استفسسسار ارجو الدخوووووول للضروره

[إليك المشتكى]

السلام عليكم ورحمة الله وبركاته ..


انا عضوه جديده انضميت بعد اعجابي بالمنتدى وبتعاون عضواته ’مالكم بالطويله ...

انا اعاني من جنف العمود الفقر ي ( الجنف هو انحراف العمود الفقري بصوره غير طبيعيه الى احد الجانبين )
ودرجة الاعوجاج عندي 58 درجه مزدوج على شكل حرف S سؤالي هل حالتي تعتبر اعاقه والا لا ؟ لان البعض يقولي اعاقه وبعض لا ؟ فأنا محتاره اللي تعرف بليز تجاوبني ومشكووورين يا احلى كويتيات ..:blueSmCLR:

 

[مباركيه]

وعليكم السلام والرحمة

حياج الله بيينا وان شاء الله تلقين الجواب اللي تبينه

وانا ودي ابدي رايي بحالتج بالنسبة لسؤالج ان كانت تعتبر اعاقة أولا بصراحة ماعندي فكرة

بس أكيد انتي راجعتي الطبيب وتابعتي حالتج ...الدكتور المعالج ما أقترح عليج عملية لتسوية الانحراف

لأنه في ناس وااايد سوها والحمد الله العملية نجحت

 

[إليك المشتكى]

رد : استفسسسار ارجو الدخوووووول للضروره

هلا اختي مباركيه مشكوره على الرد يالغاليه ..
بلا الدكتور اقترح علي العمليه بس العمليه تخوف لانها بالعمود الفقري يعني موسهله واذا سويتها لازم اقعد شهرين صعبه حركتي يعني شايلتها من بالي ..

ياليت اللي تعرف ترررد علي ؟

 

[مباركيه]

ليش شايلتها من بالج انا عندي بنت اختي نفس حالتج بالضبط وكانت مترددة سنة وهي تفكر

والحين الحمد الله توها مسويتها تعبت اسبوع بس والحين صار لها شهر من بعد العملية الحمد الله حالتها وااايد احسن

واستوا العمود الفقري بس قالو لها ما تطول بالقعدة لمدة ثلاث شهور ...

اتكلي على الله وسويها وان شاء الله ما تشوفين الا العافية الطب الحين تطور ومن أتكل على الله سبحانه ما خاب

 

[إليك المشتكى]

رد : استفسسسار ارجو الدخوووووول للضروره

فديتج مباركيه على التجاوب مع موضوعي جزاج الله ألف خيـر..

شجعتني بتجرت بنت اختج وبخصوص العملية تعبت من التفكير وودي اسويها وماودي خايفه من المضاعفات !!

ثانكـيوو ياعسل

 

[مباركيه]

لا شكر على وااااجب...يا ريت أقدر أفيدج أكثر بس بصراحة

من أتكل على الله وفكر بالأمل وحذف اليأس من تفكيره

الله سبحانه يسهل أموره وانتي ان شاء الله ابدي بالاستخارة

وان شاء الله ما تشوفين الا كل خير ...

وما تشوفين شر ان شاء الله

 

[@شمس الضحى@]

الله يشفيج حبيبتي
وبركتناا ماقصرت كفت ووفت كالعاااااااده فديتهاا
ماقدر ازيد على كلامهاا

 

[الصابرة المحتسبة]

رد : استفسسسار ارجو الدخوووووول للضروره

هلا يالغالية

وجزاها الله خير الغالية أم أحمد كفت ووفت

 

[إليك المشتكى]

رد : استفسسسار ارجو الدخوووووول للضروره

مشكورين بنات ماقصرتوووو , بس انا سؤالي هل حالتي تعتبر اعاقه والا لا؟؟

 

[مباركيه]

رد: رد : استفسسسار ارجو الدخوووووول للضروره

ما عليكم زود يالغاليين

الصابرة المحتسبة وشمس الضحى

 

[مباركيه]

رد: رد : استفسسسار ارجو الدخوووووول للضروره

مشكورين بنات ماقصرتوووو , بس انا سؤالي هل حالتي تعتبر اعاقه والا لا؟؟

شوفي يالطيبة .... سؤالج هذا يقرره الدكتور اللي تراجيعنه أو اذا بتفتحين ملف بالمجلس

أكيد بيحولنج علشان اللجنة الطبية تقرر اذا حالتج تعتبر اعاقة او لأ ...ان شاء الله قدرت أفيدج

 

[إليك المشتكى]

رد : استفسسسار ارجو الدخوووووول للضروره

انزين اذا طلعت تقرير اعاقه راح يبقى معاي على طول العمر ؟
والا فتره معينه ويتجدد ؟ لان قالو لي يأثر على الوظيفه فأبي اتأكد ؟اذا يأثر مابيه
ومشكوره مباركيه ياني ازعجتج

 

[مباركيه]

ليش يأثر على الوظيفة لا ما أظن له تاثير


وهو يتجدد أكيد عند اي طلب تتقدمين له

وبعدين لا أزعجتيني ولا شي يالطيبة وأحنا هني نعين ونعاون