استفسار عن شارع الحب؟؟؟؟؟؟

[روزاان]

السلام عليكم يا أحلى كويتيات وأحلى شعب
الصراحة الكوييييييييت عشق لا ينتهي:eh_s(22):

فدونها وفديت اهلها

ابي استفسر عن شارع الحب وشارع المطاعم
ودي اروحهم ممكن مريت منهم بس ماعرفت اساميهم
طبعا عشان كثير اسمع بالمسلسلات:eh_s(22):

وكمان انا نظامي كل شهر أجي الويك اند
اروح السوق مطاعم سينما وبس
ابي اروح اماكن حلوة وماهمني تراثية اي شي:eh_s(15):
طبعا رحت الاكوايوم والأبراج والمباركية
ومشكوووووووورين
:eh_s(7)::eh_s(7)::eh_s(7)::eh_s(7):

 

[! بــدويه وآآيــد !]

،


هههههههههه شارع الحب شارع عادي قبل لاتدشين الخليج صوب البلاجات ومافيه زود بس زحمه ع الفاضي لوووووووول
وشارع المطاعم شفتي مستشفى السيف دخلي دخلته كله مطاعم ووبس

 

[FJ style]

شارع الحب اسمه الدائري الثاني
ينتهي عند بنيد القار وبعده البحر

المطاعم عند الاشاره اللي بشارع البلاجات

سئلي اي كويتي حتى الصغار يعرفونهم لووول
ما فيهم شي غير المغازل والشباب والازعاج

اماكن ثانية عند يوم البحار وايد حلو خاصة بهالجو
عندج مطاعم البدع كافيهات حلوة
حديقة الشعب خوش ملاهي
عموما ماكو ذاك الزود اماكن غير هاللي قلتيهم وقلناهم

 

[روزاان]

عند مستشفى السيف يووووه دايم نروحة

وبنيد القار سكن هناك بفندق البيت الثاني
مااااااااااااااااااااااره شوكراااان

عاد يا كبني للقافة

فديتكم وفديت ديرتكم

 

[اميره1980]

شارع الحب اسمه مو جذي
بس الشباب طلعو عليه هالاسم لان كله تحرشات و مغازل و قله ادب لا تروحين
و هالشارع يتسكعون فيه و رايحين و رادين من غير سبب غير المغازل
بالنسبه حق شارع المطاعم كله مطاعم ديك اوي ما فيه قعدات و هم بعد فيه مغازل و قله ادب
روحي للمولات احسن و اهون من هالشوارع

 

[روزاان]

مشكووووورة يا حبيبتي

 

[krkooora]

ههههههههه عجبني انج مركزة على اسامي الشوارع عندنا

بس ترا شارع الحب اهو اسمه بالاساس الدائري الثاني
و سبب تسميته شارع الحب يرد حق فيروز اول حفلة لها بالكويت
كانت مارة بهالشارع وشافت واحد بالسياره يمها عجبها مادري شلون السالفه خزها و خزته و بده الحب ههههههههههههههههههه
و صرحت هالتصريح بالاعلام و عاد شبابنا ماصدقو على الله و ترا من سنين جذي نسميه

 

[semaasem]

شارع الحب سمعت كلام وااايد على سبب تسميته بالحب قصص وسوالف منها يقولون ان قبل هالشارع ماكان فيه ناس وايد فكان ملتقى العشاق يكون فيه وخرابيط وايد بس راحت عليه الحب وهو اذا انتي عالبحر شارع الخليج العربي عند مطعم فرايديز تلفين وتكملين سيده بالبداية راح تكون الدسمة على يمينج والدعية على يسارج وكملي سيده هذا الحب

شارع المطاعم الشارع اللي فيه مستشفى السيف وطبعا اكيد لانه كله مطاعم بعد مايبيله

وحياج الله

 

[سمو]

اللهم صل علي محمد وال محمد

اولا بخصوص شارع الحب ..... كل السوالف اللي طلعت بخصوص تسميته كلها قصص ..مو حقيقيه

اولا شارع الحب الشباب اللي يفترون سموه شارع الحب .... اغلب الشارع بنات وشباب لانه يطل علي كليات الجامعه والتطبيقي (الشاميه ،كيفان ) واللي حواليها .


المهم شارع الحب كان امتداده من المنصوريه الي الشاميه .....الحين بالوقت الحالي صار من الدسمه الي الشاميه ....مافيها شي ....غير زحمه المغازلجيه من الطرفين .... وتفتر فيه سيارات كشخه

بخصوص شارع المطاعم ....من دخلة مستشفي السيف وانتي بشارع البلاجات ..... كله زحمه وشباب شلج فيه