استفسلر عن غسالات الفل اوتوماتيك

[وافية*]

مرحبا بنات
شخباركم
انا امس اشتريت غسالة سامسونغ فل اوتوماتيك سعة 12 كجم
المهم امس شغلتها وغسلت فيها بس لوعت جبدي تطوووووووول اذا غسلة عادية قطن تاخذ ساعتين واذا تبين تنشيف بعد تاخذ ساعتين يعني 4 ساعات شدعوة...
الغسلة الثانية حطيتها غسلة سريعة ام ساعة الا ربع بس هم مع التنشيف طلع 3 ساعات
شالحل يعني كل الغسلات جذي بطول؟؟؟
وفي شغلة ثانية الحوض مالها اللي داخل لما افرة بايدي اسمع صوت ماي تحتة ماطلع منها الظاهر شسوي اخاف تخترب الغسالة...تكفون اللي عندها خبرة بهالغسالات تفيدني​

 

[وافية*]

شدعوى بنات مافي ولا وحدة عندها غسالة فل اوتوماتيك

 

[الغاليه نونو]

شووفي يمه

الغساله التوماتيك فيها تايمر علي حسب نوع الملابس

الحراير والشيفونات لهم تايم معين توقتين العساله وتغسلهم وتنشفهم لج بربع ساعه

والاقطان بنص ساعه
وانا ظبطه التوقيت علي بونص ساعه لانه العيال الله يحفظهم يلبسون وعقب مشوارهم يقطون الثياب باليوم ثلاث اربع مرات مافيهم وصخ وايد

واذا عندج هدوم تبي فترةغسيل اطول يتراوالي ساعه الا ربع كافي عليهم

تحطينهم ساعتين بالغساله يختربون الثياب حتي خيووطهم تنهري يمه



غسالتي سر سعادتي

 

[أم علاي]

واي انا جذي غسالتي تطلع روحي على ماتخلص مع انها خوش شي واستخدامها حيل سهل

واهي ماركة وايرل بوول

بس وااااي تبط الجبد وعلى قولتج يبيلها 3 الى 4 ساعات علشان تخلص برنامجها سواء قطنية او ملون او غسيل بارد

 

[omm aljawa]

ويييييييييييييييييي عاد ان ياية اتطمش وباخذ معلومات عشان باخذلي غسالة اوتوماتيك بس عاد واااايد 3 ساعات

 

[أم أحلى البنات.]

بالعكس حللللللللللللللللللللللللوة حيل .. والغسالة الللي عندي الحين ثالث غسالة فول اوتوماتيك اشتريها ..
لدرجة اني قلت ببشتري ام حوضين وشريتها قبل اللي عندي الحين ولاااااااااااااااااااااااااااااااااعت كبدي منها ماصبرت وشريت فول اوتوماتيك ماركة فريجيدير .. توقيت التنشيف اقل شي ساعة ةاذا تبينها نص ساعة مو مشكلة ,,طفي الغسالة عقب نص او ربع ساعة ترى موشرط تلتزمين بوقت التنشيف .. اما الغسيل ,للملابس الخفيفة واللي مو حيل وصخة حطي على اقصر وقت , اما القطنيات مثل ملابس الرياجيل لازم تاخذ حقها بالغسيل .. اما التنشيف مثل ما قلتلك طفي الغسالة عقب الوقت اللي تبينه ..وسلاااااااامتك...

 

[وافية*]

يعطيكم العافية ماقصرتو انا ادري ان هذا نظامها جذي بس حييييييل تطول

 

[أساور]

احنا جذي وماحسيت انها مشكلة فري الغسالة وروحي عنها وهي تسوي كل شي
احنا ساعات نطلع ونخليها بروحها

 

[blue rain]

التوماتيك انظف خصوصا اذا عندج خادمه قبل تلعب بالملابس 3 دقايق ماتخليهم تبي تخلص حضرتها وتشيلهم وتحطهم بالنشافه وما تسبعهم لوعت جبدي وتطلع الملابس مبقعه والصابون راح على الفاضي يعني اذا بغسل الملابس لازم اراقبها
الحين احط الملابس و اضبط البرنامج بالليل واقول حق خدامتي اول ما تقومين الصبح شغلي الغساله وهي مالها شغل بشي البرنامج جاهز ولاتقدر تبطلها كلش والله ارتحت
بس تحسفت اني شريت صغيره
الا بسالكم بنات في احجام فل اوتوماتيك تقدرين تغسلين فيها ديباج نفرين والا صعبه :eh_s(6):
ويعطيكم العافيه

 

[أم أحلى البنات.]

غسالتي 8 كيلو قالولي لما شريتها اها تغسل ديباج بو نفر بس ما ننصحك ممكن تخرب الغسالة من ثقله بالعربي ماقدر اغسل الكنابل فيها ! بس على حسب الكيلوات .. اذا اكثر من ال8 اكيد بتغسلهم..

 

[وافية*]

انا غسالاتي 12 كيلو غسلت فيها كنبل نفرين بس خفيف موثقيل
وفي غسالة اوتوماتيك 15كيلو تغسلين الكفرات والمخاد وكل شي بس تتعبا من فوق مو من تحت حلوة صراحة ونس نظام الفل اوتوماتيك بس عيبها لازم تمددينلها ماي حار وماي بارد يعني السخان والبرادة على طول شغالين بس كبييييييييرة