استفسار عن تنظيف الاسنان بالطبيب

[nadia_1st]

شلونكم بنات
ابي اسوي تنظيف اسنان وانا فيني فوبيا من تنظيف الاسنان فياريت تقولون ليي وين اروح اي عياده وفي الم او لأ والوقت يطول او لأ .

 

[يا ليل مطولك]

هلا حبيبتي

شوفي اتوقع مافي احد اكثر مني يخااف من طبيب الاسنان ومن عمر ما احب اروح لهم لان صارت لي عقده من دكتور وانا صغيره شلع ضرسي بغيت اموووووووووت

المهم ذاك اليوم شب علي ضرسي وبغيت امووووووووت وحاولت استحمل ما قدرت فرحت عيادة الميدان بصباح السالم الا طلع فيني عصب تخيلي المهم عالجوا والحمدلله والدكتور قالي لازم تسوين تنظيف لازم لازم !!!

المهم هو شافني شلون خايفه وجذي قالي خلي اخصائيه تنظيف تسويلج

رحت عند الرسبشن وخذيت موعد عند اخصائيه التنظيف آيرين فلبينيه فضـــــــــــــــــيعه ما شاءالله لا اله الا الله ايدها خفيفه وما تعور كلش وشغلها حلو ودقيقه

جد انصحج تروحين لها

آيرين وب الله يعطيها العافيه

وما تشوفين شر ان شاءالله

>> قرقره

 

[Om eL-3a9aGeeL]

وي بالعكس ليش تخافين من تنظيف الاسنان مافي عوار مثل ما انتي متصورة

بس عقب التنظيف اسنانج تصير شوية حساسة

انا سويت تنظيف بعيادة الخليج بحولي

ومادري اذا زين ولا لأ لأني ما جربت الا اهمه بالتنظيف

وعلى الوقت ماذكر بس مو 5 دقايق ولا اللي يطول وايد .. يمكن نص ساعة

توكلي على الله وسوي تنظيف وان شالله ماكو الا الخير