استفسار عن سدني ...

[al-fad3h]

السلام عليكم جميعا ....
بإذن الله بروح الى سدني بتاريخ 6/30 ولمدة 4 ايام ابي بعض الاستفسارات ( اول مره اروح الى استراليا ) ..
* انا ساكنه في شقق فندقيه ( oaks Goldsbrough ) يكون في شارع pyrmont street ,Ultimo243 ....
* حابه اعرف افضل واسهل طريقة التنقل من الفندق الى الاماكن السياحيه ( باص - تاكسي - قطار)
* ابي اعرف الاماكن السياحيه تستاهل العنوه علما انه معاي زوجي و اعيالي 8 و 6 سنوات.
*اتمني تزودوني بعناوين الاماكن السياحيه والوصول اليها .

شكرا لكم ... *

____________​

 

[al-fad3h]

اشدعوه معقوووول ما في احد سافر استراليا ولا حتى له خلفيه عنها ,,,
شكرا على دخولكم ومشاهدتكم للموضوع ...​

 

[fat]

هلا حبيبتي توني اشوف موضوعج انا العام رايحه استراليا وبرحت سدني تقريبا 4 ايام شوفي انا سكنت في فندق شيراتون فوربوينت كان موقعه وايد حلو يطل على المارينا يعني توقفين بالبلكونه وتشوفين اليخت جدامج وايد حلو وسدني وايد باردة ودي كوتات لا تنسين ويمج كل شي بشارع هاربر في كل شي الاكواريوم لاتطوفج اكبر اكواريوم بالعالم وتفتح من 9 الي 5 يمكن والي يمه wild life هم مكان اينن حق عيالج وفي عبارة كل ثلث ساعه توديج مكان للاوبرا والاوبرا يمها مجمعات ومطاعم وكافيهات
وفي رحله بلو ماوتن لا تطوفج هل رحلات انصحج فيهم في بنفس شارع الهاربر في الاي ماكس وفي مجمع المطاعم مطعم علي بابا في بيتزا وفطاير وحتى البقلاوة تلقينها ولا تطوفين برد استراليا وايد لذيذ واي شي حاضر

 

[فرحه عمر]

اهلين اختي من زمان عن المنتدى
سيدني على فكره بااااااااااارده جدا بهالوقت يعني حطي حسابج جاكيتات وخصوصا اذا بتروحون للهاربر او الاوبرا هاوس لانه على بحر وشي طبيعي يكون بارد
سيدني عندج البلوماونت وهو نفسه رحله الاخوات الثلاث انا رحت لها من زمااااااااااااااااااااااااان قبل 11 سنه عن طريق مكتب سياحي والسنه اللي فاتت لما رحنا اختي راحت بروحها مع اخوي بس عن طريق قطار وعقبه باص وقصه ماتصلح للي معاه يهال بس الرحله حلوه ذا عن طريق مكتب سياحي واختي تمدح مكان فيه مثل البيت الصغير عباره عن مصنع ككاو متواضع وعندهم هوت تشوكليت مو طبيعي حتى طريقه تقديمه وطريقه اللي يسونه فيه والطعم خيااااااال
وفي سيدني زو حديقه حيوان للامانه مارحنا لها لانه رحنا بجولد كوست
بس القعده بالليل على شارع الاوبرا هاوس صوب الكافيهات مو طبيعيه بالليل ونفس الشي في منطقه قريبه منها اسمها الروكس بس حلوه للتمشي والديره امان
بخصوص التنقلات انصج وبشده تاخذين المونوريل ارخص واوفر واونس بوايد وتجربه ماراح تنسونها وهو عباره عن قطار معلق وفيه محطات واحلى مافيه انه عباره عن حلقه مغلقه يعني مايتفرع ولا تخافين تضيعين نهائي وكل محطاته ينزلج فيها للاماكن المهمه او اللي تستحق الزياره مثل الدارلينج هاربر وعباره عن مجمع صوب المارينا وصوبه بعد الاكواريوم اللي قالت عنه الاخت قبلي وممكن يوديج صوب التشاينا تاون وعندهم سوق اسمه بادي يمر عليه المونوريل يونس مثل بسطات بس مو مكشوف لاء مثل الصاله المغلقه عندهم بس له ايام معينه بالاسبوع فالافضل انج تسئلين عن الايام اللي يفتح فيها واسعاره مناسبه ومتفاوته
فانتي شوفي شنو اقرب محطه للفندق عشان تروحون له وترجعون وتقدرين تاخذين تذكره عائليه لمده 3 ايام ارخص ومو بالضروره تكون 3 ايام متتاليه لانه كل يوم تمرين على المحطه يكتب التاريخ عشان بس يعرف جم مره ركبتي يعني السالفه سهله ومرنه وبخصوص اذا بتروحون بالليل حق الاوبرا هاوس يفضل تسئلين لانه المونوريل مايودي لكن ممكن عن طريق وحده من المحطات تاخذين قطار ثاني يوصلج لها
وتحياتي

 

[fat]

نسيت اقولج ان الاكواريوم والوايد لايف والاي ماكس والمطاعم كلهم يم بعض وتروحين لهم مشي