استفسار غريب عجيب

[ياعيون مغليك]

السلام عليكم
شلونكم ياابنات
يااابنات انتو مثل مانتو عاارفين انا شايله الرحم والحمدلله بعد نزيف اثنا الولاده قبل سنتين
شالو بس الرحم يعني المبايض موجوده وعنق الرخم موجود..

خلال هالسنتين صارلي 3 مرات تكيسات عالمبيض 2 تكيس دم وواحد كان كيس ماي
كيس الماي راح مع الادويه اما كيسين الدم لازم تدخل جراحي وسويت العمليتين عند الدكتوره عاليه الفضلي والحمدلله


يعني جربت التكيس واعرف انه يلعب بالنفسيه وتقلب نفسيتج فوق تحت وماتتحملين اي كلمه
بس هالمره يابنات اللي صاير فيني شي غريب

قبل اسبوعين حاشني الم فضيع بظهري وحكه شديده ولاني مااعرف الفطريات ولا عمري جربتها مارحت الطبيب
استمرت الحكه خمس ايام ورحت لصيدليه عطاني كريم وقال هذي فطريات حطيت الكريم بليل ومن باااجر قمت تسبحت وبعد ماطلعت والا احس بشي ينزل
شي جااااف حيييل
تخرعت
رديت الحمام والا اللي نازله قطعه بيضا مغلفه وداخلها شي ابيض شكلها يخرع كأنها كلينكس ملفوف او شي
ركضت للمستشفا وبعد الفحص قالت هذي فطرياات قويه
اخذت ادويه وكريمات وتحاميل ورديت

المهم الحين لي 5 ايام من اخذت العلاج
احس بضربات بالمبيض اليمين ضربااات قويه
والم الظهر ماخف كلش
والافرازات هاليومين زاايده معاي حيييل
ودوووخه غرييبه وانا امشي احس بيغمى علي مااشوف الطريق
كله بنام مالي خلق اتحرك ونفسيتي شينه والله حتا علا بنتي وحيدتي قمت اصارخ وبسرعه اعصب
وانتو بكرامه البوول زاايد عندي على طوول حسراانه وفيه نغس الرغوه

والله تجننت مدري شنوو هالاعراض هذي كلها
لا وازيدكم من الشعر بيت كرهت شقتي اشم فيها ريحة شييينه واكلي وشربي صاار حليب المراعي وابو نجووم احس اللي غيرهم مالهم طعم

 

[7aw7aw]

Up
Up
Up

 

[موني^حبيبي]

ماعرف بس ارفع لج الموضوع

 

[الزيـــــ^^ـــــن]

خاف حامل حللي،،،،،،؟!!

 

[إباء الروح]

يابعد عمري
والله ماادري ..شقولج
بس الله كريم ..
روحي المستشفى مرة ثاانية وشيكي ..شوفي الوضع وطمنينا ..
اجر وعافية

 

[حنان1983]

روحي المستشفي مره ثانيه وان شاء الله ما عنج الا العافيه وطمنينا حبوبه

 

[ايام وردية]

ياحياتي روحي تطمني بالمستشفى وعلمينا

 

[lovemyself]

قلبي عورنى عليج بعد عمرى
بقولج انتي رحتي احد يقرا عليج؟ جربي تقرين البقرة
بنفس الوقت روحى تابعى عند طبيب
وطمنيننا عنج امانه

 

[النجاح هدفي]

ياا قلبي روحي المستشفي لا تخلين نفسج

واقري سورة البقرة

 

[ياعيون مغليك]

جزاااكم الله خير
رحت المستشفا قاالو تعالي بعد ماتخلصين التحاميل
عاد انشالله السبت الصبح برااجع عاليه وانشالله خير
والله عوااار ظهري كأنه مغص
الله يستر

 

[الدلال]

الله يشافيج يارب
ان شاء الله ماكو الا العافيه

 

[دفاء]

كأئن بشري مو بنت !!!

 

[رماد وظل]

الله يشفيك حبيبتي ..

طمنينا عنك وماتشوفين شر ..

 

[ضحكتني]

الله يرفع عنك يارب

 

[هيبة ملك]

ماتشوفين شر ياقلبي
طمنينا عليج

 

[شنوووفه]

انشاءلله خيير رووحي الطبيب احسن :>

 

[عسل حدي]

رب لا تذرني فردا وانت خير الوارثين