* استفسـار . . ضروري ياكويتيات

[{ M eem .. !]

السلام علييكم والـرحمه





أول شي انا جايه عندكم يومين
وهـذا ثاني موضوع انزله

اممم اعرف اسـامي المجمعات بس مادري فيهم جمعيه ولا لأ ؟ متوهقين صراحه ><
ابيكم تقولون لي وش اسامي المجمعات اللي فيهم جمعيه ؟

ومنتـزه الشعب متى يـسكر ؟
وبخصوص في أسواق اسعارها زينه ؟ خلوو مجمعات الماركات على صوب عارفتها =)

وغيير المدينة الترفيهية ومنتزه الشعب في مكان ترفيهي ثـاني نقدر نروحه ؟
أتمنى الـرد بسرعه لأن ماعندي إلا اليوم وبكرى والاحد راجعين ,​

 

[{ M eem .. !]

=(

للـ الرفع

 

[نووونتها]

هلا حبيبتي​

أول شي حبيت أسلم عليج وأقولج حياج الله بديرتج الثانيه
وبالنسبه للمجمعات اللي فيهم جمعيه روحي حبيبتي للأفنيوز لأن داخله كارفور وهم عندج شرق داخله مركز سلطان وباجي مجمعاتنا الحلوه مارينا والفنار و مجمع 360 هذا مجمع جديد عندنا وبالنسبه اذا كنتي تبين المجمعات اللي أسعارها زينه عندج الفروانيه بكبرها مجمعاتها حلوه وأسعارهم زينه
والنقره الشمالي اللي بحولي لبسهم حيييييل حلو وأسعار حلوه
وهم عندج دريم مول وماكس وسنتر بوينت هذول بالشويخ السعر رخيص والشغل حلووو
وموفقه ياقلبي :eh_s(6):

 

[{ M eem .. !]

^

اللـه يسلمج ويحيييج ^^
يعطيييج العافيه .. الحيين رايحه للـ الافينوز =) تسلميين

بس محد رد بخصوص حديقة الشعب متى تفتح وتسكر ؟

 

[hawraa]

اتوقع تفتح الشعب الساعه 5 العصر وغيره في حولي بارك بحولي ومرح لاند بفحيحيل وممم مادري اذا فيه اكثر

والمجمعات الرخيصة مم في وايد بالسالمية شكثر يعني جذي طقة اسواق شعبية

والنقرة لبسهم حلو ورخيص وومادري بعد

 

[المستقيمه]

انتو دايما تسالون عن الجلابيات اللي احنا نسميها دراعات

روحي العربيد ولا تخيطين اشتري من المعروض بعضهم عادي يبيعج المعروض عنده

واكشخي فيهم

وملبوس العافيه مقدما

اذا عندج اي سؤال انا حاضره دزيلي عالخاص

وحياج الله بديرتج

 

[tolay]

تبين الجلابيات ... روحي منطقة الفراونيه سوق العربيد بلازا ..... وسوق الحمرامول راح تلقين هناك

الاماكن الترفيهيه غير الشعب والمدينة الترفيهيه ..... حولي بارك بمنطقة حولي .... مرح لاند بالصباحيه

مجمعات فيها جمعيه ... الافنيوز ..... سوق شرق ..... الكوت


اسواق حلوه بس موماركه .... عندج سوق السالمية بمنطقة السالمية لون السوق وردي

عندج سوق النقره ... منطقه حولي

عندج سوق كويت ماجيك .... الفحيحيل

وايد اماكن

 

[tolay]

^

اللـه يسلمج ويحيييج ^^
يعطيييج العافيه .. الحيين رايحه للـ الافينوز =) تسلميين

بس محد رد بخصوص حديقة الشعب متى تفتح وتسكر ؟

اتوقع تفتح 5 وتسكر 12

ترا حديقة الشعب حلوووه العابها

 

[ام هشومه]

وانا بعد ابي اسأل متى تفتح الاسواق ومتى تسكر هل احصل المحلات فاتحه الظهر

 

[<< أزيان >>]

المولات اللي فيها سوبر ماركت ( جمعيه )

الافنيوز داخله كارفور

شرق داخله مركز سلطان

الكوت داخله مركز سلطان

مجمع 360 داخله جيان سوبر ماركت

جميع المولات والمجمعات الحديثه تفتح من 10 الى 10

ماعدى الاسواق الشعبيه والمجمعات القديمه تفتح على فترتين الصبح من 9 الى 1 والعصر من 4 الى 10 تقريبا

الاماكن الترفيهيه تفتح من الصبح دوام متصل الى 10 بالليل تقريبا

ومن ضمنهم منتزه الشعب

حولي بارك

المدينه الترفيهيه

مرح لاند بالفحيحيل

المركز العلمي ضروري تزورينه في اكواريوم وعن حياة الحيوانات والاسماك وفي سينما آي ماكس

في اكوا بارك المدينه المائيه

قرية المسيله المائيه

في مجمع دسكفري كله العاب ومطاعم فقط

بالنسبه للجمعيات بكل منطقه سكنيه بتلقين داخلها جمعيه امشي عالافتات وماتضيعين

مجمعات رخيصه للهدايا وفي ملابس القطعه على 5 دنانير وجلابيات وبجايم والعاب وكافيهات ومطاعم

وسوبر ماركت سيتي سنتر كل هذا بتلقينه تحت سقف واحد مالج غير سوق السالميه الاحمر عجيب واكيد بيعجبج ويوفر عليج الوقت

اتمنى لج سفره ممتعه وحياج الله في ديرتج وبين اهلج

واي شي تحتاجينه راسليني عالخاص