنج انسدت يعني بمثابة عملية بدون بنج ههههههههه لازم تهيئة بعدين تقولين بنات المنتدى ماقالولي عن هالبلاوي (يمكن تهونين) .. أأكدلج حطي الناعم حيل ولا تاخذين المكثف عينج راح تصير باربي مو شي..
موفجة .. هذا رقم ام علي 99593325
واذا تبين تسوين شعرج وتركبين لا تفكرين الا بأم علي .. وعامة لبنات منتدى كويتيات

 

[خجوولهـ]

رد : استفسار عن تركيب الرموش الدائمه

مشكورين اللي انصحوني ويجزاهم خير
ومشكوره حبيبتي om.googi ان شاءالله بشوف ام علي

 

[ريونه الحلوه]

انا سامعة جاك ديسانج يركبون :eh_s(7):

 

[سعودية تعشق الكويت]

طيب حبيبتي لو بجي عندكم واركبها لازم صيانه...؟؟؟

 

[الزين 85]

خجولة ماعندي فكرة والله ويازين الطبيعي احسن خصوصا العين حساسه وايد

سعوديه تحب الكويت اكيد هالاشياء يبيلها صيانه دوريه

 

[R'3wa-P!nKya]

انا ركبت صالون فيزيك الي بالسره وااايد كااان مرتب والي تركبلج خووش وحده وعندهم حبه حبه وعندهم قطعه كامله وانتي تختارين تبين خفيف ولا كثيف ولا تبين من جدام خفيف ومن الاطراف طوال تصيرين جنج لعبه
سعره 15 وشغلهم واايد حلو وعن تجربه