استفسار عن لبنان

[BASKOTA_BL_3SAL]

بنات احنا حاجزين لبنان على تاريخ 22-6 مادري اكنسل ولا لاء


ناس اتقول الاوضاع مو ذاك الزود وناس مسافره ياريت تشورون علي اكنسل

ولا اتوكل على الله واسافر :bbbiu:

 

[BASKOTA_BL_3SAL]

وعلى فكره رايحه مع اليهال عند رفيجتي بلبنان يعني بسكن عندها

 

[هنـــد]

عادي حبيبتي توكلي على الله

ماكو شي ان شاء الله

بس صلي صلاة استخاره قبل سفرتج

 

[حلاتي غير]

انا مثلج محتاره وناويه علي لبنان بس يقولون ماتطمن الاوضاع

 

[بنت النوخذا]

شوفي المناطق الجبليه

ما لها غير السياحه البحته
يعني بو حمدون و عاليه و حمانا

عندج الشمال حلووووووو ما في خليجين وايد
طرابلس و بكفيا ......
(( اغلب الكويتييين بو حمدون ...... اغلب السعودييين عالــيه ))

ماااالهم شغل في الناس اللي تحت الجبل صوب
بيروت و ضواحيها و جزء من بعــــبده
اهي اللي فيها النزعات و اللويه
اهم شئ انكم لالالا تختطلون بالشعب لانه ثائر
و دير بالكم من الشانزلزيه مع اني ما اعرف شنو وضعه بس اكيد بيكون لويه

 

[ريم لبنان]

ما في الا الخير اختي توكلي على الله

 

[نوراامينا]

وانا بعد حاجزه وباذن الله بروح مع عيالي وبصراحه خااايفه بس راح اتكل على الله واروح ما اقدر اكنسل و انشاء الله الاوضاع الامنيه تستقر اكثر ويمر الصيف بدوون مشاكل يارب

 

[عاشقة بحمدون]

حبيبتي لا تستعجلين الوضع يخوف

 

[N0oNa]

انا الوالد توه راد كل شي مستقر
و رايحه انشالله 20-6

 

[شيخه_البيض]

توه أبوي راد يقول الأوضاع مافي احسن منها وحجزنا بنروحلها بالصيف

 

[KOKO_284I]

حماتي توها راده والحمدالله الاوضاع تمام

وانا راحه بعدج باربع ايام

وعندي ناس اهناك ماكو شي باذن الله وعشان اطمنج باسوا الحالات لو يصير شي راح يصير بالجنوب يعني بعيد عنكم هذي اسوا الحالات

بس الامور كلها تمام انشالله

 

[one two 3]

شوقتوني





ابي ارووووووووح عيزت احن علا ابوي بس مو راضي ((((((((((((((((

 

[sweet heart]

حددده موضوعج يهمني لان نفس حالتج حاجزين تاريخ 23-6 وانا شوي خايفه..
شوفي وايد من اهلي رايحين على فترات الايام اللي طافت يقولون الوضع مستقر حمدالله ..
انشاءالله ماكو خووووف والله يستر

 

[ريم لبنان]

الوضع مطمن ما في الا الخير اخواتي

 

[أم محمد وريحانة]

الوضع الحين زين بس ما تدرين شيصير أستخيري الله أحسن ​

 

[Miss-LuLu]

انا حاجزة 20-6 انشالله وماكو خوف

والي كاتبة الله بيصير

لا تخافين حبوبة بس صلي استخارة

 

[احاسيسي]

انشاءالله ماكو الا الخير انا بعد بروح مع عيالي

29 _6 واللي كاتبه ربي بيصير بس توكلي على الله

 

[عاشقة بحمدون]

هلا بنات احنا عندنا شقه في بوحمدون وكلمت جارتنا تقول ماكو احد اللي ييون شةيه وماكو حركة والسوق وما يبطلون الا الساعة 2 الظهر عكس أول من العشر الصبح مبطلين ماكو حركه ولا سياح انصحكم تهونون احنا عندنا سكن ومهونين مو رايحين خايفين يصير لنا مثل 2006 بعدين وين نطلع سوريا مسكر حدودها ولا فيها مظاهرات وعفسه اقولكم استخيروا والا روح اوروبا قلنا والا ماليزيا احسن من لبنان لان الوضع مو امن بأي لحظة تصير حرب وكيفكم .

 

[بنت النوخذا]

مشكوره عاشقة بوحمدون

اوووف الي هذي الدرجه بوحمدون صارت
عاد اهي احسن و اامن منطقه للسواح الكويتين و السعوديين
الله يســـتر ديرو بالكم لا تتكررر سالفه 2006

 

[MaZyOoOoNa]

لا ماكو الا العافيه وايد زحمه بالعكس اصلا ماكو حجز