استفسار للسنعات

[umfahad84]

حبيبات قلبى ياكويتيات ياسنعات احترت واحتار دليلي بالجناط اشلون ارتبهم بطريقه حلوه ومومنخشه ويكونون تحت عيونى ياعيونى كل ماحبيت اغير بيناتهم اغير بسهوله بدون معابل اوكسل فكرت وفكرت وفكرت مالقيت عندى حل فقلت ماالى الا الكويتيات فياالله عاد ابى فزعتكم واقتراحاتكم المبدعه بارك الله فيكم ياعسلات
:gathering:

 

[dalal]

هلا يا ام فهد.. انا بقولج على طريقتي الي مسويتها..

بالكبت مال الارفف مخصصتلي الرف الاول حق الجناط.. الرف مايكون فوق حيل ولا تحت يكون بمستوى راسي وانا واقفه جدااامه!!

ابيــه ماعرف اشرح !!.... المهم جناطي كل جنطه احطها بجيسها الخام عشان لاتغبر.. واصفهم كلهم يم بعض..

اما الجناط الصغيره او مالة المناسبات حطيهم بنفس الطريقه بس اب يرارات.. او ادراج وسيعه بيصير شكلهم مرتب وجدام عيونج ..


وفي طريقه ثانيه كنت استخدمها اول .. تعرفين رفوف النايلون ملوت ايكيا؟مو لصغار حيل ! لا الي مربعات فوق بعض

وايد حلوين اذا عندج كبت علاليق فاضي او فيه مكان .. كنت حاطتلي منهم اثينين يم بعض وبكل خانه احط جنطه او

جنطتين .. وشكله وايد حلو ومرتب ..

نفس هالصوره بالظبط :eh_s(6):

 

[اخت الغالي الغائب]

اخت دلاال كفت وفت وصاجه الرفوف اللي تعلق يهبلون حق كل شي

 

[cat_women]

انا عندي كبت صغيييييير بتواليتي
احطهم بس طريقة دلال حلوه

 

[umfahad84]

مشكوره دلول وصج والله خوش فكره هذه الارفف كانى باروح ايكيا علشان اشترى منهم وارتب جناطى قولى امين يعل السعادة جدامك ياعسل انتى والخوات السنعات اللى ردوا علي بس بعد ياليت تنطرح حلوة تنطرح متاثره بجو الانتخابات افكار جديده موتقليديه اخري

 

[dalal]

فدييييييتج والله يا ام فهد على هالدعوه الحلوه... اجمعين ان شالله

ايي وبس في شغله جربتها بس مارتحتلها ورديت على طريقة ارفف النايلون لانه ارتب وانظف وكلشي جدامج تشوفينه وبمتناول الايد ..

شريت هالعلاق الشفاف مال الجناط طلبته من النت بس تبون الصراحه مانسبني كلش لانه ظيج واغلب جناطي كبيره ولا عريظه تكون..

او مثلا يلد يابس يعني ماتتصفط وتندعس فيهم ولما اقلقص جناطي يصير شكله مو حلو متفخ من كل صوب .. يعني هالعلاق يبيله جناط صغيره ومسطحه ..

فطاح بجبدي جان استغله بطريقه اخرى وحطيت فيه الشراشف لووووول صار ارتب
هاذي صورته من النت :

بس يمكن يصلح حق الي جناطها نوعيتها تتصفط او صغيره :eh_s(6):

 

[مغيب الشمس]

اي والله انا مارتحت الا لما حطيتهم بالعلاقه الخام صاروا مرتبين وتقدرين تختارين منهم وانا شريته من وحدة بالمنتدى ويتسكر من جدام بسحاب علشان تحافظ عليهم من الغبار وكل شيء ومعلق بالكبت

 

[استقلال الحلوه]

مشكورة اخت دلال انشالله تكون وفت وكفت واستفتي من المعلومة

 

[اخت فروحه]

انا نفس دلال

 

[james546613]

بس لازم يكون شفاف ولاترى تنسون الي عندكم -ومشكورين على الافكار