استفسار عن معارض الحريم

[حزن الهدير]

الــسلام عليكم

بنات بغيت أسأل عن معارض الحريم الموجودة حالياً
لأني أبي أفصل بدل ومحتدة حددددي

أنا عروووس الله يخليكم ساعدوني لا تنسون اختكم
ومشكورين حبيباتي أدري ما تقصرون
​

 

[ديناا كوليكشن]

حياج الله عندي

 

[مس فاشن]

اليوم مريت جمعيتنا
ولا في معرض بصالة من كسب يدي
اخذتلي دراعه حلوه منهم
وشفت شغلات حلوه
الصاله يم الجمعيه بالضبط

 

[حزن الهدير]

حياتي مس فاشن

وين صايرة جمعيتكم بأي منطقة حبيبتي

 

[ريماس21]

واجد المعارض مبطله الحين


روحي الرقعي او الهلتون او الروضان كلهن. مبطلييين الحين روحي اخذيلج فرره


والله يوفقج

 

[حزن الهدير]

ريماس

حبيبتي الله يجزاج خير يا قلبي
بس هذيل الثلاثة رحت لهم وسنترت عندهم بعد
ابي معارض ثانية
مو مشكلة اذا بالديرة او بالمنطقة الرابعة بس الجهراء لا >> اصلا محد بيوديني هناك

ومشكورة يا قلبي مرة ثانية عالرد​

 

[_LaNa_]

في معرض بالقرين وحده تييب ملابس واكسسوارات من اسبانيا كل ثلاثاء واربعا
شغلها كله جاهز وايد حلو
اشوف العنوان واردلج خبر

 

[Red_RoOos]

في معرض بمنطقه القيروان بس للاسف ما ادله