استفسار عن عمليات اطفال الانابيب بمستشفى الصباح ...

[باقة ورد]

السلام عليكم بنات
ابي اعرف من البنات اللي يراجعون بمستشفى الصباح..اذا فتحت لي ملف الحين تقريبا اشكثر يبيلي وقت حتى يحطون لي موعد حق اطفال الانابيب ؟؟سنوات؟ ولا اشهر ؟مع العلم ان عمري 39سنه يعني مو صغيرة...واشون طريقة مراجعاتهم طواله واذية ولا عادية مثل الخاص؟؟؟

عفية بنات ردوا علي...الله يرزقكم بالذرية الصالحة يارب

 

[ربي ارزقني بيبي]

شوفي حبيبتي اهو اطواله بس ميخالف نطرتي هلسنين ماتنطرين جم شهر وعلي نتيجه حلوه كل الي راحو الصباح احملو بعد مشيئة الله
ميخالف صبري عشان البيبي
اول مره تروحين اتودين معاج بطاقتج المدنيه انتي و زوجج وعقد الزواج ولازم ياتحويل مستوصف او تقرير عن حالتج بدكتور الي كنتي اتراجعين عنده بالخاص وبس يفتحولج ملف ويعطونج اتسوين تحاليل
وتمشي الاجراءات
ميخالف روحي والله يرزقج يارب

 

[iLLuMinaTion]

انا مع راي البنات نطري وتحملي

 

[Q8_QT]

حبيبتي آنا راجعتهم شهر 2 عشان فتح الملف اتصلوا علي شهر 6 قالولي تم الموافقة وتعالي سوي تحليل انتي وزوجج تاريخ 6/27 رحنا وسوولنا تحليل دم وقالتلي تعالي وسوي تحليل ثاني يوم الدورة وعطوني موعد 7/28 حق مقابلة آنا وزوجي وقالولي ييبي كل التقارير اللي عندج وصور الأشعة وناطرة الحين تييني الدورة عشان اسوي التحليل والله كريم انتي روحي حبيبتي وان شاءالله خير والله يرزقج يارب

 

[راجيه الفرج]

الله يوفقج ماعليج بس بنصحج نصيحه

لاتنسين التوكل علي الله

 

[ازرع وهم]

اختي الله يرزقج انا اخيرا لجأت للصباح واللي عمرها فوق 35 يستعجلون عليها حتى لو قالت لج موعدنا بالاشهر ماعليج اخذي موعد عند الدكتورة رائدة وراح تبلش فيج على طول

انا فتحت ملف وعطوني موعد بعد اسبوع ولمن راجعتهم عطوني تحاليل لي ولزوجي وموعد خلال شهر

المهم بعد الشهر قابلت الدكتورة منيرة بالغرفة اللي قبال المختبر بعد ماشافت التحاليل قالت اخذي موعد عند البنات فوق وتوقعي موعدج للعملية شهر يناير وانا كنت بشهر ابريل بصراحة تضايقت بس اخذت موعد عند الدكتورة رائدة اول مايو ومن دخلت عندها عطتني كورس 3 شهور بيبي اسبرين للاجسام المضادة ( شهر مايو يونيو يوليو ) وثاني يوم من دورة شهر اغسطس اراجعهم وابتدي بخطوات العملية


انصحج رغم روتينهم الممل كملي لاني بصراحة اول مرة اسوي تحليل اجسام مضادة وتوني اكتشف ليش الجنين ينزل بعد اسبوع من عملية اطفال الانابيب


عموما الله يرزقج ويرزق الجميع

 

[باقة ورد]

مشكورين وايد على الردود ...والله عطيتوني امل اني اتعالج بالحكومة لاني قطيت كل فلوسي عالخاص وكله ببالي ان مواعيد الصباح بالسنين .وانا مو صغيرة حتى اضيع بعد سنين بانتظار الدور .الله يرزقكم يا بنات من اوسع ابوابة ...اميييييييييييييييييييين
بس عندي سؤال ثاني اشلون مواعيد المراجعات مالتهم يعني لازم اروح الصبح مبجر و انطر بالساعات؟؟؟وويكون الوضع فوضى حال المستشفيات الحكومية ولا اشلون؟؟؟

 

[أغصان]

قوه بنات بعرفكم بنفسي للي مايعرفوني انا متاخره بالحمل 11 سنه وسويت 3 مرات اطفال انابيب بالخاص فاشله الحمدالله
انا طريقتي اخذت تحويل من المستوصف على مستشفى العدان لاني بالمنطقه العاشره وراجعت بالعدان 3 شهور سوولي من
خلالها عملية منظار للانابيب وسونار مائي وتحاليل وبعدها عطوني تحويل لاطفال الانابيب بالصباح والحمدالله فتحت ملف وسوولي
تحاليل وسونار وتحاليل لزوجي وخيروني اي دكتور ابي واخترت الدكتوره رائده ( الله يوفقها يارب ويجزاها خير ) وبعد المقابله
قالتلي ماينفع بحالتنا الا الحقن المجهري لان الضعف بزوجي شديد ( كنا بشهر 1يناير 2009 ) وعطتنا موعد للعمليه
في شهر 9 - 2009
طبعا قبل العمليه بشهرين نراجع عندهم علشان السونار والعلاج والحمدالله الله يسرها بعد ماتاجلت عمليتي الى شهر 12
بسبب جهاز سحب البويضات كان خربان وكنت وقتها برمضان ادعي ربي وانا ابكي بصلاة القيام لاني تعبت
( لاني اطق ابر مرتين باليوم لمدة اسبوعين واخر شيء طلع الجهاز خربان واجلوها )
والحمدالله ربي عوضني في رمضان 2010 صار معاي احلى توام ولد وبنت ماشاءالله الله يحفظهم يارب ويصلحهم
والدكتوره اللي سوتلي العمليه منيره العدواني جزاها الله خير

