استقالتي من التربيه

[حلم المشاعر]

السلام عليكم بنوتات :eh_s(8):
شخباركم ​

انا خلاص نويت استقيل من وزارة الهم وزارة التربيه :eh_s(9):​

بس بليز ابي مساعدتكم وادري ماراح تقصرون معاي :eh_s(15):​

انا عندي بكاليوس تربيه اجتماعيات من الجامعه المفتوحه ​

صار لي ثلاث سنين بالتربية ما ابي استقيل الا لما اخطط عدل قبل الاستقاله ​

وين تنصحوني اروح ابي هيئات ​

مفكره ببيت الزكاة عندي واسطه بس مو واثقه بمدى قوتها :bbbiu:​

برايكم وين اروح بلييييييييييييييز ابي ردود ابي معاش زين ومو مهم الكراف لاني
كليت تبن بالتربيه :eh_s(14): فمتعوده ​

وشرايكم اذا خذيت دورة icdl تهقون بتفيدوني ​

وسوري اذا طولت عليكم :eh_s(7):​

 

[حلم المشاعر]

اشدعوه ولا رد واحد

 

[emankuwaiti]

صلي استخارة و شوفي

بس ليش استقالة . سوي ندب أو نقل

وبالتوفيق ان شاء الله

 

[حلم المشاعر]

قالوا لي ما يصير
وبعدين ما ابي اي شي يربطني بهالوزارة ابي وزارات ثانيه

بليز شوروا علي

 

[hello1]

الوزارات كلها مو شي

اماكن ضيقه يعني زين اذا حصلتي مكتب هذا اذا مو معاج مجموعه

وفي وزارات لا شغله ولا مشغله بطاله مقنعه مجابلين بعض ومشاكل

 

[*caramel macchiato*]

حرااام لاتستقيلين...سوي نقل خدمات!!!....وانا سامعة والله اعلم ان الي تستقيل ماتقدم على الديوان الا عقب سنه ....بس هم تأكدي.....

وثانيا بيت الزكاة ماعندهم تعيين بس ندب....انا سائلتهم بنفسي.....

على العموم عسى الله يوفقج ويوفقنا اجمعين....

 

[عزتي مالها حد]

من كم اسبوع موضي الحمود صرحت ان اللي مايرغب بمهنت التدريس يقدر ينقل لاي وزارة اخرى
وعشان تتاكدين روحي ديوان الخدمة المدنية وقابلي احد المستشارين لانه عندهم اخر قرارات موضي الحمود

وبالنسبة للاماكن اللي رواتبهم حلوة
1- بيت الزكاة
2-جامعة الكويت
3- التطبيقي ( ساووهم بالجامعه من حيث الكادر)
4- الهيئة العامة للبيئة
5- الهيئة العامة للصناعه

هذيل اللي يحضروني حاليا

بالنسبة لدورة الـ icdl في اماكن تطلبها مثل جامعة الكويت

وموفقه

 

[حلم المشاعر]

مشكورين على الردود
بس اول مره اسمع ان في نقل من التربيه لوزارة ثانية

وين اقد اقدم هالنقل ؟من المدرسة ؟

 

[zqertya]

اب اب اب

 

[نـ(المطيري)ـازكـ]

لاااااااا تقدمين استقالتج ..

سوي نقل خارجي .. عادي انا رفيجتي سوت نقل من وزاره لي وزاره ومن تخصص لي تخصص عاااااااادي

 

[حلم المشاعر]

واذا سويت نقل من وزارة لي وزراة ترى تطول السالفه
وانا ابي حل نهائي للتربيه

ودي على العطله شهر 7 جذي اقدم استقالتي من التربية يصير

 

[رحيل المرافيء]

الجامعة العربية فيها اجتماعيات بعد؟؟؟
عيل لاطبنا ولاغدا الشر

 

[بكتني الذكريات]

استقاله مررره وحده !!! لا يصير عادي نقل من وزارة لي وزارة بس سألي وفكري بالاول زين

بس بسالج اجتماعيات في بالجامعه المفتوحه @@ ؟؟ الان ودي اكمل وابي اجتماعيات

 

[المكسيكيه]

حبيبتي سوي نقل من وزارة الى وزارة اوهيئه موفقه ان شاء الله

 

[جوليانا الحلوه]

الله يوفقج اختي استخيري

 

[جوري الكويت]

انا استقلت من جم سنه من وزاره التربيه و رحت قطاع خاص

و اتوقع ان اللي يستقيل من الحكومه لازم ينطر سنه و يقدم على الديوان مره ثانيه


بس لعوزوني بالاستقاله تمرين على مليون مكتب و اداره تسوين براءه ذمه

انا استقلت اول شهر 4 و على ما خلصت اوراقي .. يت حزه المعاشات

و نزلوا معاشي و بعد جم شهر من الاستقاله .. دقوا علي علشان مديونيه حق وزاره التربيه

المعاش اللي نزلوه و انا مستقيله .. مع ان التاخير في الاجراءات كان منهم


كل مهنه ممكن النسان يتحملها بالغصب الا التدريس

الله يوفق كل وحده ودها تطلع منه

 

[ترف بابا]

انتي ليش بتستقيلين في احد ماذيج؟
نقلي مكان ثاني - ولا تبين معاش اكثر؟

 

[حلم المشاعر]

لا الموضوع مو سالفة احد ماذيني انا خلاص كرهت التربيه