@@استفسار عن دبي؟!@@

[^^Rq8^^]

السلام عليكم ...

انا بسافر دبي بعيد الفطر الياي
و انا مو شايفة دبي من قبل و ابيكم تنصحوني بأي مكان عجبكم زوتوه هناك :eh_s(22):
بصراحة احنا محتارين اي فندق نروح ؟؟ ( اتلانتس و لا الجميرا بيتش )
انا عن نفسي افضل اتلانتس لان اللي مدحوها واااايد , شرايكم ؟
و شالفرق بين دبي و الجميرة ؟

شنو الاسواق و المطاعم اللي تنصحونا انروح لها
و اصغر واحد فينا عمره 16 سنة يعني ما نبي اماكن يهال

يلا بليز ابي اي رد سرييييييييع :eh_s(22):

 

[^^Rq8^^]

اسسفة حطيته بقسم غلط
اتمنى من الادارة نقله الى المكان المناسب (الاستفسارات السياحية)

 

[هنـــد]

حبيبتي كيفج اختاري الي تحبين سواء اتلانتس او الجميرا بتش

لو انا بمكانج اختار الثاني لان هادي وماكو زوار على مدار 24 ساعه

بالنسبه للفرق بين دبي والجميره ماكو فرق حبيبتي

الجميره منطقه داخل دبي تعتبر من ارقى المناطق بدبي واغلب سكانها الاجانب والفنانين ورجال الاعمال وانا واهلي مانسكن الا بفندق فيه لان نرتاح اكثر

الاماكن الي تستحق الزياره :

مجمع مول الامارات : فيه القريه الثلجيه

مجمع دبي مول : فيه النافوره الراقصه ويمه برج خليفه

مجمع ابن بطوطه

قرية الالبوم : فيه عشا عالبحر + عرض الدلافين (لايطوفج راح تستمتعون فيها حتى لو ما معاكم اطفال )

فندق اتلانتس اذا ماكنتو ساكنين فيه

المدينه المائيه الوايلد وادي فيه يوم مخصص للنساء يوم الخميس بعد الساعه 9

ورحله موفقه

 

[^^Rq8^^]

تسلم ايدج على الرد الكافي و الوافي
و ان شاء الله بالغالب راح ناخذ بنصيحتج
و فدتيني وايد

يالله بنات عطوني ارائكم عشان نأكد على فندق

 

[mhra_uae]

اطلانتس في نشاطات وااايد مثل السباحه مع الدلافين وغيرها
بس في شي كثييييير مهم وكثير ما يعرفونه
انه لو حجزتي في جميرا بيج رح يكون الدخول للوايلد وادي ل 2 كبار و2 صغار مجاني
مثلا الغرفه ثمنها تقريبا 1200 والتذاكر ل 2 كبار ب تقريبا 450 و2صغار ب 250 يعني كامل 700 كانكم سكنتو ب ب 400
واااايد مهمه هالنقطه اذا تبون اتروحون للوايلد وادي يوم الخميس للنساء وانصحج بقوووووه اتروحون
واذا انتوا رجال ونساء الرجال يروحون الظهر للساعه 8 المساء ووقت النساء يبدا من 9 اليى 12 منتصق الليل
واحلى شي تدخلون مدخل خاص يعني الطابور اللي بالعشرات اتمروووونه وعلى طول يدخلونكم

 

[^^Rq8^^]

ما قصرتي mhra_uae
احنا قررنا نروح شاليه بالجميره بيتش و افدتينا وايد بخصوص الوايلد وادي راح نروح الخميس ان شاء الله
و بالنسبة لاتلانتس بنروح لها زيارة يوم او 2 و ما راح نفوت شي باذن الله ؛*