واي سؤال انا حاضره

 

[الأميرة جوري]

الله يرزق كل محروومه يارب

 

[أغصان]

حبيبتي باقة ورد
بالعكس المستشفى مو زحمه واغلب مراجعاتي تكون فاضيه
وانا كنت اجيهم الساعه 8 او 9 الصبح

 

[باقة ورد]

شكرا بنات الله يوفقكم دنيا و اخرة و الله تشجعت واااايد اني اراجعهم مع اني وايد كنت مستصعبة اروح لهم خاصة ان مواعيدهم الصبح و انا دوام بس بتوكل على الله و بروح المستوصف اخذ تحويل و الله يسهل لي باجي الاجراءات....الله يرزقكم التوائم الصالحين المعافين و الله يحفظ توائمج يا اختي يا اغصان و يعطيج اخوان لهم يااااارب

 

[باقة ورد]

اختي اغصان ممكن تشوفين الخاص

 

[AVE.NJ]

انه انصحج لاتنطرين انه صج مثلج حملت بنفس العمر بس عقب عمر وانه اعاالج
ترا بعد35 صعب يصير
بس الله رحيم
االهم يرزقج الذريه الصالحه

 

[استغفار]

انا بعد ودي اروح لهم بس ما كنت اعرف اذا يقبلوني بسرعه اللي اسمعه ان مواعيدهم تطول
ربي يرزقج يا غاليه ..

 

[*عهد*]

سؤؤؤال
انا عندي اطفال بس بعدهاا صارلي مشكله في موضووع الحمل ضروري طفل انبوب
يصير اسوي عندهم ولالا ؟
من شروطهم ان تكون مااسبق له الانجااب ولالا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظظ

 

[درة أهل الطولات]

روحي خاااااااااااص ليش تضيعين وقت

 

[درة أهل الطولات]

قوه بنات بعرفكم بنفسي للي مايعرفوني انا متاخره بالحمل 11 سنه وسويت 3 مرات اطفال انابيب بالخاص فاشله الحمدالله
انا طريقتي اخذت تحويل من المستوصف على مستشفى العدان لاني بالمنطقه العاشره وراجعت بالعدان 3 شهور سوولي من
خلالها عملية منظار للانابيب وسونار مائي وتحاليل وبعدها عطوني تحويل لاطفال الانابيب بالصباح والحمدالله فتحت ملف وسوولي
تحاليل وسونار وتحاليل لزوجي وخيروني اي دكتور ابي واخترت الدكتوره رائده ( الله يوفقها يارب ويجزاها خير ) وبعد المقابله
قالتلي ماينفع بحالتنا الا الحقن المجهري لان الضعف بزوجي شديد ( كنا بشهر 1يناير 2009 ) وعطتنا موعد للعمليه
في شهر 9 - 2009
طبعا قبل العمليه بشهرين نراجع عندهم علشان السونار والعلاج والحمدالله الله يسرها بعد ماتاجلت عمليتي الى شهر 12
بسبب جهاز سحب البويضات كان خربان وكنت وقتها برمضان ادعي ربي وانا ابكي بصلاة القيام لاني تعبت
( لاني اطق ابر مرتين باليوم لمدة اسبوعين واخر شيء طلع الجهاز خربان واجلوها )
والحمدالله ربي عوضني في رمضان 2010 صار معاي احلى توام ولد وبنت ماشاءالله الله يحفظهم يارب ويصلحهم
والدكتوره اللي سوتلي العمليه منيره العدواني جزاها الله خير

واي سؤال انا حاضره

ربي يخليهم لج

 

[باقة ورد]

مشكورين البنات اللي ردوا تسلمون والله و اللي تقول لي روحي الخاص انا سنين اتعالج عندهم وبغيت اجرب الحكومة....الله يرزقكم بالذرية الصالحة عاااااااااااااااااااااااااااااااجلا غير اجلا ياكريم

 

[أغلى حلم]

بنات اللي ما تحمل الا بعملية انبوب و عندها ياهل تقدر تتعالج بالصباح و يسوون لها العملية؟

عفية اللي عندها فكرة لا تبخل بالاجابة ؟؟؟

 

[استغفار]

للرفع ,,

انا حولوني الصباح وفتحت ملف وسويت انا وزوجي تحاليل وعطونا مقابله بعد شهر يعني الاحد الجاي
ابي اعرف شنو باقي الخطوات ؟؟؟