استي لودر-ميك اب فوريفر-كريولاين-ديرماكول-ماك (شاركوني بنات بليز فيدوني)

[شقره كيوت]

السلام عليكم ..
شلونكم حبايبي ...

بنات الله يسلمكم انا بشرتي محفره وفيها مسامات وحبوب يعني مو صافيه والحمدلله قاعده اعالج
بس قاعده ادور على كريم اساس تغطيته قويه .. يعني ابي الكريم يغطي الحبوب والمسام وكل شي
جني حاطه طبقه ومدحولي كذا ماركة وماني عااارفه شنقي ! ! ! فاللي عارفه ايهي احسن ماركه تصلح لبشرتي وتغطيها عدل تقولي ! لان جد قطيت فلوس شريت كريمات الدنيا وتالي انقطو بالدرج
:eh_s(2)::eh_s(2)::eh_s(2): جد بنات تعبت وانا ادور وقمت افتشل لمن اطلع والسبه بشرتي التعبانه :eh_s(2)::eh_s(2)::eh_s(2):

تكفون بنات قولولي احسن ماركه حته لو ما يصلح حق طلعه ويصلح حق عرس مو مشكله راضيه !! لان مع ويهي راح يصير جنه مال صبح مو مال طلعه بعد...

وامانه بنات تمدحون شي مجرب ومتاكدين منه وبليز قولو لي وين احصله
وفيدوني حق بشرتي استخدم فرشه ولا سفنجه ؟؟؟​

واي ماركه اخذ منها ؟؟؟ابي كريم اساس و وبودره

الماركات اللي ذكروها
(استي لودر - ماك - ميك اب فوريفر - كريولاين - ديرماكول)

وثااانكس بنات:eh_s(7):

 

[مهندسة مكياج]

حبيبتي انا بنت اخوي مثلج حبوب ترس ويها بس بدون حفر

ودورنا لين قلنا بس وترا ويها جاف

1- كريم مرطب وانصحج بسيتافيل مع غسول ماركة كيو في
2- كونسيلر ديرماكول ولا ارووووووع او كريولان الدائري
3- كريم اساس تستخدمينه مع فرشه كبيره مو باسفنجه احسن :::: كريولان سوبرا كلر ---غرامي لانه مو طبيعي يسوي الويه فوتوشوب او من ماك شوفي شي يناسب نوع بشرتج بس ماظن يوصل تغطيتهم مثل كريولان
4- بودره من ماك او كريولان او واااااااايد ماكس فكتور وايد فيه ممتازين او تاخذين لوز باور وبالفرشه الكبيره تطبطبين بس على ويهج علشان مايصير طبقات وايد

 

[زهرة الفردوس]

انصحج بكرايولان كومباكت تغطيه روعه

 

[بدويـــة مودرن]

كيريولاين سوبرآ كلر روعه وتغطيته فل كفررر

 

[شقره كيوت]

ثانكس بنات

 

[شقره كيوت]

انزين شدعواااااااااا بنااااااات ٨٨ مشاهده وبس اربعه اللي ردو
بليز بنات ساعدوني محتاجتكم

 

[a7la-catwa]

بعدعمري شقره كيوت بعطيج خطواات وانتي جربيهااا وانشالله تعجبج
اول شي نضفي وجهج رغوه وسكرب وتنك الخاص فيج وبعدهاا رطبي بكريم المرطب الطبي مثل ماركة كلينك
وزعي فانديشن ويكون حسب نوع بشرتج دهني او جافه وانصحج بكريم قيرلان الي لونه اسود الجديد تغطيه روعه وبعدها حطي كفر على الحبوب والحفر واي شوائب بس مسحه لتغطيه واحسن ماركه ميكب فور ايفر الي كانه حمره اسود وبعدها حطي بودرة مااااااك انصحج فيهااا روعه وبعدها اي اضاءه واحمر خدود من ماااك مشمشي وبجذيه بتكونين وااااو وحصلتي الي تبينه
مابي منج الا الدعااء

