استفسار عن رواتب المهندسين ؟

[ميلانية]

السلام عليكم

حبيت اسالكم ..

المهندسة اول ما تشتغل جم يكون راتبها ؟ و شلون يزيد بعدين ؟

وهل كل تخصص راتبه غير ؟ ( مدني ، بترول ، معماري ،، كيميائي .. الخ )

و شنو اسهل تخصص بكلية الهندسه ؟

و انشالله تفيدوني و ثانكس ؟

 

[جوكاندا]

سلام
ان شاء الله رح أفيدج

بالنسبة لتخصص المهندسين ما تفرق كلش
وأول ما تشتغلين رح يكون مسماج الوظيفي مهندس مبتدئ سواء مدني معماري ميكانيك حسب دراستج بس الراتب نفس الشي
رح أفيدج بتفصيل الراتب

260 راتب أساسي - الدرجة الرابعة أول المربوط
190 علاوةاجتماعية
195 كادر المهندسين
120 تشجيعية
205 بدل طبيعة عمل
50 دعم مالي
120 غلاء معيشة
وبعد شهر زيدي بدل موقع 100 دينار
وحسبي حسبتج يعني جمعيهم
وبعدين خصمي منهم التأمينات بنسبة 7.5

وبالتوفيق

 

[miss_whitemocha]

حبيبتي ما قصرت الأخت جوكاندا.. وبالنسبة حق التخصصات..طبعا التخصصات كلها مو هينة و يبيلها مجابل،، بس الأسهل أهوا تخصص الهندسة الصناعية،، جامع بين إدارة الأعمال و الهندسة،،والأصعب الميكانيك و الكهرباء..بس الحلو فيهم إنهم مطلوبين بكل مكان و كل وزارة..انا تخصصي ميكانيك و قطوني مكان ماله علاقة بالميكانيك..هالتخصص مثل الجوكر وين ما تقطينه يمشي..و بعدين ما تتأخرين كلش بالديوان..انا قبلوني خلال 3 أشهر و أختي مسكينة هندسة صناعية صارلها بالضبط سنة و شهرين مقدمة وللحين ما نادوها..يعني حاولي تحسبينها صح..تخصص سهل و مجال عمل محدود..أو تخصص صعب بس بكل مكان يمشي!! موفقة يا حبيبتي وربي يكتبلج اللي فيه الخير إنشالله.​

 

[ميلانية]

اهااا ..

مشكووورين عالافاده و ما تقصروون وانشالله يا رب يصصير اللي فبالي ..

 

[q8tyah]

اتوقع تعيين جديد ١١٠٠ وشي بس ماشءالله مع تدرج السلم الوظيفي زياداتهم قويه

 

[طالبة1990]

يفرق من مكان لي الثاني

حتى بنفس الوزارة الوحدة ونفس التخصص يفرق المعاش من ادارة ومن موقع لي الثاني

متوسط معاش المهندس المبتدئ ١١٠٠ لغير المتزوج

 

[ميلانية]

اوكي شكراا جميعاا ..

.. بس بغيت اعرف شلون ينتقل من مهندس مبتدئ الى مهندس الى مهندس اول الى اختصاصي .. الخ ؟ يعني كل جم سنه ؟

يا ليت تفيدوني .. و ما تقصرون

 

[طالبة1990]

من مبتديء الى مهندس سنتين


بس مادري اذا الكل ينطبق عليهم

واحد من الاهل كان مهندس مبتديء بالكهرباء

هالسنة صار مهندس وصار له سنتين من توظف

عاد مادري اذا في شروط معينة او مرتبط بالاعمال الممتازة

*

 

[ميلانية]

اهااا مشكووورة اختي و ما تقصرين ..

 

[ام _خلودي]

اي حبيبتي الكادر من شروطه امتياز

 

[ميلانية]

اهااا .. !!