 

[النجلآء]

انا مجربة فاونديشن إستي لاودر دبل وير مررة حلو وتغطيته بعد حلوة

خذي بكلام البنات ماقصروا الله يعطيهم العافية

والله يشافيج ويعافيج حبيبتي

 

[زوجة عزيز]

كريولاين تغطي عدل بتناسبج

 

[يازمان العجايب]

استي لودر احلي شي للتغطيه

​

 

[Sparkle]

أنصحج اب فاونديشن ماك Studio sculpt




وكريولان Supra color



ومني درس نزلته من زمااان

تكلمت عن عجلة الألوان والكونسيلر وشنو كل لون وأستخدامها اذا محد ما عنده خلفيه يا ريت يقراه (تقلونه اب رد 27) لان بطبقه اليوم
http://www.q8yat.net/showthread.php?t=439019&page=2

وهل درس طبقته على خدامتنا طبعا رضت لي أصورها وحبت تساعدني اب موضوعي بصراحه بشرتها كلها أثار وحفر
بس حاولت كثر ما أقدر أحل مشكلتها وان شاء الله تستفيدون من نصايحي ما قدرت أصور كل خطوه طبعا صعب وأنا بأيدي فرشه بس بقوولكم شنو سويت من البدايه لي النهايه

صوره جماعيه حق الفرش الي أسخدمتهم كلها اب هل درس

طبعا خن أوريكم صورة رشال خدامتنا

أول شىء بديت اب مرطب (على اليمين) Clean & Clear خالي من الزيوت ورطبة بشرتها

وراها أستخدمة بيس Beauty society (على اليسار) وهل بيس ينور الويه ويثبته مده طويله واذا أحد عنده عيوب بالويه أو حبوب يساعد في أخفائهم

خذيت عجلة الكريولان واب فرشه ال ecotools خذيت لون الأخضر بكميه خفيفه أبدي اب شويه وزيدي اذا شتفي تحتاجين هل شىء وحطيت على الأماكن الحمرا اب ويها فقط مو كل الويه لا بس على الحبوب والأثار وطب طبت بنفس الفرشه عليه

واب فرشه ثانيه خذيت من نفس العجله لون برتقالي وحطيته تحت عيونها


ونفس الشىء طب طبت بالفرشه تحت عينها

ووراها خلطت بين لونين من درجات الكونسيلر

خلصنا من الكونسيلر الحين دور الفاونديسن استخدمة فاونديشن ماك studio sculpt أخترت لون شويه أغمج منها (بنات الي بشرتها حساسه لا تستخدم فاونديشن ماك بالأخص studio tech ولا مرا سمعت أحد يشتكي عن نوع studio sculpt بس الي بشرتها حساس خل تجرب كلينيك, ميك اب فورايفر نوع HD أو Double wear من أستي لودر)


والفرشه الي استخدمتها square foundation brush في واحد مثله عند ماك رقمه 191
وأنا أموت على فرشة 190 بس هل فرشه بتساعدني أكثر اب هل حاله خصوصا أنا حوالي خشمها حبوب وهل فرشه تينن توصل لكل مكان أبي أوزع فيه الأساس

وشكله جذي

وراها وزعت الأساس ما أذكر شكثر حطيت كميه بس ما كان وايد


الحين تقريبا خلصنا

رديت بالكونسيلر الأخصر على كذا منطقه حسيتها تحتاج تغطيه زياده ورديت عليه اب بل كونسيلر العادي طبعا بطريقه طب طبه


وخذيت فرشة ال 187 من ماك

وشويه Mac mineralize skin finish natural

ووزعت البوده عليها اب حركات دائريه خفيفه




النتيجه

 

[brettey]

sparkle كفيتي ووفيتي روووووووووعه

 

[Killer^Girl]

كريولان

 

[سيلينا بيريز]

رووووووووووووووووعه

 

[@ DLOO3TAH@]

أســـتي لـودر |>